《藍藍》〈科幻/奇幻〉: 第四章 下一站•診所

第四章 下一站•診所

藍藍正在發緊一場好夢, 夢裏面正要食一個滋心蘋果批😋, Coco呢個時候响夢入面突然出現, 一手搶咗佢手上個批, 藍藍勁爆嬲, 立即揮動一拳打向對方… 點知, 呢一拳落空了, 伸出呢拳令佢成個身體失去平衡, 成個人碌咗落床跌醒, 「哎吔~ 跌死我啦~ 😵‍💫😵‍💫, 發夢都被搶野😑」

爸爸見藍藍醒咗出咗嚟, 就抱佢一下, 哄响面上一下, 就話：「呀~藍藍, 爸爸今日放假, 所以會煮一個你最中意嘅all day breakfast畀你食~ 來, 跟我嚟~ 😋」

爸爸到左邊嗰幅牆, 用手摸一摸放得隱蔽嘅「黑色鏡子」, 牆上就出現咗門似的裂縫, 爸爸就走入去了, 藍藍亦跟住去。

呢個房唔算好大, 可能只有cube起居室四分一大咁上下。呢度有一個大型金屬廚櫃, 有好多櫃桶, 一張不透鋼櫃檯, 檯上有一個發熱的鐵板用來煮食, 所有設施都是金屬的銀色。





爸爸打開其中一個櫃門, 裏面好凍, 放咗好多冷藏食物。藍藍岳高頭一睇, 櫃門上除咗Lice哥哥的, 都貼咗好多Coco以前細個時嘅相。藍藍心諗：「Coco細個時真係好天真可愛, 一臉稚氣, 難怪Lice哥哥都咁講, 真係好難想像惡死登登嘅 Coco姐, 以前原來係咁樣樣。而我嘅出現, 明顯… 爸爸太寵我了…😌…我躺著也錯了😂」

爸爸著起圍裙, 開始在鐵板上直接打蛋、又放上一片片的煙肉、一塊磨菇、又將火腿絲和葱花掉到開始起熟邊的蛋裏。好快佢就煮完, 將所有煮物放上一塊又大又圓又扁平的麥包上。他捧起「麥包碟」及上面的所煮物, 拎到上櫃檯上, 叫藍藍坐上高櫈一齊用餐。 爸爸右眼眨一眨, 「咔喳~」一聲便為藍藍和桌上的 all day breakfast 打咗卡了。

放在藍藍面前的, 雖然係藍藍最中意嘅 all day breakfast, 但當睇完 Coco細個嘅相, 佢就心裏好過意唔去, 佢一路食, 就一路冇心機, 最後食晒「麥包碟」上面的食物。通常最後會食埋隻麥包做的刀、叉和碟。 藍藍揸起塊「碟」, 咬咗「碟」邊一啖, 留下彎彎嘅咬形邊, 眼淚滲在眼框裏, 就大聲對爸爸講：「你以後可唔可以唔好對我咁好呀, Coco姐姐都係你個乖女, 我哋都係一家人, 唔好只係愛錫我一個, 好嗎 🥺🥺？！」

事實上, 爸爸與藍藍之間係「雞同鴨講」, 爸爸見到藍藍面上的表情, 而且食唔晒塊包和刀叉, 就抱起藍藍說：「你係咪唔舒服呀？爸爸抱住你！好快會好返的！」

爸爸緊抱藍藍, 一直坐喺度, 又嘗試同佢玩, 或者做咗好多其他事氹佢開心, 但可惜, 藍藍一直都係目無表情, 冇露出笑容。其實喺藍藍嘅內心入面一直係平靜, 爸爸氹佢冇唔開心, 但亦都反思幸福的由來, 佢沉默係喺度諗 Coco的心情, 亦都想起 Lice逆來順受的生活態度, 以及自己的存在意義等等…





平時開朗活潑的藍藍, 越係呆滯, 越係唔笑, 爸爸就越係着急了。 爸爸夾起食指和中指, 响自己的右耳邊輕輕一篤, 電話就接通了：「喂喂~ 姑娘, 我個人仔好似唔舒服, 佢今年一歲, 唔知係咪改咗食成年人仔野食後唔慣, 定食錯嘢咁😟, 想問下依家有冇醫生駐診呀？附上啱啱影像畏你睇睇先！」
診所姑娘說：「先生你好, 而家醫生咁啱有時間, 你可以過嚟！請問睇過未呀？ 先畀個名我登記吧！」
爸爸說：「有呀！之前佢細個嘅時候喺你個診所接種過疫苗, 所以應該有檔案的！我現在就帶佢過嚟吧！」

爸爸收線後, 佢篤一下梳化後的密碼「あける」, 梳化後的「地下門」就自動打開。佢擔心藍藍, 所以一直抱住佢一齊走入呢個地下室。通往地下室係一條長窄樓梯。 行到落去之後, 有一條好長嘅走廊, 佢响走廊上其中一幅牆, 一塊黑色嘅屏幕壁板上用手指寫咗幾隻字, 另一幅牆就打開, 彈出一個有透明玻璃罩嘅背囊。爸爸將個背囊打開, 裏面剛好放入藍藍, 就將背囊拉鍊拉上, 自己就孭起背囊出發。

