《藍藍》〈科幻/奇幻〉: 第十八章(終章) 愛到無盡的空間
第十八章(終章) 愛到無盡的空間
爸爸媽媽安置好藍藍同蟹仔, 放佢哋入行李箱, 安置喺機倉嘅行李層, 好順利就返到嚟AOI行星🪐。到咗入境大堂, 循例都check一check內置在體內的証件, 同埋過晒關。
正要喺機場大樓轉搭機場快線時, 機場大樓突然發出警報, 機場特警蜂擁出動, 大樓亦都發出前所未有嘅廣播：「以下係一則緊急事態, 啱啱由 earth 抵達嘅航班上, 發現咗新型病毒☣️, 病毒係由 earth星人帶來。病毒恐怕會喺社區蔓延, 當局要立刻將所有人仔燒毀。 為咗公眾利益着想, 請該班航班嘅市民立即交出你哋嘅人仔, 多謝合作!!」
媽媽ivy對爸爸說：「吓~ 咁即係點呀~ 要曬我哋所有嘅人仔呀… 咁點得㗎, 佢哋唔可以夾硬嚟, 我個仔根本一啲病都冇… 佢係無辜㗎…！😨」
爸爸都好無奈說：「政府做嘢, 我哋從來都冇得say, 可憐嘅人仔…😌」
爸爸抱起藍藍深深擁抱, 錫佢一下額頭, 感慨嘆氣… ：「爸爸真係對你唔住…我唔應該帶你出去…😌」
媽媽說：「我今次一定唔讓步, 我唔會交出蟹仔🦀畀佢哋㗎！！(對蟹仔說) 你拖住藍藍, 有咁遠走咁遠！記住呀~ 媽媽永遠都愛你！你一定要搵機會返嚟屋企呀！🥺」
一向冷酷的爸爸今次都好同意, 佢將藍藍推畀蟹仔, 說：「蟹仔, 拜託你, 幫我好好照顧個女, 唔好畀佢有事 !!」
正當依依不捨嘅時候, 大批機場特警已經衝到過嚟, 爸爸媽媽推佢哋一下, 示意佢哋立即走, 蟹仔藍藍見到咁嘅情況都知道咩事, 連一句拜拜都講唔切, 擰轉頭就立即猛咁跑🏃, 唔希望畀人捉到, 唔知大人會對佢哋做啲咩。 因為係佢哋心目中, 除咗爸爸媽媽, AOl行星上面嘅大人根本乜嘢事都可以做得出。
機場特警接到命令, 必須要將所有人仔捉走。一特警見到藍藍同埋蟹仔逃走：「嗰邊有兩隻！追！😡」
蟹：「咁跑法一定畀佢哋捉到㗎！ 藍藍, 呢邊呀~ 上車！」蟹仔順手牽羊, 拿到㗎行李車, 藍藍的身手亦敏捷, 三兩下手已經爬跳咗上車, 蟹仔左腳踏上車邊, 右腳猛咁用盡全力跑, 當係一㗎滑板車咁玩法, 一度拋離機場特警嘅追捕。
藍：「幣啦~ 前面又有兩個特警呀😱！」
蟹仔唔理咁多, 推架車直衝埋特警, 因為太快, 特警都向兩邊跳開閃避。
藍藍喺架車上面指揮：「轉彎呀⤴️, 入直路, 前面嗰度有個喉管, 我哋可以喺嗰度爬入去逃走, 快呀~😟」
蟹仔聽住指令, 一路狂奔, 直至到去到喉管前, 畀一架行李車打橫撞到應, 藍藍坐嘅行李車成㗎翻側, 成個人飛出車外, 一特警跟住上前, 捉住瞓低咗嘅藍藍。
「救命呀~ 唔好捉我呀！」藍藍極力掙扎, 但係都唔成功逃脫。特警忙於對付藍藍, 唔為意畀蟹仔用行李車推撞一下佢個籮柚, 特警被推倒成個人坐咗上車上面, 藍藍成個人被拋空, 空中飛墜, 蟹仔趕到着地位置, 及時雙手托住女朋友, 安全落地。
佢哋兩個繼續跑, 最後一刻去道喉管, 蟹仔一下跳上捉住一啲扶手, 喺喉管入面倒掛自己身體, 雙手垂低, 諗住畀手藍藍捉住, 可惜呢個時候又比特警捉住咗藍藍… 😵💫
蟹仔明明走得甩, 但係佢係絕對唔會放棄藍藍自己走咗去, 佢跳返出嚟, 一口咬實特警嘅小腿唔放, 痛得特警即時放手, 兩人仔又有機會跳上喉管。
