我個隔離位真係好煩: 34: 等我
距離那一日已經相隔了二十七天。三月十二日的上課日，他仍然頹廢地過了一天。只是，今天的數學測驗，他考了五十五分。
放學的時候，阿顥一如既往地匆匆離去，跟阿銘和阿清一起。至於阿傑，好像是有事要辦，沒有跟隨。待我跟阿悠、阿霖打算一同離開校園的時候。一把熟悉不過的聲音叫停了我們。
「阿嫂，唔好走住。」是阿傑。
「我唔再係咩阿嫂，唔好咁叫我。」雖然我立刻就否定了他的稱呼，但我的內心不受控地泛起了漣漪。
「聽我講，阿顥有苦衷。」阿傑繼續他想說的話。阿霖擺出半信半疑的樣子，而阿悠則開始替我抱不平。
「有咩苦衷啫？佢光明正大咁喺canteen俾女神錫喎，苦衷？」阿悠的聲線導致周圍一些同學都不禁看了過來。只見阿傑用跟阿顥同款的堅定眼神望向阿霖雙眼。他們視線對上一刻，阿霖確定了自己的想法。
「我信佢，不如聽下佢點講。」阿霖站了在阿傑那邊。
「其實，我有證據，妳地跟我上班房。」我們回到了空無一人的班房，一男三女，圍着坐。阿傑迅速拿出手機，然後播了一段錄音。
「鄒家顥，我鍾意咗你兩年啦。明明我同你咁好傾，明明你成日同我一齊。點解，點解你唔接受我？」
「因為，我心入面有一個好傻好天真嘅小妹妹。佢呢，好多嘢講㗎，雞啄唔斷，成日捉住我，叫我陪佢溫書，陪佢買餸，陪佢行街，有時都真係好鬼難服侍。但係，佢好可愛，可愛到我每日都想對住佢成日，可愛到我每日都想攬實佢唔放，可愛到，即使佢幾煩，幾痴身，我都唔會厭。」
「對唔住，我有一個我最愛嘅女朋友。我唔會背叛佢。無論妳有幾好，有幾靚，都唔會好得過我女朋友，真係對唔住。」
「點解你唔話我知你有女朋友呀？點解？」
「因為妳冇問。」
「我明啦。」
「多謝妳明白我。」
「好似妳咁好嘅女仔，一定會搵到屬於妳嘅人。」
「Good bye kiss，我地要繼續做朋友呀。」
「妳睇到嘅，係朋友之間嘅 good bye kiss。起碼我聽到嘅係。」阿傑冷靜地道出了事實的真相，「雖然佢當時諗緊咩，我唔知，亦都唔會知，但係，佢的確拒絕咗女神嘅好意。阿顥佢知道自己一直以嚟都唔夠決斷，所以俾妳誤會嘅時候，佢覺得好內疚好內疚，佢覺得自己抵死，唔配搵番妳，然後就自己喺度鑽牛角尖。我地幾條友勸極都勸唔掂佢。」
……
……
……
我的心，被插了一根針。但伴隨着的，不是破了洞，流血不止，而是有治癒心靈的藥，一滴、一滴地打進我的心房深處。
我信唔過自己男朋友。咁畢竟，嗰個咁震撼嘅畫面，真係令人好難相信佢嘛。但事實係，我真係有曾經信唔過佢。
我雙手按着自己跳得飛快的心臟，它終於告訴了我真正的答案。又或者，答案一直都在，只是我和他，兩個人，都沒有揭開這個答案的勇氣。
「阿芷妳塊面紅哂喎，妳係咪......冇事喇？」阿悠撥開我的瀏海，笑了笑，問了我這個問題。
「我......我點會冇事喎......」一直以來的沉重，化成了止不住的眼淚。
「呃鬼，妳不知笑得幾開心。」她遞了一張紙巾給我，隨後從側邊擁抱我的身軀。
「好啦好啦，唔好喊啦。」阿霖也從另一邊抱着我，還不斷輕撫我的頭髮。
好溫暖，好似佢嘅胸膛咁溫暖。
好想好想，再俾佢搞下我啲頭髮。好想好想，再聞下佢身上嘅香味。
在寂靜的班房中，時間，悄然流淌了數分鐘。
「呼。終於搞掂，等我搵日屈條死仔請食飯。」阿傑拍了拍手，站起來。
「其實呢......點解要拖到而家先講？」我抹了抹面頰上的淚水，看着打算離去的他。
「佢條友，自己走去食女神都唔出聲，我唔懲罰番佢一排都唔係兄弟啦，係咪先？」阿傑開了個玩笑，「而且，我要教精佢，下次對住其他女仔，要處理得好啲。只係難為妳同妳班姊妹一齊傷心啫。呢層我都有少少責任。」
「多謝你。」
「得啦，話哂兄弟嚟㗎嘛。」這句，我從阿清的口中，聽過一次。
於是，我便拖着兩個姊妹的手，懷着輕鬆的心情離開。
到了晚上，我去了尋找阿顥的身影。據我的猜測，他99%在海旁。
當我到達海旁的時候，發現了阿顥，正在跟他父親喝酒。我躲在附近，偷看了一會。然後，阿顥便摟着他的父親哭泣。
欸？他是一個會哭的人嗎？
我看着他的樣子。可能，他亦只是平凡人一個吧。
阿顥，辛苦你了，一直承擔一切。
我看見他正在跟父親談話，便悄悄然地離去。就待我明天再找他坦白吧。
我一直以來的鬱悶，隨着我看見他的哭泣，一掃而空。
~
「吓？！佢冇番？」翌日，眾人都一片驚訝。
「好似係病咗。」班主任說。我回憶起昨天，他那單薄的衣着，心中有個想法。他是在海旁着涼了。
「咁阿芷妳諗住點。」小息時，阿悠好奇地問。
「唔......可能上去佢到探下佢？」我想了一想，回答道。
「哦......好吖，睇嚟妳都好緊張人地啫~」她狡猾地看着我。
「我認，我好緊張佢㗎，一直都係~」
「好啦......咁姐姐我今日就放妳俾男朋友仔啦，我同阿霖會自己搞掂㗎喇。」阿悠握了握我的手，阿霖也是。
「多謝妳地喺我唔開心嘅時候陪我。」我看着她們，伸出了手，然後三人來了個溫情擁抱。
「姊妹就係要互相分擔㗎啦~」阿霖甜笑着跟我說。
「嗯！」
陽光照射在我們的面龐，今日的光芒特別亮麗。
放學後，我「一支箭」地衝了回家。我的姊妹沒有阻止我，而是跟那三個男生一同離開。
我回到家中，煲了一壺白粥。雖然添加的材料不多，但以我的廚藝和心意，味道應該比一般白粥好上一點。
我等到七時左右，便拿着盛白粥的保溫壺，唱着歌前往目的地。
「路過了學校花店 荒野到海邊
有一種浪漫的愛是浪費時間
徘徊到繁華世界
才發現 你背影 平凡得特別
繞過了城外邊界 還是沒告別
愛錯過了太久反而錯得完美無缺
幸福兜了一個圈」
阿顥，我要回到你的身邊了。等我。