宇宙傳送門: 3.1

現時夜晚十一點五十八分，我同林日辰由然人嘅帶領下，嚟到一條雙程馬路。

雙程馬路嘅中間有條石壆，石壆上面每隔幾米就有條電燈柱。

而我電筒照住，令我哋三個都停低咗嘅原因係，電燈柱下坐咗一個赤裸裸嘅女人。

呢個女人雙手綁咗係條電燈柱後面，唔係挨住條電燈柱，佢嘅上身向前傾斜，頭瞓低咗。

呢個赤裸裸嘅女人，披頭散髮，頭耷低，一啲氣息都冇。佢嘅身驅可以見到有多處嘅傷痕，化晒膿咁，而且佢嘅下體好似有燒焦嘅痕跡。





個女人郁都唔郁咁，估計係死咗，但應該係冇耐之前。

我出於好奇心，用我手上嘅電筒，小心翼翼咁抬起佢個頭。

赤裸女子個頭俾我抬起，佢嘅雙眼仲係未合埋，瞳孔放大，面無血色，嘴脣上面有幾條大嘅𠝹痕。

最令我無奈嘅係呢個女人嘅額頭，俾人𠝹咗兩個字係度。

「奴，隸。」嗰兩個字俾林日辰好平靜咁讀咗出嚟。





我吞咗啖口水，用返我自己隻手，掃返埋個女人對眼。

呢個女人俾人折磨到死亡，而家仲要綁咗係馬路度公開示眾，死咗都要繼續被羞辱。

一個都算，我將電筒繼續向前照，幾米前嘅電燈柱下，再出現相同赤裸嘅女屍體，今次呢個係被鬼剃頭咗。

「八，婆。」林日辰再次讀出額頭上嘅字。

然後，我哋一路向前行，一路用電筒照住，每一條電燈柱下都綁咗有赤裸嘅屍體，總共有十二具屍體，而且有男有女。





有啲男屍體，個頭笠咗條女人嘅底褲，有啲被閹割，有啲就截咗肢，有啲個口塞住咗條陰莖，都唔知係佢自己嘅定人哋嘅，總之就係五花八門嘅羞辱方式。

其中有個應該係女屍體，人樣嚟，不過膚色係深藍色，髮色係粉紅色，仲有兩隻角生係兩邊膊頭，相信應該係第二個宇宙嘅人或者係外星人。

「雞。」「GAY。」「肉便器。」「好撚鬆。」「My Favourite。」 「有臭狐。」「阿凡達。」…..林日辰將每具屍體額頭上面嘅字詞都讀咗出嚟。

「幼稚園認字吖你？」我睥咗一下林日辰。

終於，嚟到然人話要轉左嘅位置。面前係一棟荒廢咗好耐嘅樓宇。

不過唔知點解，唯獨係面前嘅呢一塊地，升高咗幾米，仲係地下插住咗有截肢出嚟嘅兩隻右手，兩隻右手都擺咗隻食指出嚟指住樓上荒廢咗嘅樓宇。

呢個地方就好似變咗係佢哋嘅樂園咁。

「上面總共有十個人。」然人指出。





「你係要點做？」林日辰問我。

我除低個背囊，拎咗兩把刀出嚟「全部，一個不留，殺晒佢哋。」

「你真係可以做到？」林日辰都拎咗自己把刀出嚟。

「而家唔搞掂佢哋，遲下俾人綁咗係啲電燈柱度嘅就會係我哋。」雖則我係咁講，但復仇之心我都有嘅。

「你留係度定點吖？」我問然人。

「冇我嘅話，你會死。」

「….」我無言咁望一望林日辰。





「係佢嘅自由。」林日辰用口咬住把刀，準備爬上去。

「你使唔使我孭你吖？」我踎低準備孭一孭然人。

然人無視咗我，自己走咗去。

「仆街仔….無禮貌…..」

然人面對住凸出嚟嘅嗰塊地，佢突然塊面好用力，用力到都出現微震，然後佢嘅身體就開始徐徐升起。

然人就咁帶埋圈圈一齊慢慢咁升咗上去上面。

「咩料吖？……」我都咬住兩把刀，開始慢慢咁爬上去。

當我以為自己爬上去會好吃力嘅時候，我嘅右腳忽然感覺到好有力量，一下踩實水泥，四隻爪用力，就連水泥都俾我隻雀腳抓穿咗。





四隻爪穩固咁抓實咗道水泥斜坡，呢隻雀腳成為咗我嘅支撐點，令我都幾輕鬆咁爬到上去。

最後，我將隻右手奮力咁向上捉住，完成最後一步，終於俾我爬到上嚟，而林日辰同然人一早就係度等緊我。

我拎返住兩把刀，抖返順條氣，企返直個人。

我哋三個一齊望向呢個荒廢嘅樓宇，有五層樓高，係迷霧嘅襯托下，面前就好似一座鬼城咁。

復仇之戰即將到來。