由青梅竹馬開始: 稱病回家

“呢張我要晒出來！呢張擺屋企，頭先嗰張擺OFFICE！”
 
面對著婚照，琪琪興高采烈地對照片評論一番。勤本身就不會有太多意見，再加上心情欠佳，所以就很少發言。突然，勤有一種很怪的感覺，明明他是和琪琪一起，為何卻覺得很孤獨呢？琪琪也察覺到勤有點異樣。所以兩人離開店舖時，琪琪就問：”你做乜好似冇厘精神咁嘅？”勤聽到”冇厘精神”四字，就找尋掩飾自己情緒的方法：”唔知做乜，個頭有啲痛。”琪琪捉著勤的手說：”咁買啲頭痛藥返我到訓啦好唔好？”勤沒有即時回應，而是先跟琪琪走了幾步。終於他想到了一個藉口：”我……我聽日有份文件要用。好似擺左喺屋企。”
 
琪琪：咁你返屋企啦。唔好送我啦。我陪你去買啲藥先？
勤：我屋企有嘅。唔駛特登買。
琪琪：咁我陪你返屋企？
勤：唔好啦。你送完我再返自己屋企都夜。
兩人就在車站分開，各自回家。
 


勤回到家，見到父母和穎都在廳。穎問勤：”睇完相返來啦，唔去琪琪姐嗰邊過夜？”勤敷衍了妹妹後，又聽到父親說：”你地傾好幾時睇樓未呀？早啲買平啲呀。遲啲啲樓升得仲快！”本來不是真的頭痛的勤真的覺得頭痛了：”我有啲頭痛。沖個涼訓先。”
 
洗澡後，勤就回到房間躺在牀上。他如常拿著手提電話，見到琪琪的訊息：”我返左屋企！你好啲未呀？等我𡃶你一啖先，快啲訓！”勤打了以下的字回應：”嗯！食左藥而家訓。Good night.”其實他心想，如果琪琪那麼不喜歡他玩手機，就不應該發訊息來吧。
 
不快的感覺沒有消退。勤一面望著Facebook的版面，一面思考怎樣抒發自己的感受。要打一個既能抒發不安，但Facebook朋友也未必明白的Status，不是易事。找朋友談嗎？他可以隨時跟JOE聯絡，但就算對方不會將自己說的事轉告給貓，勤也不知道可以如何坦然地在JOE面前將現時的心情講出來。勤想了一會，覺得最能夠理解自己的人是Agnes。但Agnes會理睬他嗎？他開了Agnes的Facebook頁面看，見不到最近一年有更新過。他很想發個訊息去問候她，但還是猶豫不決。
 
勤繼續漫無目的在更新Facebook。突然他留意到Ceci發了一條新的狀態。勤沒有嘗試解讀狀態的內容，即按入去Ceci的頁面。他見到幾個星期前Ceci發了一張她和一名嬰兒的合照，那是否就是Agnes的孩子呢？勤發了個訊息給Ceci，而且對方很快就回覆。
 
勤：Hi
Ceci：HI


勤：我見你有張相同個BB影，係咪Agnes個BB？
Ceci：係~~~~~~~~~囡囡來
勤：哦。咁佢幾好嗎？
Ceci：佢好似幾享受做媽咪的樂趣
勤：如果我搵佢，佢會唔會理我？
Ceci：下？你搵佢做乜？我見你成日放同你女朋友啲相出來喎。
勤：你有留意架原來？
Ceci：我冇LIKE啲相唔代表冇睇。
勤：咁佢會唔會理我？
Ceci：你send 個 message俾佢咪知。駛乜問我。


勤：……
Ceci：你喺FACEBOOK見唔見到佢有UPDATE？
勤：冇呀
Ceci：咁即係佢BLOCK左你。
勤：哦……
Ceci：但唔代表佢唔會睬你。你自己試下啦。
勤：OK
Ceci：你問候下佢冇問題嘅。但唔好亂來！
勤：知道。
勤就發了句”傾兩句可以嗎？”給Agnes。
 
勤一直等待著Agnes的回覆。但到他睡著，還是等不到。