有一晚，我打飛機打到條jer斷左: （57）

「好嘢wor！咁你都揾到我！」

「我四周圍飛嚟飛去，揾左好耐先揾到。」

我同碌鳩講嘢嘅同時，嘉奈就睇到面紅兼眼都突

「呢…呢碌jer jer係你嘅？點解佢會識得飛同講嘢？」嘉奈問我。

「因為佢俾鬼上左身。」



「鬼上身？」

「係呀，不過成件事有啲複雜，同埋依家唔係講呢啲嘢時候。」

我chok恆個樣，好認真咁講：「依家我地要做嘅，係先對付嗰班外星人！」

「乜你地有辦法？」嘉奈問。

「有！我有辦法！」我chok樣之餘仲chok埋把聲，反正就係盡量表現到自己好型。



而我講嘅辦法，就係使出Kevin留俾我嘅嗰道「百魂結集」符。

話明係鬼魂結集，咁梗係要揾埋其他鬼返嚟。

由於我感應到其他肢體嘅位置，因此我可以將見到嘅畫面描述一次，生活喺呢個星球嘅嘉奈，一聽就知個大約位置喺邊。

楊家成就按照嘉奈嘅指引，快速飛去揾其他鬼返嚟。

大約用左半個鐘，佢就揾返齊我所有手手腳腳。



過程之中，仲咁啱遇返格格同佢細佬，跟手再揾埋佢地分散嘅肢體。

好快我地三個人連埋十八隻鬼，成功再聚返埋一齊。

嘉奈見我地啲手腳又識講嘢又曉飛，感覺到好不可思議。

「既然人齊，咁我地即刻去揾班外星人覆卓！」楊家成心急報仇。

呢一個時候，我再度chok恆個樣，擺出一副運籌帷幄嘅表情：「睇嚟我地係時候出絕招！」

「絕招？咩絕招呀？」格格問。

「我條頸掛住嗰道符，就係我地嘅殺手鐧！我一直好好保管到依家，就係要等呢個最後關頭使出嚟！」

我望上上空，懶係型咁同楊家成佢地講，間唔中又望返落嚟，睇下嘉奈有無對我表露出一啲傾慕之情。



呢道符嘅功能，就係將所有鬼魂以及佢地嘅力量集結埋一齊，以此凝聚出最強嘅戰鬥力。

一班識得噴火、飛刀、射水炮、冰封冷凍、強力衝撞及吊頸麻繩嘅猛鬼，所結合而產生出嘅力量，相信一定會好犀利。

我示意附身喺我隻手嘅鬼魂，將我頸上嘅符扯出嚟，並掛上我碌鳩度，亦即係楊家成身上。

根據Kevin嘅說法，一旦道符纜上去，再念一句「道符解印」，咁就可以啟動符術。

我望一眼嘉奈，然後抖一啖大氣，咳兩聲清一清喉嚨啲痰，chok住把聲講：「道符解印！」

個「印」字一講完，之後眼前一黑！

我感覺自己突然間飄左起嚟！



五秒後，眼前終於先有返畫面。

第一眼，我見到兩個頭殼頂。

本來我同嘉奈面對面咁對住，但依家我望到嘅係佢個頭頂。

而另一個…好似係我自己嘅人頭…

「嘩！點…點…解會咁架？」我個人頭十分愕然。

而我仲未意識到發生咩事。

「你…係咪...變…變左碌鳩？」我個人頭望住我講。

我一頭霧水，仲未反應過嚟.



格格同佢細佬依家其他人包括嘉奈，都唔知發生緊咩事。

「有無鏡！快攞返鏡嚟！」我嘅人頭對格格等人講。

大家雖然唔知咩事，但都即刻去揾鏡。

隨即我隻右手喺屋頂揾到一塊碎開嘅鏡。

佢拎到我面前俾我照一照…

呢一照爭啲嚇到我心臟病發！

我屌佢老母！點解我會變左個龜頭架！？



「無估錯嘅話…我同你嘅靈魂應該交換左…」我嘅人頭對我講。

「咩話！你講咩話？」我十分激動。

「你係阿華，我係楊家成，你家陣上左自己條jer嘅身，而我就上左你人頭嘅身。」

屌！唔撚係呀嘛！我同楊家成嘅靈魂真係互換左！？