有一晚，我打飛機打到條jer斷左: （43）

老豆講左一大論，總括而言就係講兩樣嘢。

第一， 斯比列特人天生四肢就同身體分離，全靠靈結石嘅能量，先可以結合埋一齊。

第二， 我同老豆之所以斷頭斷腳、斷手斷jer而駁唔返，有可能係嗰舊石受到破壞，導致我地「打回原形」。

「老婆對唔住，我一直以嚟都呃緊你，隱瞞自己嘅身份。」老豆同阿媽道歉。

結左婚咁多年，阿媽呢一刻先知自己嘅枕邊人係個外星人，呢個打擊令佢不知所措，無從反應。



「阿仔，我諗你應該遺傳左斯比列特人嘅血統，所以就同我一樣，身體軀幹正一步一步咁拆解。」

呢刻我先知，原來自己唔係「支離人」，亦唔係「jer離人」，而係「支離破碎人」。

唔怪得瞇埋眼就感應到條jer位置，我諗原理應該係用嚟辨別自己碌嘢，以防唔見或者同其他人兜亂。

至於條jer分離嘅時候會keep住硬，估計就係源自身體嘅保護機制。

碌嘢喺身上面，遇到危險嗰陣就話會有手保護，但如果天生就係獨自一碌，咁就必須要長期堅硬，先能抵抗外來情況。



「咁老公你同阿仔，點先可以恢復原狀？」阿媽問老豆。

「老婆你錯啦，我地依家咁嘅款先係原狀，至於你話我個頭點先合得返一齊，呢層我都唔知。」老豆無奈歎氣。

阿媽隨即摷櫃桶，摷左支AA超能膠出嚟。

佢想用啲膠水黐返老豆個頭，結果梗係唔得，你估真係可以當模型咁嚟黐咩。

「出事啦出事啦！」



呢個時候，楊家成突然從窗口飛入嚟大嗌。

「做咩事？係咪我隻手有事？」

「唔係你隻手，係Cathy！係Cathy出左事！」

「佢出左咩事？」我問。

「Cathy佢…佢下面嗰度無啦啦…屙...屙左個太空艙出嚟！」

「噏乜嘢呀你？太空艙？住嗰啲呀？」

「頂咪講笑啦，係堅嗰啲太空逃生艙呀！」

「你就咪講笑，嗰啲嘢咁大部，Cathy嗰度點屙得出？」



「屙嗰下本來得鴨蛋咁大，後尾成個屙出嚟之後就變大幾倍！」

「.....」我聽完都唔識應。

「唉！總之你去佢屋企，一睇就明架啦！」