由青梅竹馬開始: 你不信任我，又不尊重我

完事後，勤到洗手間洗澡。回來時琪琪身上還是那件睡衣。勤說:“你唔換返衫？一陣阿LO返到來點算?”接著琪琪就脫下睡衣，全裸將睡衣交給勤:“你幫我keep住啦。下次喺度搞再拎出來著。”
 
 
勤吻了琪琪一下，再將睡衣放在衣櫃的一個抽屜內。接著他問正在穿衣服的琪琪:“頭先做乜叫我唔好射?”琪琪回應:“頭先你從後插，好似有啲就來高潮咁。但我唔肯定。”勤抱著琪琪說:“係我冇用。呢兩年都俾唔到高潮你。”琪琪邊摸著勤的頭道:“傻仔!呢個唔重要呀。最緊要每次做愛都係交流緊我地嘅愛。同埋……下次可能有呢!”兩人互吻一番後，琪琪就穿好衣服。
 
 
琪琪:如果唔係你同房就返到，我想同你來多次呀。
勤:我得架。
琪琪:我就係知你得。
勤:行啦。阿LO應該就到。


琪琪:我唔走住。我要喺你同房前亮相。
勤:下?你唔怕尷尬?
琪琪:唔怕。我要等你身邊嘅人都知道你有我呢個女朋友。
 
 
二十分鐘後，阿LO打開房間就看見勤和琪琪坐在勤的床上。琪琪即時勾緊男友的臂彎。
 
 
琪琪:HELLO。我係琪琪呀。
阿LO:我係阿LO。


勤:佢就走架啦。
阿LO:頭先你冇買野啦?
琪琪:佢冇去買野呀。
阿LO:唔駛咁尷尬。唔好搞到我呢邊就得架啦。如果我遲下有條女，都會想帶佢上來啦。
琪琪:咁我遲下介紹下啲囡囡俾你識呀。
 
 
三人寒暄了一會，勤就送琪琪到車站。
 
 


XXX
 
 
兩個多星期後，琪琪在晚上差不多十時來到勤就讀的大學校園。勤在中學本就是手球好手，上大學後亦參加了大學的手球隊。勤練習完後，離開體育館時就帶著琪琪找個地方吃宵夜。兩人坐下點了餐後，琪琪說:“你呢排點呀”
 
 
勤:呢排點?你好似從來未試過咁問我野。
琪琪:係咩?
勤:應該未。以前就算我地未一齊，連暑假都會個個星期見。未試過好似呢排咁。好似三個星期冇見啦。
琪琪:唔好唔開心啦。咁而家我地唔同學校。又各有各忙。
勤:你忙啲。都唔知點解你一開學都咁多野搞。
琪琪:咁係有好多活動想去或者要去嘛。同埋我要上系會。都要去佢地搞啲活動，幫下手，搞好啲關係。
勤:咁唔駛搞好同我啲關係咩？晚黑同你傾電話成日講唔夠幾句就訓著。你以前都唔係咁架!
琪琪:咁真係攰過以前嘛。你都有波要打啦。點可以賴晒我？何況今日都係我山長水遠來搵你。
 


 
勤自覺有點理虧，於是不再發言。飯菜送到後，兩人快速吃完，過程中不發一言。與其說兩人在拍拖，不如說兩人在對峙。
 
 
結賬後，琪琪即離去。勤一直追著琪琪到車站:“對唔住啦。俾我送你返屋企。”琪琪用很差的語氣說:“冇啲誠意。”勤捉著琪琪的手:“係我唔啱。唔應該你咁遠來到仲發你脾氣。”琪琪聽見後，心情沒有那麼壞，就讓男友送他回家。在車上，兩人終於開始交流近況。但當車程快要結束前，爭拗再起。
 
 
勤:咁有啲乜野人可能會同你一齊上莊呢?
琪琪:都係啲新生囉。話定俾你聽先，嗰個interview時問我拎電話嘅男仔，佢叫CARSON，都好可能會上莊。
勤:下?咁佢仲有冇煩你?
琪琪:少少啦。
勤:即係點?
琪琪:會主動撩我傾計咁。但你放心，冇野嘅。我上堂都有女同學喺身邊，唔會同佢坐。
 
 


雖然琪琪說這句話時刻意捉緊男友的手，但勤臉色一沉，沉思了一會就說:“其實，如果係咁，你可唔可以唔上莊呢?”
 
 
琪琪即時放開勤的手，黑著臉離開座位，走到車廂另一處坐下。勤不知所措，只好在原位呆坐到琪琪下車時跟著她。琪琪不讓勤拖著自己。她在行人路上對勤大聲說:“你有冇搞錯呀？又唔信我又唔識尊重我!你走呀!”
 
 
琪琪急步回家，勤只能追著女友連聲道歉。但琪琪沒有理睬他。到家樓下，琪琪走進大廈，頭也不回就撇下勤在外面。勤立即打了幾十次電話找琪琪，但琪琪已關掉電話。勤在琪琪家樓下著急了半小時後，透過手機短訊留了一句”Please forgive me”就動身返回宿舍。