今次蟹仔讓藍藍先上, 佢抱起藍藍, 畀藍藍先跳咗上空氣喉管, 但最後自己走唔甩, 終被幾個前嚟支援嘅特警捉住…😩
蟹仔對藍藍講：「唔好理我, 你走啦, 你救唔到我㗎啦, 唔好做無謂嘅犧牲, 只要你心入面有我, 我已經滿足…🥺🥺🥺」
蟹仔好快比特警拖咗入個鐵籠入面, 藍藍眼白白睇住呢個掙扎情境, 特警呢個時候亦都攞枝長鐵支, 打算撩埋藍藍出嚟, 不得不走。
藍藍最後喊住大叫：「我一定會諗辦法救你, 等我呀~😭😭😭」
蟹仔堅強咁講：「傻妹, 唔好呀！你冇可能救到我！ 呢一世最開心嘅事就係可以識到你, 每日我最期待嘅時間就係喺露台見你, 每一刻都諗住你, 掛住你！藍藍, 我愛你！ 我會喺死之前connect你講聲bye bye...」
藍：「我都愛你！你要堅持到最後, 等我呀😭！」藍藍避免俾人捉到, 唔理咁多, 自己走先, 再諗辦法救蟹仔。
藍：「係渦, 有connect, 我應該搵阿風幫手, 佢一定幫到我！」
藍藍馬上感應阿風, 根據阿風嘅位置前去搵佢。阿風原來同班兄弟係自己嘅秘密屋企, 亦即係地下水庫嘅小洞穴度…
藍藍用住好緊急嘅態度, 一見到阿風就上前跑過去捉實佢手擘講：「救命呀, 可唔可以幫我… 蟹仔畀人捉咗呀… 😩」
正喺度煮緊飯嘅阿風初時見到藍藍覺得好愕然, 定一定神說：「哦~, 唔係幫你, 係幫蟹仔, 咁即係唔關我事啦！」拎轉頭繼續煮飯。
藍藍越嚟越急話：「唔係呀, 聽我講先, 蟹仔俾特警捉咗, 佢哋將要消毀佢呀🥺！」
阿風繼續煮飯冇擰轉面, 瞳孔向後望一望：「……咁咪好囉, 你可以乘機換畫囉, 不妨可以考慮下我…😉」
藍藍於是好簡短咁講述機場嘅事佢聽：「唔好玩, 我唔係講笑㗎, 佢真係會死㗎, 你要點先肯信, 點先肯幫我, 我跪求你… 救到佢我一定會報答你🥺🥺」
風：「係咪救到佢, 你咩都肯應承我先？🙄」
藍堅決回答：「係！做牛做馬乜都得！」
風：「我要你哋以後都唔可以再見面, 咁得唔得先🙄？」
藍藍諗多諗, 最後都堅定說：「只要蟹仔以後平安無事, 我就應承你, 我以後都唔會見佢…！」
阿風見到自己有機會得到藍藍, 都希望成功：「好！記得承諾, 我哋快啲行啦, 如果唔係嚟唔切喇！」
阿風續說：「你依家 connect下蟹仔, 駁通埋我, 用三人share功能, 感應下佢喺咩位置先啦！」
藍：「OK！」
接通後, 阿風話：「睇嚟佢哋去咗實驗室呀… 跟我來啦~」
阿風帶咗藍藍返去自己cube屋企, 爸爸好似唔喺屋企度…！
蟹仔那邊霜, 佢由機場被特警捉住後, 被鎖入鐵籠, 同好多同一班航班嘅人仔一齊被押上警車。去到一個實驗室( lab )。
人仔一個個被黑布蒙頭, 雙手同其他人仔一齊連環鎖住, 一個接住一個, 形成人鏈, 跟住特警一步一步進入 lab。
lab入面有大人响度對話：「好肯定喺moon入面走失嗰兩個人仔, 就响呢幾班航班入面裏面, 我寧願有殺錯冇放過, 呢啲事絕對唔可以畀人知道。」
「係咪照慣常咁做？首先將佢哋放上床, 然後將佢哋逐個逐個嘅記憶扣上腦電波程式, 將佢哋响嗰段時間嘅記憶永遠被封鎖？」
「今次事態比較嚴重, 除咗清洗記憶之外, 幹部要求將佢哋掉出宇宙, 要佢哋自生自滅…」
