由青梅竹馬開始: 2000年5月25日

最後一堂，學校的中五同學都被安排到操場影相留念。大合照過後，同學們就各自組合，找自己的朋友和老師合照。在人群中，貓和JOE各自找到了琪琪與勤。前兩者以要合照為由，各自拉琪琪和勤到操場附近的走廊。四人到達一個同學和老師都見不到的位置時，貓說了一句：”阿勤話有啲野要同琪琪講。”之後，她就和JOE回到操場，留下一臉錯愕的琪琪和勤。


勤知道這是貓同JOE的心思，但就是講不出口。琪琪見勤沒有說話的意思，就先開口：”係咪有野講？”勤知道不能不表白了，就終於講出了一句：”做我女朋友得唔得？”


琪琪：你真係想？
勤：係呀。鍾意左你好耐。
琪琪：好耐？咁而家先講？
勤：係我之前冇膽。


琪琪：就來會考啦。你而家至講想我點？黎到呢個時間至花時間拍拖呀？
勤：唔係……
琪琪：唔係？唔係想我做你女朋友咩？
勤：啱啱講錯左……係想，係好想。
琪琪：如果你早幾個月講，我一定會話好。但而家要考試啦。
勤：唔好咁。我地考埋試至正式關始？
琪琪：我地係咪5月25號最後一科？
勤：好似係。
琪琪。嗰日晏畫6點半，你來我屋企樓下，睇下見唔見到我啦。但講明先，嗰日之前，你唔可以搵我。就算喺試場撞到我都唔好叫我。我想專心啲讀書。
勤：好，好。


琪琪：你都俾心機啲讀書啦。
勤：哦。
琪琪即轉身回到操場。勤呆了一會後，也走了。之後兩人當然要被貓和JOE關心一下。琪琪告訴貓，她當然喜歡勤。但真的不想為拍拖而打亂了應付會考的計劃。而且她覺得勤太遲表白了，所以要留難一下他。
琪琪的想法當然會被轉告到勤的耳中，所以勤就算為了琪琪的回應略感失望，但也不算傷心。很快勤就開始想，要為5月25號籌備些甚麼？
XXX
來到5月25日下午6時15分，勤已在琪琪家樓下等待。他在期待正式將兩人的關係由朋友轉化成為情侶。感到既緊張又興奮的勤在盤算著見到琪琪時應有甚麼反應。不過，到了6月35分，勤仍未見到琪琪的身影。他開始焦急起來：琪琪是否不會出現？琪琪是否拒絕了他呢？又過了十分鐘，琪琪還未出現，勤想是否應該打電話給琪琪？又或者打電話予貓問問看？他開始擔心，是不是這兩個月來琪琪遇到了另一個男生，所以今天不會出現？


隨著天色漸黑，勤的心情也愈來愈差。幸好，快到七時正時，琪琪終於出現了。而且琪琪明顯是打扮過才下樓的。鮮紅的唇膏、無袖的上衣、露出大腿的短裙。雖然認識了琪琪數年，也曾多次在非上學日見過琪琪，但勤從未見過這麼美的她。而這個”她”就從今天起就是他的女朋友了。




琪琪：我遲咁多你唔走先嘅？
勤：我點會走呢？
琪琪：我等登睇下你有冇誠意架。算你啦。我地去邊呀男朋友？
勤聽見琪琪這樣說，即時心花怒放，剛才的焦慮也一掃而空。他捉著琪琪的手帶她走：”去食韓燒先啦。”