宇宙傳送門: 2.23

現時晏就唔知幾多點，面具大佬要我同李太拍一套AV。因為遲遲都未行動嘅我，李太俾佢哋懲戒咗下，係右手手臂𠝹咗一刀。

「啊～」隨住李太嘅一聲慘叫，我都冇辦法唔跟面具大佬嘅指示「Okay，得，得，我除。」

「老婆～」李生心痛李太嘅感情傳咗過嚟。

「如果你再係唔合作嘅，由佢嘅右手手指公開始，每過一分鐘，就切一隻落嚟。到佢左手手指尾，就係呢個大肚婆嘅死線。」

然後，原本同我講嘢嘅面具大佬擰向李生問「阿老公，明白？同唔同意吖？同唔同意望住你個大肚老婆俾佢屌吖？」





李生以驚訝嘅眼神回應面具大佬。雖然我唔會完全明白李生嘅心情，但都知道呢件事係有幾咁難受。

「你不如殺咗我啦。殺咗我，放咗我老婆，求下你…….」李生開始向面具大佬跪低，不斷咁叩頭求饒。

見到李生咁樣，我知道事件已經變到係絕望嘅地步。就算知道個面具大佬係絕對唔會應承李生，但我都係做唔出。

「哼！唔得。咁我仲有咩好玩吖？」

「….」





「我最後問多你一次，同唔同…呀！唔好啦，你開聲叫佢。」面具大佬指住我。

「…..」李生定咗格咁望住我。

個死仆街要李生親口叫我做，明明頭先可以直接嚟，明明可以唔使咁殘忍。

「我冇乜耐性㗎，10、9、8、7…..」

全部人一齊聽住呢個殘酷嘅倒數，望住痛苦掙扎嘅李生。





「…..6、5、4…..」

李生同李太呢刻互相對望，大家冇對話都知道對方嘅痛。

「….2、1。」

「啊～～～…..」李生大聲疾呼，大力咁雙手捶落地。

「屌吖！…..屌吖，……求下….你…」李生淚流滿面，表情扭曲咁對住我講。

「哼！哈哈。」面具大佬笑住咁影低呢幕「快啲啦，人哋老公都叫到，哈哈哈…..」

面具大佬嘅恥笑聲圍繞住我，侵入我嘅腦海，不停咁loop住。

「哈哈哈哈哈哈哈………我冇乜耐性㗎。」一段回憶係我腦海中浮現。





「郭俊言。」我終於記返起呢把聲係邊個。

面具大佬聽到我講呢個名，停止咗佢嘅恥笑，放低咗佢部電話，然後佢除低咗佢個面具，回憶中嘅容貌出現係我眼前。

「最後都係俾你認出。睇嚟你好掛住我喎。」

「….」

「做乜你呢個表情吖？見返我，你驚吖？星仔～。」

見返呢個人，心裏面湧出各種複雜嘅感情。

第一次正式見到敦俊言係中四嗰年，偶然下同佢係同一班，再偶然下坐咗係佢嘅右手邊。





未同佢同班之前有聽過佢嘅事跡，知道俾佢定咗做目標就等於呢個中學生涯已經玩完，因為傳聞話佢係某個黑社會大佬嗰仔。

但係我當時嘅中學生涯都幾乎同玩完冇乜分別，冇人會理我，我都唔會理人，完全係一個隱形人。

就只有李浩朗間中會嚟拗水吹，但當時同李浩朗都係仲未熟嘅時候。所以照道理嚟講，我好難會成為佢嘅目標。

但就係嗰一日，數學測驗嘅嗰一日，我偶然咁睇到郭俊言出貓，而且我仲同佢對咗眼。

之後所有嘢就係由呢下對望開始。講真嗰句，就算我見到郭俊言出猫，就算出猫嗰個唔係佢，我都係會扮冇嘢。但我就係冇諗過，之後會小事化大。