有一晚，我打飛機打到條jer斷左: （30）

學Kevin話齋，碌嘢係我嘅，我理應好了解佢。

譬如平日用手打飛機，我好清楚點樣捋、用咩力道、捋邊個位係最舒服。

而眾所周知，春袋係男人好敏感嘅地方。

我諗起自己左邊蛋蛋嘅底部係特別敏感，平時係咁意逗一逗掂一掂，我都會忍唔住打冷震。

如果我可以把握到呢點，或者就可以反制返對手。



「呵呵呵！睇嚟你成為世界上第一個被碌鳩打死嘅人！」 隻鬼趁我未起身，想由上而下一棍扳落嚟埋我單

慶幸我反應得切，碌入旁邊嘅車底避過左。

隨即我好快就喺車底捐返出嚟，再起返身。

大碌鳩一直都係處於漂浮狀態，兩個啷啷dum下dum 下咁。

我握實桃木劍，以正面對峙，等待對手露出破綻。



「接落嚟，就等你試下『龜頭鑽』嘅威力！」隻鬼突然快速自轉碌鳩。

個春袋跟住碌嘢三百六十度自轉，要喺咁嘅情況下拮中左邊袋底，難度可以增加左兩三倍。

「你受死啦！」大龜頭猶如一把極速旋轉嘅電鑽，飛快咁銳埋嚟。

我已經第一時間閃開，但對方估到我避開嘅方向，直接隊埋嚟。

佢將我頂到落一幅墻度，並且對住我心口係咁轉。



「啊！！！」我發出嘅痛苦嘅叫聲，心口好似痛到就嚟裂開咁。

Kevin同Cathy想幫手，但又唔知點做好。

大春袋隨住大龜頭而快速旋轉，快到根本肉眼捕捉唔到。

被迫到絕路嘅我唔顧得咁多，只有放手一搏。

我揸實桃木劍，唔理三七廿一，向前一督。

呢一督，正宗就係「咁啱得咁橋，飛機撞紙鳶」，好好彩咁督中左，左邊春袋最敏感嗰個位置。

我全身當堂打左個冷震，與此同時，蛋蛋即刻縮一縮，碌鳩亦都彈開左。

咁嘅反應就啱啦，平時我撩春袋，碌鳩都會有呢種觸電顫抖嘅感覺。



我乘勝追擊，向住左邊袋底猛督，唔洗用好大力，只要細細力就能夠令到對方欲罷不能，無力招架。

條鳩條件反射，不停咁縮開，就連隻鬼都無辦法控制：「可惡！可惡！」

對佢嚟講係可惡，對我而言就可喜。

至於可喜嘅事仲有一樣，就係太陽重新綻放出光芒。

日蝕之時終於都結束，積聚喺碌鳩嘅陰氣漸漸消散。

巨鳩慢慢咁變返細，由兩米幾咁高一路一路縮返做18cm黑人size。

Kevin則睇準機會，揸住個飛機杯，撲埋嚟向下一cup。



「頂你！作死咩咁大力！」我掩住下面嗌痛。

「Sorry ，一時大力左。」

碌鳩入左飛機杯，印喺杯殼嘅符文鎮壓佢，令佢無辦法飛到出嚟。

依家正式宣佈，惡鬼收復成功。

下一步，就係趕佢離開我碌賓周。