由青梅竹馬開始: 琪琪辦公室

兩個多月後的一天，勤下班後到了琪琪辦公室樓下。兩人約好了晚上去婚紗店看之前拍的結婚照。由於婚紗店在琪琪辦公室附近，所以勤就來接琪琪。在路上勤已經過幾間婚紗店。他還記得，當初與琪琪選店時，他是如何極力避免光顧他曾和Agnes一起到過的那間店。
 
抵達琪琪辦公室樓下，勤就打電話給未婚妻。琪琪知道勤到達後就下樓。不過，她沒有帶手袋。原來琪琪尚有公務未辦妥，所以下樓只是為了帶勤上樓等他。勤當然已試過多次接琪琪下班，但跟琪琪回辦公室，今次還是第一次。兩人沒有拖著手，由琪琪帶領著勤經過大堂、升降機、接待處，再到到琪琪工作的部門。公司大部分員工都已下班了，但還有三位同部門的下屬在工作。琪琪帶著勤出現時，他們都報以好奇的目光。琪琪沒有理會他們，就帶了勤進自己的房間並關上門。
 
琪琪一關上門，勤就說：”呢間就係你嘅OFFICE？”
 
琪琪：係呀。
勤：幾大噃。
琪琪：老細嗰啲間房有梳化添。我呢間得幾張凳。
勤：都已經好犀利啦。


琪琪：我仲有啲野要搞。我估半個鐘左右。你坐喺到睇住我做野好唔好？
 
勤點點頭，就坐下來細心觀察一下辦公室的環境。很快勤就察覺，外面的職員不時都望著琪琪房內的情況。於是勤就提出：”出面啲人好似成日望入來咁。有啲古怪。不如閂左個簾？”琪琪想了想就答：”唔得。閂左個簾佢地以為我地喺度搞野點算？”勤明白琪琪的想法，但又覺得這樣很不自在。他再說：”咁不如我都係落返去行下先？”
 
琪琪：我就係怕你要喺條街咁熱行住等我先帶你上來喎。
勤：我去商場行囉。
琪琪：做乜喎？睇住我做野唔SWEET咩？
勤：SWEET。不過唔想俾出面啲人咁樣望實晒啫。
琪琪：咁呀……不如你去會議室嗰度坐？嗰度呢個時間唔會有人。
 


勤同意。琪琪就帶了勤去會議室。琪琪將會議室的簾幕拉好，好讓外面的人不會見到勤在會議室做甚麼。離開會議室前，琪琪還輕吻了勤一下，讓勤感到很窩心。之後琪琪在回到自己房間的途中，以半開玩笑的語氣對還在工作的下屬說：”你地幾個頭先係咪成日啤入來？搞到人地周身唔自在啦。而家冇得俾你地啤啦！”
 
同事甲（男）立即鳴冤：”冇呀我！我好專心做野架。係佢兩個！”
同事乙（女）：我望左幾眼就冇望啦。
同事丙（男）：我都係望左幾眼就冇望。
琪琪：咁你地兩個即係有望啦？
同事乙：我地關心下琪琪姐個未婚夫係乜野樣啫。
琪琪：咪係男人咁囉。咁八卦……你地做好晒啲野呢咩？
 
同事甲和丙即異口同聲表示準備下班。但同事乙就表示會多做一會。


勤在會議室拿著I PHONE上網。十多分鐘後，他聽見有人敲門。他以為是琪琪。但他開門後就見到敲門的其實是同事乙。
 
乙帶著微笑又有點尷尬地對勤說：”唔好意思煩一煩你。可唔可以幫幫手換左支水呀？我唔夠力。啲男同事又啱啱放晒工。”
 
勤就助乙換好了水瓶。