執屍執到女殭屍: 九．裝備
消滅敵人之後，R小隊立即返分局幫Jennifer檢查傷勢。Jennifer無傷及筋骨，治療之後並無大礙。但係變異殭屍嘅出現，令整個分局同組織都大為緊張。變異殭屍嘅戰鬥力明顯超出一般戰鬥員可以應付嘅水平，之後會唔會再出現？更令人奇怪嘅係，當後勤人員去到現場想回收變異殭屍嘅殘骸，殘骸竟然已經消失咗，完全不留痕跡。殭屍喺心臟被破壞之後雖然會好似正常屍體咁腐爛，但係從未見過會就咁憑空消失。究竟係變異體嘅特性，定係殘骸俾其他人攞走咗？又點解要攞走呢？一切都未有答案。
Sin對變異殭屍嘅資料好有興趣，同小左小右車輪式咁問咗R小隊嘅成員好多關於變異殭屍嘅細節。但係無樣本喺手，佢哋要做實驗亦無從做起。反而精彈喺實戰發揮到作用，仲成為打低變異殭屍嘅關鍵，令Sin非常興𡚒。就係Sin果種笑笑口，用平淡嘅語氣講：「我好興奮呀」嘅興奮。反而小左小右手舞足蹈，互相俾咗個high five，仲話之後會專注喺Marco同Jimmy精液武器化嘅研究上面。組織有鑒於變異殭屍嘅威脅同精彈嘅成功，增加咗大量人手同資源協助Sin研發新武器，令Sin忙得不亦樂乎。
事情喺幾星期之內都無新進展，大家既日日擔心有變異殭屍再出現，但係又好似期待佢哋快啲再出現打破件事嘅悶局。喺等待嘅呢段期間，Jennifer已經完全好返歸隊。Marco同Jimmy就暫時無再參加R小隊嘅行動，更多時間係留喺Sin嘅實驗室幫手研究新武器。的確係幫手，經常要用手chok嘢提供新鮮嘅精液，真係要食多啲補品補返吓。有一日Marco同Jimmy喺實驗室經過，見到小左小右輸入緊製造新戰鬥服嘅資料。
「又有戰鬥服爛咗要整新嘅呀？」Marco問。好似Jennifer果次咁，間中有戰鬥員嘅白色緊身衣爛咗，就要整過件新嘅。小左小右依然望實電腦螢光幕，答佢：「唔係呀。N小隊前幾日有個戰鬥員作戰期間失咗踪，應該都凶多吉少。好彩附近一直無監測到殭屍化嘅訊號，佢至少應該無被咬變殭屍。而家有新嘅戰鬥員嚟補返佢個位，咪整返件新嘅戰鬥服囉。」的確，Sin都曾經講過戰鬥員正常咁消滅殭屍，已經係非常危險嘅事，間中都有戰鬥員受傷甚至死亡。之前佢哋一直見住R小隊嘅精英戰鬥員消滅啲比較弱嘅新轉化殭屍，有種錯覺件事好輕鬆。經過之前一戰同小左小右咁講，佢哋先漸漸意識到消滅殭屍嘅行動有幾危險。
Sin嘅新武器小型發表會，總算為郁悶嘅氣氛帶嚟一啲刺激。台上Sin同小左小右好似魔術師表演咁，推出幾個黑色金屬箱。Sin首先開場：「我哋今次要介紹嘅新武器，主要係建基於將Marco同Jimmy嘅精液結晶化同性興奮效果傳導嘅研究成果。正如大家所知，一直以嚟精彈入面佢哋嘅精液都有時限，過咗就無辦法對殭屍產生效果。」
小左小右由其中一個黑箱攞出一件深監色嘅戰鬥服同一個護額。Sin向觀眾介紹：「我哋首先帶嚟嘅，係呢一件精服。眾所週知，一向以嚟戰鬥員都係女性，所以戰鬥服亦只有女性版本。男性嘅身體結構同女性好唔同，唔係係咁意改少少就可以用到。今次組織投入咗大量嘅資源，終於成功製造出可以俾男性用嘅戰鬥服，增加Marco同Jimmy嘅戰鬥能力。」
「除咗多項方便使用者嘅貼心設計，精服嘅物料之中仲混入咗使用者，即係Marco或者Jimmy嘅精液結晶。而呢個類似護額嘅裝置，可以收集佢哋性興奮嘅訊號。只要距離喺兩米之內，就可以傳送俾遍佈全件精服嘅導線，剌激全身嘅精液結晶。精液結晶受到訊號嘅刺激，會發揮出類似新鮮精液，抑壓活屍指數嘅功能。當佢哋受到殭屍攻擊，殭屍接觸到精服嘅部位會俾精液結晶稍為弱化，減少佢哋受到嘅傷害。」
小左小右接住講：「太利害喇！當Marco同Jimmy著住佢哋件精服，一有性興𡚒，就好似一pat會行走嘅新鮮精液一樣，搞到殭屍都唔想掂到佢哋！而且精液結晶喺接收到性興奮訊號之後，大約三十分鐘都會持續有效！」Sin點頭對小左小右表示贊成，跟住補充：「當Marco同Jimmy性興奮嘅強度越高，抑壓活屍指數嘅能力就越強。精液結晶亦一樣，性興奮訊號越強就越有效果。」講完之後，台上三個人俾咗自己一輪掌聲鼓勵。
「跟著要介紹嘅，係由精服洐生出嚟嘅武器系統。先係呢一件，長精一號。」Sin指向小左小右喺第二個黑箱攞出嚟嘅一把長劍，繼續介紹：「長精一號嘅劍刃，混入咗Marco嘅精液結晶，而劍身、劍柄同劍鞘就藏住導線，可以接收由護額傳嚟嘅訊號。只要訊號一到，佢就會化身成為一把斬殺殭屍嘅神兵利器，一邊削弱殭屍，一邊削入佢體內。因為精液結晶嘅密度高，只要斬到入殭屍體內，弱化殭屍嘅能力係比精服強好多，可以令受傷嘅部份短時間內都弱化同無辦法再生。」小左小右喺第三個黑箱攞出一把彎刀，向觀眾展示：「最後嘅係長精二號，刀刃混有Jimmy高密度嘅精液結晶，同樣可以接收佢個護額嘅訊號發揮強大力量。長精武器系列，係考慮咗使用者嘅能力，做成最配合佢哋嘅款式，用上手就會知道好用！」跟住三個人就向台下鞠躬，一邊宣布今日嘅小型發表會到此為止。終於台下第一次傳嚟零落嘅掌聲，Marco同Bella見R小隊嘅其他人毫無反應，勉為其難咁拍緊手。至於其他觀眾．．．就無其他觀眾喇。