我們是在自修室開始的: 九龍灣行街

原來阿欣仲未有男朋友的......算啦，ff下好喇!
小巴在九龍灣工業區裡塞了一會，終於到了Megabox。

出面三十幾度，一行入商場，果陣涼意真係好舒服。
「乞痴...乞痴...」我走進去不久就連續左兩個乞痴。
(聽聞連續打兩個乞痴係有人掛住自己咁解喎，不過算啦)
其實我是陪阿欣賣衫的，所以，我一直都跟住她......

--------H&M--------
阿欣：你睇下衫先，揀好左搵你俾下意見!


我：收呀收呀收到呀!

於是我就走到男裝那邊，隨便看看衫褲，其實H&M的T-shirt都幾靚......不過平時見到旺角H&M咁多人先唔想入去。
當我看得頗入神之時，
阿欣：你過黎睇下!

我便立即以小明走路的速度，撲向阿欣身邊。
當時阿欣手上拿著幾十件衫，和一條短裙，對住我微笑。

我：點呀，大小姐!


阿欣：你快d幫我揀啦，邊件靚呀?
我：其實呢，你想我點幫你揀呀?
(我見到佢手上堆衫，已經知道咩野叫混亂)
她把衫放在自己身上。

阿欣：咁樣啦，你逐件放上去睇下襯唔襯!
於是我把T-shirt逐件拿起，放在她的上身，再給予一些所謂的「意見」。

當時我留意到她的雙眼，凝望著我。不過應該是擔心我雙手亂來......



我：呢件幾好睇......
我：呢件就,,,,,,一般啦!
我：好襯你喎呢件
我：呢件好夾你個style呀!
如是者講了幾十次，我口也乾了。

最終揀剩十幾件，她便拿了這堆衫和一條短裙進去試身。

逐件試，試完便開門問我「好唔好睇?」

我每次都說：好靚呀!
直到她試穿那條短裙.......wow，好吸引呀喂，我就黎頂唔順喇!

她開口講了一句，令我嘩然。



阿欣：喂你好似扯左喎，係咪好吸引呢?
(我面紅耳赤，已經不知道怎樣給反應)
阿欣：講下笑姐，唔洗咁的!
我苦笑了。
到最後，她換回校服，買了這條裙和十幾件衫(我唔記得左準確個數)。

收銀：多謝小姐，總數$xxxx

阿欣俾完錢，我們就走了!

阿欣在H&M掃完貨之後，我地上左去宜家傢俬。
--------宜家傢俬--------

入到宜家傢俬，佢見到個門口波波池，d童真即刻翻晒黎，阿欣差d落左個波波池玩......



好在個職員捉住左佢，跟住同我講左句：「睇實你女朋友好喎!」
我心諗：唉，我都想係咁，不過這些機會呢......

當時我和阿欣都聽到這句話，對住ikea職員笑了一笑，再互望了一會，就繼續行。
阿欣在裡面就像個小女孩般，四處跳跳扎，周圍的人都望著我們，我也不知道是「好嬲定好笑」。

走近一張梳化時,,,,,,有個女仔做了個起跑姿態，以小明的速度飛撲過去。
跟住，有個穿住校服的女仔，笑住咁，趴左落去張梳化度。
果個就係阿欣......佢好得意，個笑容真係殺死人。
我慢慢走過去，拉起她。

之後我為免她會再做出驚人的動作，所以我......拖住佢繼續行。
就是這樣，我們行下行下就走返出去德福。

--------德福--------


話說這時才只不過是四點幾，這晚我們是打算回家食飯的(當然是各自返回各自的屋企)
但臨走之前，我們去了德福的HMV(之前唔係話HMV會執粒咩?)
這刻我終於捨得放開她，因為單手揀CD其實是一件很難的事。

走到一個CD架旁，看到一張五月天《步步》專輯，我和阿欣都打算伸手拿下這張專輯。
阿欣：你都係五迷呀?
我：都算係的
阿欣：早兩個月我買唔到飛呀
我：我已經放棄左買飛呢件事
阿欣：其實Rebecca都係五月天的fans
我：我都唔知喎

係喎，我太過投入喇，好似唔記得左Rebecca。
Rebecca，唔好怪我呀，邊個叫阿欣咁正喎!



買完五月天隻MV之後，阿欣仍是像個細路女咁跳來跳去，於是我都是要拉住佢。
走出HMV門口，我和阿欣碰到一個人，呆了。
這個女仔望住我們，我們也同時望住她。

她是Rebecca