「咁大劑！！咁樣會唔會犯咗宇宙聯邦法規㗎？」
「唔會嘅, 只要佢哋係自然死, 佢哋出到行星表面就肯定會被幽浮吞食, 根本完全唔關我哋事, 放心去做啦, 呢度畀你處理！」
蟹仔其實一早已經畀阿風同藍藍connect咗, 大人嘅對話都被聽到晒, 阿風將說話都翻譯咗, 知道事態已經好嚴重, 一定要盡快趕去 lab救人。
藍藍對阿風講：「你帶我返嚟屋企做乜呀, 我哋應該事不宜遲, 即刻趕去救蟹仔至得呀！！」
阿風答：「係呀, 要救蟹仔, 所以帶你返自己屋企先囉…！我一早已經查過了, 你爸爸其實係幫政府做嘢, 亦都有同地球中情局連繫, 而且你爸爸嘅職權估計係非常高。快啲去你爸爸個工作室, 佢嘅工作室除咗係一㗎私人飛船之外, 仲係可以直接去到 lab的！ 快啲行啦！」
兩個人仔, 於是入咗爸爸個圓波波形嘅工作室, 阿風睇嚟有熟練嘅操作技巧, 擺隻手埋去已經能夠啟動… 呢個時候爸爸返咗嚟, 眼見藍藍响工作球入面, 但係已經阻止唔切, 藍藍回眸一眼, 使出疑惑又唔捨得嘅眼神😟, 而爸爸只係呆呆下冇太大反應。 在私, 爸爸冇感覺, 在工, 佢立即「大義滅親」, 舉報藍藍嘅行為去。
工作球一路滾動, 穿過又長又黑暗嘅隧道, 工作球就好似一個滾球咁, 佢碌過地下嘅軌道發出「格~格~格~格~」聲。工作球進入最後一道門, 開始慢落嚟, 直至掂到埋站前面嘅另一個工作球就停定咗。
落車之後, 阿風藍藍繼續跟據感應, 最終搵到蟹仔。佢哋眼見到一個大人嘅工作人員打開倉門, 將一個又一個嘅人仔推出太空宇宙外面, 最後連蟹仔都推埋出去…
藍藍低泣：「快啲去救佢啦, 佢會冇命㗎！」
阿風一路撳住藍藍, 唔畀佢輕舉妄動, 直至到工作人員離開間房, 佢就咁講：「見到前面件太空衣嗎？你著咗佢, 扣好安全帶, 我喺地面support你, 你就飛出去救人！」
藍藍都唔理得咁多呀, 就地除咗自己嘅衫, 用最快嘅時間著好太空衣, 飛出外面嘅宇宙。
喺宇宙外面, 眼見一隻隻嘅大型幽浮開始出嚟搵食, 佢哋將一個個嘅人仔包住。由於幽浮係透明狀, 可以清楚見到人仔進入幽浮體內後, 骨連皮都被漸漸溶化, 血液被吸乾, 死得好恐怖。
藍藍終於搵到蟹仔。蟹仔已經冇晒意識浮响空中, 就快畀一隻要飄緊埋嚟嘅幽浮吞食。
「蟹仔~ 唔好呀~！」藍藍不顧一切, 搏命游埋去, 最終可以攬實蟹仔, 藍藍打開面罩, 用自己嘅咀吸住蟹仔嘅咀, 為佢提供氧氣, 一路connect說：「你醒下呀, 我嚟咗喇, 我會同你一齊, 永遠喺埋一齊, 直至永遠消失喺呢個宇宙當中, 我愛你🥺🥺！」
講完呢句說話之後, 佢哋已經比幽浮徹底包實, 已經走唔甩… 响地上lab門前嘅阿風都唔想再睇落去, 擰轉面跪坐地上飲泣嘆氣…😔
但係, 過咗好耐阿風依然connect到藍藍, 阿風擰轉面再睇下, 原來幽浮唔能夠溶化佢哋, 原來太空衣有保護作用, 所以不至於被幽浮吞食。 幽浮最後放棄, 將佢兩個吐出嚟, 去搵第二啲食物。但係, 安全繩就鬆脫咗喇…
被接吻嘅蟹仔, 得到足夠氧氣終於醒番。喺佢眼簾入面, 一對碧藍色嘅眼珠, 長長秀髮响佢兩邊面輕輕按撫, 嘴裏嘅味道更係氛甜。
「我需要你, 永遠需要你~♡」
二人愛到最後, 飄入無窮無盡嘅空間！
~終~