我們是在自修室開始的: 現在原是最好的年華
話說我都慢慢覺得自己緊張阿欣，多過緊張Rebecca，所以......我今日約埋Rebecca一齊去探阿欣。
阿欣好明顯仲未好返，依然發緊燒，成個人都好攰，而且把聲仲有少少感冒的感覺。
我：妳有冇覺得好d呀? (廢話一句)
阿欣：都係咁啦!
Rebecca：你洗唔洗佢上黎照顧你?
阿欣：如果妳唔驚我搶左佢的話，我冇所謂呀!
Rebecca：er…...咁我信得過佢既!
阿欣：我講笑啫，唔好咁認真啦!
依然由我解圍......
我：其實冇所謂啦，阿欣識得講笑都冇乜事啦，兼且我都唔得閑
阿欣：我自己應該可以架喇，Rebecca唔洗擔心我喎!
Rebecca：我驚你返唔到學呀!
火星撞地球句句有骨......我都懶理喇!
我：係呢，妳住左喺渡假屋咁多日都冇事，點解冇端端會病左?
阿欣：其實我覺得果晚好奇怪，我見到天花板有幾個黑影行來行去，部電視明明熄左都開返，而個廁所就斷斷續續有水聲......唔知係咪果d野
Rebecca：唔好自己嚇自己啦!
我：聽妳咁講，我覺得好似有d問題。妳係咪得罪左人地呀?
阿欣：應該冇呀!我照樣好似平時咁訓，冇做過乜野特別野去騷擾佢地喎
Rebecca：係咪因為我冇返去訓，得返妳一個所以搞到咁?
阿欣：係喎，妳果晚去左邊呀?
我：佢過左黎同我傾心事，所以......
Rebecca面紅一紅
阿欣：我明喎，妳地應該玩得好開心啦!
我：講返妳果晚先，唔好諗咁多住，繼續好好休息啦!
之後我和Rebecca兩個去了附近行街......
一入到商場，就有一群MK和年青人駐守，問「係咪買書放書?」，上到2樓又再問過。
不過Rebecca繼續行，繼續睇衫，沒有理會過沿路的「撈魚」。
Rebecca：呢件好唔好睇呀?
我：ok啦......妳想買衫咩?
Rebecca：睇下啫睇下啫 (此話不能盡信)
我：咁不如去前面睇啦，有間賣到XXXXL都有喎!
Rebecca：我似要著咁大件咩?
Rebecca：呢件幾好睇呀，就買呢件啦!
(都話左不能盡信啦)
雖然陪Rebecca行街好悶，不過冇辦法啦，我都好耐冇陪佢行街 (唔計長洲果次)
甚至有人問我，究竟阿欣係我女朋友，定Rebecca先係我女朋友，我都唔知好嬲定好笑......
唉，經營一段情感，比尋覓一段情感更困難。拍拖之前我們都很期待遇見對方，但到拍拖之後，大家卻又想有獨立自主的生活，想找回失去的自由。
我不想這樣就結束了第一次，但勉強卻沒有幸福，唯有順其自然吧!
Rebecca去睇女人衫，睇精品飾物，其實我並沒有興趣，但我樂意陪她，只不過因為我想將這段關係延續下去。
我唯有趁她不為意時，去睇手機......殼啦!
(寫到呢度，真係有d傷感)
算啦，不如講返我同Rebecca行街啦!
Rebecca：呢件好唔好睇呀?
我：er…你想我講真話?
Rebecca：快d講啦，襯唔襯呀?
我：其實...你著乜都咁靚架啦，唔著都靚過人! (我知我好假)
Rebecca：我明既......不過唔洗開口講既 (佢依然相信我)
我拿起了旁邊的一件衫，雖然有點mk feel，但應該與她很襯的
我：我覺得呢件好睇d
Rebecca：真係?不過......好似好mk style咁既!
我：你試下先啦!
Rebecca：好啦好啦
試完之後......
Rebecca：又真係幾襯喎，就不如買呢件啦!
我：係呢，咁洗唔洗襯埋條mk鏈呀?
Rebecca：唔好玩我啦，我唔想再行返以前條路!
我：你以前?有冇相睇下......
Rebecca：有，不過帶我去食野先，我坐低先俾你睇!
她每次見到食物而歡欣的樣子，我坐在對面也感受到這一份喜悅，她實在是一個喜歡食物的女仔。
我：妳睇下妳，食到成嘴都係咖喱喇!
Rebecca：咁大件事?
我拿起了紙巾，為她抹去嘴邊的咖喱汁，我發現她對著食物笑得特別開心。
我：係喎，又話俾相我睇既?
Rebecca：你確定你想睇?
我：快d啦!
Rebecca：你睇完會唔會唔要我架?
我：唔會呀!快d啦
嘩，照片中那個一年前的她，真係好撚mk!
不過她在我心目中依然很美。
Rebecca：點呀?係咪好恐怖呢?
我：唔係呀，你點睇都係咁架啦!
Rebecca：即係點呀? (她面帶一點憤怒，好像想拿起刀叉)
我：你點睇都係咁靚!
Rebecca：算你啦!我地去第二度行啦!
我：哦
話說我們之後去了尖沙咀，她說想去參觀科學館......
可能科學館對於工作忙碌，學業繁重的香港人來說會很無聊，但Rebecca卻在這裡玩得很開心(連我也玩得很開心)
Rebecca：不如走喇?
我：下，玩多陣先啦!
廣播：本館將於十五分鐘後關閉......
或者與她一起盡情投入，關係會有一點改變。
忽然諗起《狂舞吧》......
現在原是最好的年華 就盡全力愛吧
誰在注目 凝望你嗎
如畫 那樣美麗無瑕
各位，無論拍拖單身抑或已經結左婚都好，都記住盡全力去愛你所愛的，或者到最後你會感覺到有所轉變。唔好俾自己後悔呀!