由青梅竹馬開始: 神秘約會？

兩個月後，琪琪和勤拖著手走向車站。
 
琪琪：你頭先悶唔悶呀？
勤：OK 啦。
琪琪：咁就好，我驚你悶同尷尬。
勤：都有少少架。但係遲啲都要見下你啲親戚架啦。何況都識左你阿婆咁多年。
琪琪：我地結婚嗰晚佢一定好開心。應該開心過今晚佢做生日。佢成日想我快啲嫁。
勤：係噃。呢幾日好似要過埋啲訂俾間酒店。
琪琪：我記得架。我會搞掂架啦。啲錢再計啦。
勤：嗯。仲有睇樓呢件事。


琪琪：睇來都走唔甩架啦。你同你阿爸講我地今個月去睇啦。好唔好？
勤：嗯……
 
兩人上了地鐵，琪琪望著玻璃整理自己的儀容。站在旁邊的勤問：”都返屋企架。仲整？”
琪琪：喺你身邊梗想靚啲架嘛。
勤：你有條頸鏈靚過呢條架。
琪琪：我知你講邊條。唔見左啦。
勤：點解嘅？
琪琪：我都唔知。可能有次戴左返工，喺公司或者食飯時覺得有啲唔舒服，除左佢。又唔記得拎返。
勤：嗰條鏈真係幾靚。


琪琪：第時你買啲更靚嘅俾我咪得囉。
勤：好呀。
 
琪琪其實說了謊。那條鏈是她故意棄置的。因為她不想家中再有一些與阿東有關的物件。
 
兩人回到琪琪家，琪琪發了個訊息就先去洗澡。勤留意到琪琪將手提電話放了在餐桌，就拿過來看。他見到和琪琪對話的人不在她的通訊錄中，又沒有頭像。他看了兩人的對話，知道兩人約了明晚在一間酒吧見面。勤嘗試查看兩人之前的對，但始終不肯定這人是誰。他只能判斷主動提出約會的並非琪琪。為甚麼那人不在通訊錄，但琪琪卻沒有問過對方是誰呢？那即是這人是琪琪本來已認識的，而且琪琪是能辨認出他的電話號碼。但為甚麼此人不在通訊錄中？早前勤和琪琪復合後不久，琪琪就買了一對情侶電話，是否就是為了刪除琪琪和此人昔日的對話？
 
勤將電話放回原處。雖然他見不到兩人的對話有甚麼越軌的內容，但也對兩人的關係很懷疑。不過，他總不能跟琪琪說他偷看了她的電話。於是，到勤自己洗澡時，就想著怎樣試探一下琪琪。
 
睡前勤就問琪琪：”你聽晚有乜野做呀？”


琪琪：我約左人食飯。啲讀MASTER嗰啲同學。
勤：過兩日就畢業禮喎，仲食飯？
琪琪：咁畢業禮掛住影相，有啲人同屋企人一齊，傾唔到計嘛。
勤：哦。幾多個人食呀？
琪琪：四、五個掛。有男有女咁囉。
勤：你去邊度食呀？我接你好唔好？
 
琪琪：下？未約實喎。可能尖沙咀或者旺角。不過你聽晚唔係要上教練班咩？
 
勤：我完左來接你啦。
琪琪：完左你都攰啦。後朝你都要返工。況且可能你未落堂我都返左來。
勤：哦。咁睇下聽晚點啦。
 
勤沒有再追問下去。琪琪的回應只令他的疑心更重。就算明晚琪琪會出席是多人聚會，但他記得琪琪是約了別人在一間酒吧的。他不知道那酒吧到底是哪一間。但既然是定了地點，為何琪琪又說未確定？勤就懷著忐忑的心情思考應該如何找出真相。在同一張床上，其實琪琪也是心神恍惚。