有一晚，我打飛機打到條jer斷左: （44）

老豆老母全程目擊住我同自己條jer嘅對話。

老豆表情驚訝咁問我：「阿仔，乜你條賓周斷開左不得止，仲識得講嘢咁神奇？」

「Er...呢個係因為佢俾鬼上左身。」

「竟然係鬼上身？不過你唔洗驚！我有辦法！」

阿媽衝入廚房，攞左一對紅筷子出嚟，用力夾我中指。



「嘩好痛好痛！你無啦啦夾我中指做咩呀！」

「啲人話俾鬼上身，只要紅筷子夾隻手指就得。」

「阿媽你唔好聽啲人亂講啦。」我縮開隻手。

「唔係喎，依家俾鬼上身嘅係你『咕咕』，我頭先夾錯左。」阿媽伸出手想夾我碌鳩。

楊家成快速閃開，而我就拿拿聲攞開阿媽對筷子：「唔好夾，邊度都唔好夾。」



將筷子放低，跟住我飲啖水，又準備出門口：「我依家要出一出去，阿媽你喺度睇住老豆，隻鬼嘅事我返嚟再解釋啦。」

半個鐘頭前先喺紅磡返嚟土瓜灣，家下又要走多轉行返去。

「行快兩步啦！」飛喺半空嘅楊家成催促。

「得啦，行緊啦！」我fing住一邊衫袖，加快步速。

迎面行過嘅途人見到一個斷手嘅男人，同條識得飛嘅賓周講嘢，一定係覺得好奇怪。



上到Cathy屋企，都未入門口，就已經聽見佢嗌到拆天：「啊！好痛啊！」

入到間房之後，更加係嚇一跳。

有一個接近兩米高、鵝蛋形狀、灰白色金屬外殼嘅物體棟左喺床邊。

再行近啲睇下，喺「鵝蛋」嘅正面有一道門，門上面有塊半身嘅透明面板，入面企左一個人。

一個赤裸上身，昏迷不醒嘅男人。

就咁睇，呢隻巨型「鵝蛋」的確有啲似太空電影嗰啲逃生艙。

我隻斷手就喺個艙底側邊，當時稍微移多一吋，肯定就會被壓住。

我彎低腰，執返起隻手。



至於床上嘅Cathy滿頭大汗，痛苦慘叫：「楊楊…我好辛苦呀！」

佢下面個窿正屙緊一隻「鵝蛋」出嚟。

呢隻「蛋」嘅size細好多，大概就一個拳頭咁大。

個「鵝蛋頭」已經出左嚟，但個尾似乎「kick」住左出唔到嚟，所以搞到Cathy痛到嗌救命。