我們是在自修室開始的: 難道是我?

仍記得上次，當我向女神欣問及Rebecca的新target時，她沒有直接回答我......但我知道她是清楚瞭解Rebecca的想法，可能是為了道義不肯講吧!
我還清楚記得她在FB message的那句：「我唔方便答你，你自己問佢啦!」，這代表著甚麼?她不方便答我，難道答案就是我?不過...算數啦，我只不過係一個普通人，一副普通樣(雖然有fd話我個樣好社運feel)，一向都係絕緣體。
但若然不是我，女神欣又何必向我轉彎抹角呢? 
講到底，為何我會那麼關心一個陌生人的target?難道我真的喜歡了她?
老實講句，我都有d懷疑自己鍾意左佢(更加鍾意阿欣)
所以，我也不敢問Rebecca的taeget是誰，只怕答案是他人，會再次重重打擊自己。 

之後果幾日，我都放假，而放假期間我冇見過阿欣同Rebecca，直至星期三返學......我都冇見過佢地。
過了差不多一個星期沒有見面，不知那裡來了一種感覺......一種好像不捨得，若有所思的感覺，又帶點若有所失的感覺。
所以，我又做了件錯事。 



雖然我跟Rebecca沒有甚麼話題好講，可能她已不當我是一回事，或者像香港人一樣善忘，但我還是選擇打個電話給Rebecca。 
電話接通了......

以下是我與Rebecca的對話，雖然沒有錄音但我清楚記得。
嘟嘟......嘟嘟......嘟嘟......
Rebecca：喂
我：......(我不知道要講甚麼)
Rebecca：喂
我：Hi,Rebecca


Rebecca：蝦佬蝦佬，好耐冇聽過你把聲喇(好彩仲記得我)
我：最近你有乜搞作?
Rebecca：冇呀，都係咁啦，又係去下反東北既活動
我：哦~~
我：係呢，上次我搭小巴撞到你個friend，阿欣
Rebecca：哦，欣姐話左俾我知呀!
我：有樣野...佢叫我......親自問你喎 (其實我好緊張)
Rebecca：你問啦.......
我：你咪話你有新target既，係邊個呀?有冇相睇呀??
Rebecca：er…...做乜咁問?


我：其實......我見咁耐冇見，想關心下妳姐!
Rebecca：你真係想知?
我：我八卦下，唔想講可以唔講架 

Rebecca想正想開口講。我清楚聽到她吸了一大口氣，唔通......
其實我都有d淆......