《藍藍》〈科幻/奇幻〉: 第十七章 邪惡交易
第十七章 邪惡交易
第二日活動完結後, 再次搭lift回程途中, 各人都瞓曬覺時, 中途部 lift突然響起「砰朧~」好大嘅撞擊聲, 成部 lift都強烈震咗一下, 令到所有人都係夢中被chok醒。 而lift入面更加停曬電, 冇曬燈, 伸手不見五指, 等咗好耐都冇恢復, 所有人都開始不知所措。有啲人甚至離開座位大叫救命、拍打 lift門等等, 甚至出現人踩人嘅混亂情況, 場面非常失控…😱
呢個時候, lift入面發出廣播🔊:「由於信號發出故障, lift嘅運作暫時停頓, 需要緊急服修。稍後有工作人員帶領, 由緊急出口離開, 請各人務必跟隨指示, 多謝合作！」
所有大人已經都好慌忙到不得了, 聽到呢啲廣播更加不知所措。當 lift門再次打開, 讓所有人逃生時, 唔知點解所有大人都好似方寸大亂咁, 想立即逃離呢度, 完全冇遵照廣播上嘅人所講, 跟隨工作人員離開。
蟹仔同藍藍嘅爸爸媽媽👫都係一樣, 遇到呢啲突發嘅事情, 好似失去咗理性咁, 同全部嘅大人一樣衝咗出 lift門, 掉低咗蟹仔同藍藍兩個。佢哋都想追返爸爸媽媽, 但係可惜現場嘅環境非常混亂, 同埋周圍都黑蚊蚊, 根本好難睇清楚周圍嘅環境係點, 就係咁同爸爸媽媽失散咗😨😨。
多數大人都走出lift後, 一切都靜落嚟, 蟹仔同藍藍由原本伏咗喺櫈底, 避免被大人踩到, 啱啱先至捐返個身出嚟~
同爸爸失散咗嘅藍藍好驚就講：「幣啦~ 我哋爸爸媽媽唔見咗, 依家點算呀~😱」
蟹仔扮鎮定就答佢：「唔使擔心嘅, 有我喺度, 我哋出咗去先講啦！🙂」
蟹仔拖住藍藍隻手, 喺漆黑當中慢慢扶住椅背和其他設施行出去。出到 lift外面又唔算係好黑, 雖然都係好昏暗, 但係隱約遠處都見到啲光, 同埋喺依部 lift嘅軌道上面嘅兩邊都有一排排嘅軌道燈💡。但係, 頭先慌忙逃走嘅人已經全部唔見曬, 唔知由邊個方向走咗去囉！
就佢哋行出 lift外面冇幾耐, 佢哋行嘅腳步好似越嚟越輕, 而佢哋身體突然浮起, 浮咗喺空中, 完全著唔到地。
蟹仔好緊張咁話：「幣啦, 呢種感覺咁似月球漫步moon walk嘅😱… 好似完全落唔到地咁, 我哋千祈唔好輕易郁動先~」
藍藍記得呢種感覺就答：「係呀, 呢度係無重狀態, 雖然我哋見到軌道嘅燈光💡, 原本諗住跟住行就一定會行到返去酒店嗰邊, 但係我哋依家浮起咗, 睇嚟唔係咁容易！我哋要設法「游」返去條軌道, 捉住軌道嚟行先得喇！」
蟹：「你講得冇錯呀！但係講就易, 我越係想游返過去, 我個身體反而愈飄愈遠…😨」
藍：「呢個我有經驗, 我曾經月面漫步飛離地心吸力, 我知道應該用咩動作先可以游得心應手, 你跟我做啦~」
可惜, 蟹仔好似喺呢方面比較愚鈍, 佢越飛越遠, 遠離路軌, 藍藍唯有游返轉頭, 捉返住佢, 但係佢哋已經越飛越遠, 遠離咗路軌, 喺咁黑嘅環境之下, 搵唔返原本嗰條路軌呀…😨
佢兩個喺空中漫無目的咁漂浮咗一段, 雖然喺咁黑嘅環境, 完全冇曬方向感, 不過眼睛開始慢慢適應呢度嘅黑暗, 開始見到好多一條條巨型嘅「鐵柱」, 而呢啲鐵柱縱橫交錯, 無限伸延, 深不見底。 不過, 呢啲鐵柱同先前條「路軌」係完全一模一樣。
蟹仔🦀見到咁嘅環境就試下推理一下🤔：「你睇下呢度一條條巨型鐵柱, 有直有橫, 亦都有向奥面同埋斜面, 柱同柱之間成標準90度直角或45度角📐。試諗下, 我哋由moon back去 moon face 都係要坐住部 lift, 而坐喺lift入面, 如果佢係有轉彎嘅話, 我哋應該喺lift入面感覺到90度咁大幅度嘅轉彎, 但係冇, 所以我哋而家身處喺嘅地方就係moon嘅裏面。呢度咁黑, 只有睇到鐵柱上面嘅燈💡, 其餘都係黑暗一片, 咁即係話moon其實係一個超級空心大鐵球, 又或者大部分地方係空心囉🤔🤔。我哋而家嘅狀態就好似喺宇宙漫步, 我諗我哋點都要攬到其中一條鐵柱先可以慢慢爬返去…」
