有一晚，我打飛機打到條jer斷左: （31）

頻撲左成日，我地揾左間好啲餐廳擦左一餐，補充返體力。

食飽飯就帶隻鬼返去Kevin屋企。

Kevin話，假如要楊家成嘅魂魄脫離，第一步先要淨化佢身上嘅戾氣同怨氣。

佢隨即開壇作法，將鎮壓住隻鬼嘅飛機杯放喺道壇中間，然後開始舞劍唸咒。

我同Cathy喺隔籬睇住佢舞左半個鐘，見到佢額頭流曬大汗，面色慘白。



再過左陣，佢直頭腳軟成個人慣低。

「點呀你？你無嘢呀嘛？」我同Cathy拿拿聲埋去扶佢。

「搞唔掂，呢隻鬼怨念太深，連我都淨化唔到。」

「咁…咁點算呀？」我問。

「睇嚟只有幫佢解開心結，釋放所有怨念先得。」



「點樣解？」

「首先要知道佢嘅心結。」

Kevin揾左一個透明膠箱，喺上面貼左兩道符，跟住從飛機杯掹返碌嘢出嚟，再放入個箱度。

隻鬼一嚟就想頂開個箱，好在有兩道符鎮住：「可惡！放我出去！」

「究竟你生前點解要自殺？」Kevin直接發問。



「哼！」隻鬼只係哼左一聲，咩都唔肯講。

我接住問：「報紙話你為情服毒自殺，係咪真架？」

「唔係！」隻鬼斬釘截鐵否認。

「唔係自殺，咁你係點死？」Cathy追問。

「我唔想講！」隻鬼冷冷回答。

我就話：「你呢兩日周圍搞啲女人，應該就係想當眾羞辱佢地，所以我估你一定係好憎女人。」

「係！我的確好憎女人！」

「你話你唔係自殺，唔通你嘅死係同你嘅ex有關？」我再追問。



「喂！你地做咩係咁套我料？你地想點？」隻鬼反問。

「算啦，睇隻嘢都係唔肯講架啦，我諗都係慳返啖氣，比多幾日時間我諗下計，睇下點淨化佢嘅怨氣好過。」

Kevin同我都無乜耐性再問落去，相反Cathy就好有心機引導。

「之前我喺google揾過關於你嘅新聞，期間無意中發現，原來你在生嗰陣，曾經開過一個youtube channel，專門唱歌錄cover。」

Cathy打開youtube，一邊播片一邊講：

「我諗你個channel訂閱人數唔多，所以新聞都無提及過呢樣嘢，其實我以前有睇過你啲唱歌片，當時唔知點解你突然消失無再up片，直至今日先知原來你係死左，究竟係咩一回事？」

我見過楊家成墳頭嘅張相，知道佢係咩樣，而片入面唱歌緊嗰位就同相中人一模一樣。



估唔到，呢條友生前唱歌都幾好聽。