我們是在自修室開始的: 長洲篇(九)

雖然出發前只講逗留n日，但大家的共識都是三日兩夜(我都唔知點解)。
現在我和阿欣和Rebecca都打算留多一晚，但阿怡和細A卻無奈要回家(話說她們是住同一間屋的)......所以這一晚才是三人的快樂時光! (唔好亂諗)

食完tea之後，我們在碼頭送走她們兩個，接下來的時光很寶貴，這是難得放下了包袱可以三個盡情瘋狂一晚。
黃昏開始，我們在島上遊走至凌晨，到過東灣、西灣的大街小巷，阿欣和Rebecca都好像不會疲倦，而我呢?其實我很想訓教，但奈何我冇得揀!

阿欣：嘩，差唔多十二點嗱，不如去食野啦!
Rebecca：好肚餓呀!
我：食啦食啦，食乜呀?
Rebecca：掃街啦!


阿欣：可唔可以坐低食? (原來佢係識得攰架)

所以我們到了一間仍然營業的食店。
食飽之後，我們都覺得夜了，而且長洲也靜了，所以我們都回到渡假屋。
話說兩個女仔走左之後，只剩下阿欣、Rebecca，她們都轉了一間細房，而我就照舊自己一間房!
就在回到房間後的不久，Rebecca過來我的房間......話就話訓唔著，但實際是想過來吹水。

Rebecca：你覺唔覺今晚個月亮好圓.......
我：係喎! (其實好hea)
Rebecca：你快d話我知，點解你當初會安慰我?


我：其實.我口痕!
Rebecca：仲有呢?
我：你嘈住我溫書囉!
Rebecca：你試下講多次! (呢個女仔好惡)

佢係咁篤我......(我好驚俾人篤架)

我：好喇好喇我講喇，其實......第一次見到有女仔喺自修室喎，咪想安慰下妳，氹返你開心......不過之後再遇見妳，妳又咁岩坐返我隔離，但妳又好似唔認得我，我就慢慢覺得同妳好有緣份，好似整定咁!
Rebecca：跟住呢?
我：過後返到屋企，唔知點解會好想返去自修室，之後慢慢發覺自己掛住妳，好似冇左妳喺自修室會溫唔到書咁!


Rebecca：呵呵...咁糸鍾意我邊方面?
我：我都唔知 (唔通話鍾意妳肥咩?)
我：咁妳又點解會揀左我?
Rebecca：唔話你知啦，費事你驚!

就這樣傾下傾下，我還未沖涼就累了，不知何時便躺在睡著了。
ZzzZzz…ZzzZzz…ZzzZzz…

在睡夢中(冇錯我又發夢)，我見到阿欣坐在地上，露出一副很煩憂的樣子。過了一會，她站了起來，對著房間裡的鏡跳舞，我感覺到她用了很大的氣力去跳......
跳舞，的確是一個忘掉煩惱的好方法。
她一跳就跳很耐，之後我好像沒有心情看下去，影像漸漸模糊......

再過多一會，我忽然扎醒了，一睜開眼就見到一對瞳孔對住我。
我整個人都瞬間清醒了。
雖然近來經常收聽《恐怖在線》，聽過很多個案，以為自己遇到時會臨危不亂，可以冷靜地應對，可惜這一次我還是克服不了......


因為她卻不是鬼，她是人，她叫Rebecca。

女鬼：「哈哈，你睇下你!震到呢......」
原來Rebecca刻意整估我，還要在房裡set cam拍下我的醜態:(

抬頭一看，原來只不過是凌晨1時15分。我感覺睡了很耐，但實情睡了不足半小時。
由於我已經進入了完全清醒狀態，兼且不捨得不顧「枕邊人」，所以我們......繼續傾計。
傾傾傾傾......

Rebecca：我口渴
我：不如去買野飲
Rebecca：咁夜......邊有士多做生意?
我：傻妹，長洲有7仔架!
(雖然我們兩個都不喜歡光顧大財團和連鎖商戶，不過冇辦法，焗住要去)
我們慢步到附近的便利店(原來係ok)......


這段路其實很短，但拖著她走卻是件很開心、很甜。


------------便利店------------
我：飲咩野呀?
Rebecca：是但啦!
我：咁......藍妹囉!
Rebecca：想趁我醉左，跟住咩野? (我冇咁諗過)
我：我點會呢?我鍾意妳，當然會保護妳啦!
Rebecca：係喇係喇，甜到呢......

買左幾罐啤酒，我們就散步回去房間。
Rebecca飲了第一罐，已經有少少面紅耳赤，之後就開始胡言亂語......不過酒後也有真言的。

Rebecca：我問你，你係咪唔鍾意我?鍾意阿欣?


我：唔係呀唔係呀!
Rebecca：咁你做乜成日痴住佢，仲要影佢相!
我：下......你唔鍾意呀?
Rebecca：你知唔知你幸福呀?有我同你一齊......你睇下阿欣，佢想搶你呀!
(明顯地佢已經醉左)

我：你醉喇!
Rebecca：我冇醉!
Rebecca：我唔及阿欣靚，冇佢咁瘦，條腿冇佢咁正，重過隻豬少少，個口大左d，但點解你要拋棄我?
我：你醉喇!
Rebecca：我唔似得佢咁濫交架!
我：係係係
面對一個醉左的女仔，我表示束手無策，唯有等酒氣散。