由青梅竹馬開始: 和好

回到宿舍，勤無法入睡。兩年多的拍拖經驗，他未遇過對他如此不高興的琪琪。近天光，勤始有一絲睡意。當他再睜開雙眼時，已是中午時候。勤已錯過了早上的課堂，但就算他一早就醒來，也不會有心情上課。勤醒來第一件事，就是拿起電話看琪琪有沒有找過他。
 
 
 
但未接來電的數目是零。
 
 
 
勤立即打電話給琪琪。電話是接通了，但之後他聽到的總是:“你而家所打嘅電話未有人接聽，請你遲啲再打過來啦。”
 


 
 
勤每半小時就打一次電話。到晚上七時，終於聽到琪琪用異常冷淡的語氣說:“乜野事?你知唔知你好煩呀?”勤回應:“對唔住呀。你唔好嬲我啦。”琪琪沒有出聲，於是勤叫“琪琪?琪琪?”
 
 
 
琪琪再開口:“你唔駛打來啦。你咁樣好煩。我想搵你就會搵你。你不斷咁打來冇用嘅。你反省下先啦。拜拜。”
 
 
 


聽到琪琪叫他不要不找她和被掛線的聲音，勤不知所措。他在校園找到一個僻靜的地方坐下。極度焦慮的勤打了一通電話予阿貓。
 
 
 
勤:你今日有冇見過琪琪?
 
貓:有呀。佢話你激嬲左佢。
 
勤:佢唔睬我。係咪唔要我啦?
 


貓:唔係掛。佢冇話要同你分手喎。
 
勤:但佢未試過咁對我。
 
貓:你等佢下左啖氣先啦。
 
 
 
貓的情報令勤稍為安心點。但他實在太不安，無法純粹被動等待琪琪找自己。他想了一會後，回到宿舍找出琪琪開學時給他的上課時間表。他見到琪琪明天早上有課，但看不懂那上課地點的簡稱，就再打電話予貓查問。在勤和貓對話期間，JOE突然拿了貓的電話跟勤說:“你去接放學都OK嘅。但千祈唔好拎住紮花。唔係就尷尬死人。”
 
 
 
翌日一早，勤就帶同自己繪製的道歉卡前往琪琪就讀的大學。在課堂結束前十五分左右，勤就在教室門外等待。到一眾學生離開教室時，勤緊張得手心冒汗。當勤見到琪琪走出教室時，他也不敢即時走向琪琪的方向。在勤猶豫的時候，嚇了一跳的琪琪主動走到勤面前:“你喺度嘅?”勤回應:“唔想你嬲我。我好掛住你。”
 
 


 
琪琪沒有說話，凝視了勤幾秒後，主動擁著勤。勤當然也用雙手抱著琪琪。兩人沒有說話，用擁抱來化解兩天前的爭執。不知道是誰先將身體向後傾而結束這個擁抱。但兩人再面對面時，才發現對方都眼泛淚光。
 
 
 
琪琪:你做乜咁傻山長水遠走來?你唔駛上堂咩?
 
勤:你唔理我，我都冇心情上堂啦。
 
琪琪:下次唔好咁啦。我都冇辦法嬲你嬲太耐。原本諗住今日晏啲搵返你。
 
勤:咁我等唔切嘛。你唔理我，我好辛苦。呢張卡畫俾你say sorry 架。
 
琪琪:咁我都唔應該發太大脾氣嘅。
 


 
 
琪琪帶勤到飯堂吃午餐，再讓勤下午陪自己上課。勤幾乎完全不明白講師說甚麼，但能夠在大學的教室拖著女朋友，就心滿意足了。本來勤想晚上不參加手球隊的訓練和琪琪逛街，但琪琪說有會議，所以勤在黃昏就趕回學校參加練習。
 
 
 
兩人算是和好了，卻仍然是各有各忙。琪琪意識到需要多些時間與勤相聚才能維繫感情，所以就算有時在家忙著，也讓勤來陪她。和好後三星期後的星期日晚，勤就在琪琪家中。琪琪對著電腦做功課，勤坐在旁邊打遊戲機。突然，琪琪電腦響起”喔噢”的聲響，即是有人在ICQ上跟琪琪說話。琪琪沒有即時查看對方的訊息有甚麼內容。
 
 
 
勤問找琪琪的是甚麼人，琪琪回應：”呢個咪係嗰個CARSON。