由青梅竹馬開始: 勤的疑心

由於勤沒有告知琪琪他今天請了假，所以就沒有即時回覆琪琪。坐在地鐵車箱內的他開始問自己：究竟他還有多愛琪琪呢？如果跟Agnes的短聚才令他真的感覺幸福和快樂，那麼他和琪琪之間的問題真的可以解決嗎？他很清楚自己是背叛了琪琪，一股歉疚感開始在他心中出現。同時勤又明白，他之所以背叛了琪琪，是因為昔日和Agnes的經歷。而這段經歷無疑是他生命的一部分。今天的勤已不是中學時期的勤。就算琪琪是他的青梅竹馬，現在琪琪卻不見得比Agnes更認識自己。既然琪琪不認識自己，他又有多了解琪琪呢？勤又想起剛才Agnes的話，如果自己也有過Agnes，難道琪琪真的沒有其他男人？
 
勤一路想著，思緒不定。他稍為肯定的是，他覺得要搞清楚過去，才有機會和琪琪共建未來。
 
勤回到家中，閉上房門，見到已是平日下班的時間才回覆琪琪。而琪琪的回應也很快。
 
勤：我返緊屋企。食LUNCH時唔記得帶電話。所以睇唔到你啲MSG。
琪琪：嘩！你都會冇帶電話食LUNCH？
勤：係……你喺邊呀？
琪琪：我仲喺OFFICE。頭先喺MSG咪講左，今晚有排做。


勤：咁你專心啲做，早啲返屋企
 
琪琪：我好專心架。但掛住你，所以咪成日睇下你有冇覆我。我做野先 kiss kiss
勤放下手機，躺在床上，想起上次到琪琪辦公室的時候。他又記起剛才在Agnes房中，有很多Agnes和她丈夫的合照。但為何琪琪辦公室卻沒有二人的合照呢？勤在想：”到底琪琪有多愛我？”他收起了Agnes還給他的性感睡衣，心想不知道何時才適合拿給琪琪重新穿上。他翻開抽屜時，拿起了那本記事本，才想起自己原來自求婚之後，也沒有寫過任何字在那簿上。
 
晚上未夠十時，因為下午精力耗盡，勤已累得要躺在床上休息了。他將這兩天和Agnes同Ceci的對話刪除後，就見到琪琪告訴自己她已在回家路上的訊息。勤回應琪琪：”可唔可以問你一個問題？”
 
琪琪：乜野呀？
勤：但你要坦白答我喎。
琪琪：做乜事咁古怪？OK你問。


勤：有冇人試過要你陪呢？
 
這訊息發出後不久，勤即收到琪琪的來電。
 
琪琪：你講乜野呀？咩野陪呀？
勤：你嬲呀？
琪琪：唔係嬲。但一來我唔係好明你問乜。二來我唔知點解你要咁樣問！
勤：er……
琪琪：最需要我陪嗰個人咪係你囉。
勤：我意思係工作嗰啲……


琪琪：你可唔可以話我聽無神神做乜咁問先。
勤：我……我……頭先喺FORUM見到人講啫。
琪琪：講乜？
勤：話好多靚女返工被性騷擾。
琪琪：我就算遇到啲嘅事都唔會屈服。你記唔記得嗰個CARSON 呀？
勤：記得！梗記得啦！佢有搵過你？
琪琪：佢點敢搵我。佢嗰件事令我知道唔可以屈服。之前嗰份工係有上司暗示過啲野。我都冇應承。之後再轉埋工。我揀呢間公司其中一個原因你知唔知係乜？
勤：係咩呢？
琪琪：係公司內部有個機制去處理呢啲事。不過好彩我仲未遇到要用呢個機制嘅時候。
勤：哦。咁就好。
琪琪：好心你唔好睇咁多咩FORUM 啦。
 
之後兩人閒話家常了幾句才掛線。對於琪琪的說法，勤覺得是可信的。但沒有為過工作而出賣肉體，卻不等於過去沒有和別的異性有往來。對於這一點，勤仍然想搞清楚。自此，勤有機會就嘗試偷看琪琪的電話，看看會否有些眉目。