由青梅竹馬開始: 十二年後的韓燒

 
勤在琪琪樓下等待。他想起了第一次和琪琪正式拍拖的情況。那天他也是在差不多晚飯時間等琪琪由家下樓。地方是不同了，事隔也已十二年，而且今晚應不可以拖著琪琪的手，但心情和那一刻一樣都是戰戰兢兢的。
 
琪琪下來，就走到勤面前問“食乜野呀?”勤早已準備好答案:“你仲鍾唔鍾意食韓燒?”琪琪笑著說:“冇以前咁鍾意。但都仲係鍾意嘅。就韓燒啦。”琪琪即帶著勤走，向附近商場的一間韓燒店進發。勤問琪琪："咁你而家最鍾意食乜？"琪琪想了想："你咁問我一時間答唔到啦。遲啲諗到再話你知。"勤跟著琪琪一路走，雖是並肩而行但又保持一定距離，兩人就和一般的異性友人一樣。

兩人點好餐，勤就主動問琪琪的近況。

琪琪:咪返工返工同返工囉。仲可以點?之前忙啲因為成日夜晚要返學。而家唔駛LU。

勤:返學?讀mater?



琪琪:係呀。都唔係真係學到啲乜。反而可能識到啲人有幫助。

勤:返工有幫助?

琪琪:係呀。

勤:你而家好似要四圍出trip咁?

琪琪:其實好攰架。但去到某個位置就要做呢啲野。


 
侍應上菜打斷了兩人的對話。侍應放好東西後，勤本想追問琪琪的工作，但琪琪搶白說:“咁你呢?你過成點?”
 
勤:咪都係返工。返屋企。返工。返屋企……
 
琪琪:淨係返工冇打波呢咩?
 
勤:冇啦。隊波解散左啦。
 
琪琪：係咩？之前聽阿joe講有個女仔睇你打波喎。


 
勤：呀！嗰個係咁啱打完波撞到嘅舊同事。佢唔係來睇我打波。同埋都好耐之前……呢兩年啲人有啲返工忙、有啲結婚生仔又盛。維持唔到啦。隊波散左……
 
琪琪:嗯……到呢個年紀，生活同啱啱畢業時冇可能一樣架啦。
 
勤:而家我就成日匿喺屋企。阿妹都頂我唔順叫我去多啲街。
 
琪琪:我睇你個妹嘅facebook好似過得幾開心呀。
 
勤:咁佢個男朋友都對佢好嘅。
 
兩人邊吃邊說，沒有冷場。兩小時後，琪琪說疲倦就提出要先回家去。勤拿出信用卡準備結帳，不過琪琪說如果勤請客的話，就以後不要再見。所以最後勤是用信用卡簽賬了，但琪琪亦將現金交予勤，以支持一半費用。
 
勤和琪琪走出餐廳時，琪琪手中拿著一件長外套。勤在機場見到琪琪時，她身上就穿了這件外套。到晚飯時因為爐散出的熱力，琪琪始脫下它。現在勤可以看清楚琪琪除了外套後的全身打扮，即時目瞪口呆。吊帶背心加上短短的熱褲，實在不是往昔琪琪的風格。勤忍不住問琪琪："嘩你著成咁嘅？"琪琪回答："星加坡真係好熱嘛。喺香港咁著好怪。我都係著返件褸遮住啲肉先。"
 


琪琪沒有阻止勤送自己回家，但在進大廈前兩人就分手了。臨別時勤說："你諗完之前，我仲可唔可以搵你？"琪琪微笑著點點頭，就進入大廈內。勤在回家的途中想："這晚還是個好開始吧！起碼琪琪沒有斷言拒絕，而且在吃晚飯時大家也談得很開心。就像讀中學時的氣氛！"這晚睡前，勤又打開房間的抽屜。但今次他只讀了那本簿內的文字，沒有花精神在那攝錄機身上。
 
翌日是星期日，當勤還未起床時，琪琪已到了阿貓和JOE的家去探他們的孩子。當阿貓要JOE去買早餐時，琪琪和貓就開始了一次閨蜜對話。
 
貓：你喺星加坡點？
 
琪琪：完全失敗。我死左條心架啦。