我們是在自修室開始的: 猶豫

我：你係咪識一個女仔叫Rebecca?
女乘客(阿欣)：係，你識佢咩?
我：冇，我之前喺自修室遇過一個岩岩同男朋友散左既女仔，又係叫Rebecca。
我補充一句：再加上頭先我偷聽你地d對話，我覺得應該係同一個人
阿欣聽完之後唔識點反應，呆左一呆之後先開口講：我個friend應該係你所講果位 
接著我們便開始傾談了一些關於Rebecca的事。

說時遠那時近，小巴轉眼已到了葵涌廣場。阿欣要落車了!
她落車的時候，我坐在座位上大喊了一個問題：「你幾多號電話?」
以她這類女神級，她當然早有兩手啦!


她：今晚上Facebook search xxx就會搵到我

當晚，我登入了Facebook，照阿欣所講的在「搜尋」一列輸入一個中文名稱。
搵到佢喇!她的icon是一張很清純，沒有改圖的相片，而Facebook名也不是那些MK名，不是甚麼「醉愛阿欣」、「唯愛欣欣」。
唉，阿欣這種女神......可遠觀而不可褻玩焉，所以我還是去打探更多Rebecca的消息吧! 

--------我和阿欣的Message內容--------
我：頭先佢係咪講緊我?
欣：你指岩岩搭小巴果個電話? (女神果然識得兜圈)
我：嗯


欣：係掛，咁又點?
我：冇呀，我想知佢點諗?
欣：佢呢個女仔，其實好簡單! (妳講緊咩野?)
我：即係啦......
欣：佢話好多謝你安慰佢囉!
我：你講夠廢話未呀?唔好同我玩呢招 (這句是真心話，但我打完就delete)
我(重新打上一句)：仲有冇呀? 

阿欣仍然保持在線的狀態，但卻沒有回應我。
等 寂寞到夜深...十五分鐘後，阿欣終於回覆我。 



欣：佢話想你返去自修室再見面!
我：就係咁多?
欣：其實我知你想問咩野...佢話保持呢一種關係，你明啦!
我：哦。咁佢最近有冇新target呀?
欣：我唔方便答你，你自己問佢啦! (女神連拋波仔都出埋)
我：okok，唔該晒你!
欣：唔洗 (女神真係有禮貌，連談吐都好過人) 

阿欣最終依然沒有消除我的那個問號，反而令我更加好奇。
其實我也不知道自己有甚麼想法，我也不知道對她的感覺如何，我只是覺得......整件事由一開始...就好似有計劃過(我唔係幾識講)。或者我曾經有一刻，在自修室想跟她講我的想法，但我還會記住我的身份，只是陌生人，連甚麼同學、朋友也不是......
再者，她的想法我也不明白，我還是摸不著。所以，還是算吧，給自己和Rebecca一些時間想清想楚吧，或者她根本並不當我是一回事!
題外話，我好榮幸可以同阿欣一齊逼喺小巴二人座位上，佢真係好靚女!