被放响背囊入面嘅藍藍說：「點解困咗我喺度嘅, 爸爸想點呀, 佢想帶我去邊…😱」藍藍一度驚慌, 因為佢有意識以來, 係第一次被塞入去一個又黑又細嘅地方, 感覺就係會被出賣, 所以喺裏面極力掙扎, 睇下可唔可以打開呢個背囊, 但係呢個背囊喺反鎖住, 當然點樣開都開唔到啦。

藍藍唯有坐喺背囊入面, 面前有一個同佢個頭一樣size大嘅玻璃罩, 由呢度可以望到出面嘅嘢的。由於爸爸係用個背脊孭住佢, 所以爸爸一路行, 藍藍眼前嘅景物就一路向後退。





首先, 佢清晰見到爸爸孭住佢走過呢條長長走廊。 直至走到盡頭, 聽到開門「殊~」的聲音, 然後爸爸就走入咗一個非常狹窄嘅, 只可以容納一個人嘅細小密室。密室裏面突然著滿藍色而柔和的光, 呢個時候, 好多好多嘅噴霧從四方八面嘅牆壁向爸爸整個身體噴出噴霧, 令到這個細小嘅密室煙霧瀰漫。過咗唔夠幾秒, 密室嘅藍光同埋煙霧都得停止了, 另一邊門就開啟了。

爸爸沿路走出去, 藍藍只係見到灰色嘅狹窄長廊, 直至走入另外一個細小嘅秘室關門後, 爸爸就180度轉身。藍藍見到門邊有一排掣, 其中一個掣著了燈, 上面寫著「B4」, 其他數不清數目的掣沒有著。突然, 係呢個小密室入面感到一股離心力向下沉, 就似拉扯整個人向下一樣。藍藍被上面一塊不停閃動嘅顯示板所吸引, 所以就抬頭望下係咩嚟。顯示板由一開始顯示「B1」, 短短幾秒內就順序變成 B2、 B3、 B4。 當顯示板上顯示 「B4」, 小密室終於停了, 爸爸方向果邊嘅門就自動開咗喇, 外面嘅燈光明顯比較光亮。

爸爸走到出面, 一直企喺度等著, 藍藍又四周圍咁望了。藍藍發現佢身處嘅地方係一個比自己屋企, 甚至比起cube起居室大數百萬倍, 更大嘅空間。係呢度有好多同爸爸一樣嘅「大人」, 呢次係藍藍第一次見到爸爸以外嘅「大人」。佢見到好多衣著打扮或者髮色唔同嘅男人和女人, 所有嘅人好似都默默地等著啲咩咁, 而且每個人頸上面都有一個不同款式嘅掛飾, 而呢個掛飾係會射出一塊光屏幕到各人自己嘅面前, 所有人都齋企響度望住呢個光屏幕的, 藍藍覺得呢個現象極奇怪, 心諗唔通呢個又係另外一個「den see」。

除咗見到一大班人喺度等住, 抬頭一望有一塊巨型顯示板, 顯示住三行嘅訊息。三行橫排擺放, 分別以紅、綠、藍燈顯示住啲咩嘢, 而且顯示的亦都係不斷轉動。紅的顯示着「特急 次11:08:55」, 綠的顯示着「急行 次10:0A:85」, 而藍的顯示着「普通 次09:B7:65」。

等咗冇耐, 顯示板上面藍色果行不斷眨着眨着, 呢個時候藍藍亦感到由左至右有一個極強的藍光閃過而停下。 之後, 所有人都關閉面前嘅光屏幕開始行了, 佢哋全部都係向住同一個方向行, 進入到一個長條圓柱形的地方。呢條長條圓柱形入面迫滿晒人, 喺人貼人之下, 藍藍嘅玻璃罩外面被一個女人嘅大胸壓住, 令到佢睇唔到外面嘅嘢, 佢只係感覺到呢個長條圓柱形物體係有一個推動力向前行, 而且仲係好快好快…

長條圓柱形的列車上, 一個廣播：「下一站"醫務站", next station is 'Medical station'. 醫院請往左邊車門落車, 各大門診及藥房請往右邊車門落車！」

當呢㗎藍色普通系列車到站, 爸爸就响右邊落車, 因為佢要去嘅係「人仔診所」就係呢個方向。沿途行經嘅係一個「隧道系統」, 呢度縱橫交錯嘅設計, 佔地勁大而且複雜, 但每個十字路口都有好清晰嘅閃亮指示牌作為指示, 而且仲有行人代步運輸帶, 只要輸入目的地, 地面上的運輸帶就會自動帶你去。 呢度嘅生活非常之方便, 亦都好少會發生蕩失路嘅情況。

最後, 爸爸終於到咗「人仔診所」了。藍藍被放咗出來。呢度有好多同藍藍一樣嘅人仔, 都係各自的「家長」帶嚟等睇醫生。





藍藍見到診所候診嘅地方咁多人, 自己都怕醜起來, 所以佢冇好似其他人仔咁周圍走來走去, 始終藍藍係一個詩文而且慢熱嘅女仔, 同埋對住咁陌生嘅環境, 只係一直扮鎮定坐响爸爸隔離黐到實。

當診所姑娘嗌名：「藍藍, 1号房！」爸爸就拖住藍藍入房喇。入到房, 醫生為藍藍四圍檢查下, 又照眼球、探鼻、 照口。藍藍最驚就係一部量子力共振床, 因為佢掙扎嘅關係, 唯有將佢成個人綁上床去, 仲響佢手臂上打咗之針, 藍藍就不知不覺咁暈低了, 醒番之後已經喺自己小蘑菇屋裏面張床上了。

待續~