我們是在自修室開始的: 挑撥離間

「你甘願安於現狀，抑或為自己拚搏一次?」我這樣問自己。

本著「投資有賺有蝕」這一句，我終於覺悟了!原來香港人怕白費血淚，才會放棄爭取民主、自由、人權、普選......但沒有抗爭，又哪有改變呢?難道理想的社會有一天會從天而降?
唉，我又離題了，愛情又怎能與政治相提並論呢?
老實說，我是應該努力爭取更好的。
但我還是安於現狀算了，免得偷雞唔成蝕渣米，連Rebecca也失去。
說著說著，我與Rebecca真的很有緣，竟然可以在自修室相識再開始，恐怕這是我們之間的福氣，但願不會是緣起緣滅的一段關係。

雖然仍未開始放暑假，但學校已率先提早放假，就算要返學，也只不過是「自修」。
這一種「自修」課節，並不是自修室那種必須肅靜無言的自修，而是很HEA的......如果學校有麻雀枱的話，我可能會抬一箱麻雀回去開枱。


由於我放學的時間比Rebecca那所學校早差不多一個小時，所以這天我決定到Rebecca的學校接她放學......不過我事前沒有通知她的，只是從女神那邊打探到Rebecca放學的時間。

其實我的學校與她的學校都是坐落在旺角的邊際位置，兩間學校天南地北，話遠唔遠，話近唔近，由我這一邊步行過去要二十分鐘
不過我仍是選擇行路過去，因為旺角心臟地帶的人總是令人東張西望(尤其是夏天)......
一邊向著旺角火車站走，一邊東張西望，雙眼在尋覓路上的女神。
看一看錶，wow，到了她的放學時間了。我也不知道自己如何將二十分鐘的路程拖慢到一個小時......

她的學校對出，是一條典型車水馬龍的馬路。
我站在學校對面馬路，待著紅綠燈，看著對面校門的情況。
正當我很留神地望住校門的時候，突然有人拍了一拍我的左邊膊頭.......



我轉身，以為是Rebecca，怎料原來是阿欣。
阿欣：蝦佬呀
我：阿欣呢?唔係唔係，係Rebecca，人呢?
阿欣：xxx呀，佢走左喇!
我：吓，你唔話我知?
阿欣：......
阿欣：算啦，我地邊行邊搵佢啦!
我：唔係可以點喎?



我與阿欣一同朝著先達廣場走著，我還記得這裡往紅土(紅磡土瓜灣)的小巴......那時我陪她到這裡搭紅van，但現在卻是跟阿欣走著。
這個時候，雖然我的身軀跟住阿欣，但心依然記掛著Rebecca。
我們愈走愈近小巴站，這裡給我的回憶(其實還不算回憶)，就是Rebecca。
阿欣指住紅磡土瓜灣的小巴，說：Rebecca應該搭左小巴，返緊屋企lu
(後來我知道這是一個佈局)

我：咁...點呀?佢唔覆我whatsapp呀!
阿欣：不如你陪我去行下街啦......
阿欣：我想去megabox買衫，你得唔得閑呀?
我：ok的，好啦好啦，係咪搭小巴入去呀?
阿欣：無所謂，我都好耐未搭過小巴
我：我上次先喺小巴同妳相遇
阿欣：係喎係喎
於是我和阿欣兩個就在先達廣場外，紅磡土瓜灣小巴旁邊登上了旺角開往九龍灣的小巴。



車上只剩下兩個座位，還要是情侶位，所以我和阿欣又再次在紅van上擠在一起。
其實同我熟落的人都會知道，我好多野講，就算冇話題都會搵野講，就好似我當初遇到Rebecca咁。
今次亦不例外，車程話長唔長，話短唔短，差不多二十分鐘，所以，我打算撩阿欣......傾計。
我：你做乜無啦啦咁有興致買衫呀?

阿欣：冇呀，屋企件件衫都見過人，廢事翻炒啦!
我：就係因為咁?
阿欣：順便睇下你d taste啦!
我：......
我：咁你唔嗌你條仔陪你去睇衫?
阿欣：我都冇男朋友，得一大堆兵
我：吓，睇唔出喎，咁耐以來都冇?
阿欣：好出奇咩?
阿欣：唉，個個都咁虛偽，我著乜都話靚架啦!
我心裡道：妳唔著都靚架啦!