藍藍答：「你講得冇錯, 呢啲鐵柱根本就係moon嘅支架, 完美扣成一個超級大鐵球嘅支撐。同埋佢另外一個用途就係用作 lift嘅路軌, 主要運輸嘅交通工具。依家我哋脫離咗原先嗰條路軌就冇辦法啦, 唯有慢慢搵啦, 一定搵到嘅！😌😌」
佢哋講就覺得容易, 事實係moon入面根本係大到不得了, 而且佢哋亦都係喺漂浮無重嘅狀態, 今次佢哋真係兇多吉少… 好彩係呢度氧氣量都足夠二人維生。
正當推理緊呢度嘅結構, 遠處有一點強光, 喺度急速穿插。呢道光由佢哋漂浮狀態腳底下面遠處, 由左至右穿過, 唔夠一秒就已經閃過咗啦, 根本完全睇唔清楚係乜嘢。之後接二連三都發生咁嘅事, 唔係由腳底就頭頂, 唔係左邊就右邊, 甚至乎前面後面都有呢啲光不斷穿梭, 呢啲光由四方八面而嚟, 眨眼就過。
蟹：「好明顯呢啲光就係lift, 佢哋通過鐵柱嘅軌道運行, 所以如果我哋如果可以捉住其中一架lift, 應該就可以搭一程順風車。 不過藍藍, 我哋兩個絕對唔可以走失, 我呢度有條貞操腰帶, 我就將我哋兩個捆綁埋一齊, 如果你唔介意嘅話…🙄」
藍：「哦~！你好衰呀, 你一定係偷咗媽媽條鎖匙, 所以可以解開條腰帶…😆」
蟹：「er…係呀… 放心啦…我好有定力…琴晚我對你冇做過啲咩㗎…反而你夢遊嗰陣時對我…😌」
藍：「吓~ 我夢遊…我做咗啲咩…？」
蟹：「呢啲遲啲先講啦, 綁住大家對手, 最緊要搵到出路先呀！🤔」
最後由藍藍用「蛙式」嘅方法, 「游」到其中一條鐵柱攬實, 與此同時, 慢慢等待下一部 lift的經過。lift經過只有一剎那, 捉唔捉得住都成問題, 唯有搏一鋪。
藍：「蟹仔, 睇下, 條柱上面有一個緊急掣啵…😱😱」
蟹：「你都識啲字喎！你果然有聽我話, 睇多啲書學習, 依家竟然用得著😊😊！！… 咁即係話呢度嘅建設係地球人所做, 所以佢用咗我哋人仔嘅文字！🤓」
當佢哋等到條鐵柱有光正要衝過嚟嗰陣, 立即拉下緊急制, 部lift果然慢慢殺停, 停咗喺佢哋唔遠嘅地方。
呢部 lift係超長型, 目測超過三十卡, 每一卡都有佢哋原先搭嗰部 lift咁上下大。第一卡lift門自動打開, 有幾個人仔飄咗出嚟, 佢哋著住一式一樣嘅制服, 四圍檢查發生乜嘢事…
蟹：「係機會啦, 我哋埋去啦！」
藍：「等等, 佢哋一睇就知係工作人員啦, 如果我哋貿然埋去嘅話好似好奇怪。不如咁, 你將你件衫transform變成佢哋嘅衫一樣先, 我有預感會有好處。」
蟹：「OK, 聽你的, 你講得啱！」
蟹仔將件衫transform成佢哋嘅制服, 亦都趁住嗰幾個人仔正在檢查唔為意時, 偷偷潛入第二卡。佢哋憑住手動嘅操作成功打開咗第二卡既門, 入到去即立即閂門。擰轉頭一望…
藍：「呢啲係咩嚟㗎, 點解裝滿一磚磚、金光閃閃嘅金屬嘅…」
蟹：「我都未見過呢啲嘢… 唔通呢啲就係黃金, 呢啲係地球裏面好稀有嘅金屬, 佢哋攞嚟做咩呢…😱😱」
呢部 lift入面都係有重力狀態。 過咗冇幾耐, 部lift開始移動, 蟹仔同藍藍因為佢哋冇安全帶之下, 唯有捉住綁住黃金韌帶, 部 lift以高速向前推進。
Lift終於停咗, 蟹仔打開門, 見到身處一個大型倉庫, 裝滿咗更加多嘅黃金。而呢度亦有地心吸力, 蟹仔拖住藍藍跑到一處匿埋, 偷睇外面嘅情況。
外面傳嚟聲音, 有一班大人入咗嚟, 同一班人仔傾談。
人仔說：「今次呢批黃金純度比較好, 用嚟重建AOI星嘅大氣層最好不過。」
大人說：「… 」一堆蟹仔佢哋聽唔明嘅語言。
人仔說：「係嘅…係嘅…立即運上貨船~」
