我們是在自修室開始的: 長洲篇(十)

雖然Rebecca醉左之後不斷亂講野，其實我可以唔理佢......不過佢成晚煩撚住我，搞到我想訓都冇得訓!
算啦，聽下佢酒後吐真言都好! 

Rebecca (佢睇到佢有眼淚)：雖然我冇jer，但係我要屌柒你，成鳩日喺度扮女神，扮晒世界女，好把炮咩?係咪燒壞腦呀你!你睇下你，同塊洗衫板冇分別呀咋!
(應該係數緊阿欣，但其實阿欣係有波既!) 

Rebecca：果條友仔，懶好心走去安慰我，日日專登去自修室等我，又偷偷地望我，扮晒蟹喎!你估我唔知你想點咩?(原來佢咁諗我既......) 

Rebecca：改變始於抗爭，希望在於人民!
Rebecca：開路開路開路! 


跟住仲唱緊歌......呢首係太陽花學運的《島嶼天光》
Rebecca：
天色漸漸光　遮有一陣人為了守護咱的夢　成做更加勇敢的人
天色漸漸光　已經不再驚惶現在就是彼一工　換阮做守護恁的人 

醉左的人好麻煩，而醉左的女仔就寧舍麻煩，雖然好似人格分裂咁不停轉topic，不過聽到佢d心底話都幾好!


到第二朝訓醒(即係喺長洲既第四日)，已經十點幾。佢應該唔記得左自己琴晚講過既野喇!
當時Rebecca訓左喺我隔離，而我隻手就伸左過去攬佢，呢個姿勢真係好舒服。


我望下佢，原來佢都望住我，仲要用一個好嬲既眼神望實我，因為我隻手擺左係佢果度上面! 

Rebecca：仲唔縮手?
我依然唔縮手，反而進一步採取抽水行動。
Rebecca：不如你去洗面先......
我：唔去! 

於是我感覺到有架貨車撞我後欄，搞到我車尾燈著晒!
所以我唯有乖乖地去廁所洗面我洗完面，一如我所料，Rebecca訓喺床繼續訓緊，仲扯埋鼻鼾! 



呢個時候，我要出招喇!
話說佢好怕俾人篤佢條腰，我走埋去喺度篤佢，篤到佢彈起......
「好痕呀!唔好呀夠喇，我起身喇!」 

我們收拾好行李，過去阿欣的房間......
阿欣個樣好殘，把聲聽落病病地。 

Rebecca：你冇事呀八婆!
我：係囉，好似病病地咁!
阿欣：好似有少少燒! 

我不客氣伸手摸她的額頭，好像新鮮出爐的麵包，熱得燙手 (估唔到Rebecca屌到佢發燒) 
我：點解無啦啦會發燒?
阿欣：我都唔知!
於是我們陪阿欣收拾行李之後，到長洲碼頭搭船......船程只不過是四、五十分鐘，但她卻不停嘔出異物，嘔吐物是黃黃綠綠的，好奇怪! 我第一時間串連到的是靈界。 



Rebecca：Calvin，你唔洗送我返去喇!你送阿欣返屋企，睇實佢啦!
我：哦好呀，不過我都冇打算送你返屋企!
Rebecca：走啦你! 

於是我很聽話地，帶著阿欣走了!
由於阿欣住在我屋企附近，所以由我照顧她是很方便的事。 

阿欣：我個頭好熱好痛呀!
我：洗唔洗睇醫生呀?
阿欣：應該唔洗掛......
我：你連企都企唔穩喎，俾隻手我啦，拖住你行穩陣d!
(實係咁啦，其實係我想乘機抽水咋!) 

於是我又再次拖住阿欣，不過這次她的手很熱，但依然很滑。


到阿欣屋企時，我已經不再是拖著她......她已經放棄行路了，改為要我揹佢!
她打開雙腿騎上來的時候，我的感覺不單只是重，還有很熱和很享受。 
她整個身體貼近我的背脊，在我的膊頭上面睡著了，直到她到屋企樓下仍然是睡眠狀態。但到她屋企樓下，我不得不叫醒她

我：你住邊座架?
阿欣：直行果座呀! 
到電梯口我又問......
我：幾樓邊個單位?
阿欣：xx樓xx室
我：你俾條鎖匙黎啦!

開門之後，我把那個病人拋到沙發，之後便打算返屋企......