大人講完之後就離開咗喇。蟹仔同藍藍係一邊暗暗沉沉, 知道earth同AOI係做緊交易。佢哋趁住人做緊嘢嗰時偷偷搵地方離開時, 被其中一個工作人員發現…
工作人員走埋去：「喂~ 你係邊個單位㗎…」
蟹仔擰過去, 正當唔知點答佢好…
工作人員見到佢有同自己一式一樣嘅制服, 身邊綁上咗普通可憐女孩衣服嘅藍藍, 就開口話：「手足, 你係咪人口販賣部㗎？ 見你拖住條𡃁妹仔嘅 🤤！」
蟹仔順勢回話：「係呀係呀, 師兄！呢條死𡃁妹偷走, 我為咗捉返佢, 連我自己都蕩失路, 佢仲扯爛咗我件衫, 所以我制服背面都爛曬, 身上所有通訊器都跌晒… 今次真係麻煩啦！😩」
之後一巴扯落藍藍塊臉：「死𡃁妹, 害到我咁慘！」藍藍好痛, 但都強忍逼住做埋呢場戲…
工作人員沒有懷疑, 於是主動幫忙, 手指指向遠處其中一個月台說：「你搭嗰邊部 lift, 應該係嗰㗎, 不過lift入面都有路線全圖, 你自己再check下下一個轉車站囉！我要做嘢先, 再見！😉」
拜別後, 蟹仔藍藍更係急急腳走啦, 以免露出馬腳。
月台lift到咗, 上到lift後, 裏面亦有好多同類工作制服嘅人都各有各去目的地, 佢哋都好奇, 點解有個可愛少女响度, 其中一人忍唔住走埋嚟問蟹仔：「呢條女咁靚女🤤, 就咁就賣去AOI星真係浪費, 都唔益下我哋自己人, 唉…😌」蟹仔只好笑笑回答一聲「係啦~」
工作人員續問：「知唔知送佢去做邊個分類呀？做寵物又好似大咗啲, 一般AOI星人中意玩BB仔, 如果做食物又冇乜肉地, 最好食聽講係半肥瘦果啲嘛, 定係…咩呀？」
藍藍開始感到好不安, 蟹仔唯有緊緊拖實佢, connect佢叫佢鎮定啲, 一邊答話：「er… 我唔知咁多嘢 lu, 我只係負責捉返佢炸, 哈哈！😅」
工：「師兄, 你嚟咗呢度工作幾耐呀？」
蟹：「無幾耐炸…嘿嘿！」
工：「我喺度幾十年, 都唔知幾時可以返去地球…慘！😩」
蟹：「唔返得去咩？」
工：「講呢啲~, 呢度只會做一世, 點會畀你走呀！我哋實在知道太多秘密了, 政府驚我哋返到去爆晒啲秘密點算呀！」
蟹：「咁點解會嚟咗呢度做野嘅？」
工作人員開始懷疑蟹仔身份, 冇再同佢講野, 返回同自己同伴細細聲講。
藍藍connect蟹仔話：「唔好同佢講咁多,睇嚟已經穿咗煲, 一陣部 lift停咗我哋即刻快快腳走啦, 依家驚到震…😵💫😵💫😵💫」
冇幾耐, 部 lift停低了, 到了一個轉 lift 月台。蟹仔用一個挾持姿勢, 好粗暴咁推藍藍出lift, 用嚟做畀所有「觀眾」睇。出 lift之後佢哋拿拿林沖過對面月台上第二部 lift, 只要佢哋一直坐對面月台呢㗎 lift, 就會去返 moon back站。
正係蟹仔越粗暴推藍藍, 就越露出馬腳, 原來「國王的新衣」係有個盲點, 就係喺胳肋底嗰個位嗰度scan唔到的, 結果現出件底衫。後面嘅工作人員好心想提佢件衫爛咗, 「喂~兄弟… 咪走住呀~」蟹仔反而更加急急腳咁跑過對面, 呢個行為令到工作人員感到非常可疑, 再三諗多陣, 蟹仔已經上咗 lift閂門走人..., 但係事情未必就咁不了了之…
藍藍同蟹仔運用佢哋嘅機智, 最終返返去酒店房, 但發現爸爸媽媽應該已經check out咗, 所以佢哋憑之前嚟過咁多次旅行嘅記憶, 搭上一去機場快線趕去機場🛸。到最後臨到出境時遇返爸爸媽媽, 大家見返都好開心, 飛奔擁抱…
爸爸媽媽說：「對唔住呀, 我哋唔見咗你哋, 個心一直好唔安樂, 我哋搵咗好耐都搵唔到你哋, 導遊唯有叫我哋先返去… 我哋唔應該咁樣掉低你哋, 對唔住啊！😭😭😭」
人仔雖然聽唔明大人講咩, 但係見佢兩個淚流滿面都收貨, 可知道搵返幸福, 冇嘢比得上留喺爸爸媽媽身邊好♡。
就係咁, 佢哋最後都順利出境, 登機, 順利返返去AOI行星🪐。可是, 到達AOI 機場入境時, 發生咗突發事件…
待續~