由青梅竹馬開始: 2000年的春天

2000年春天
 
放學後，阿勤坐在小食店內。在枱的另一方面對他的，是阿勤的死黨阿JOE和阿JOE的女朋友阿貓。
 
JOE：聽日係LAST DAY你都唔講的話，咁可能以後都冇機會講個喎。
阿勤默不作聲，只對著自己的飲品苦笑。
貓：到底你怕乜呢？都三年幾四年啦。由FORM TWO同班開始，大家都知你地係一對啦。
勤：怕樣衰掛。佢SAY NO咁點算？就算佢SAY YES，之後又會唔會分開？到時咪仲傷心。
貓：佢點會SAY NO？你都唔係唔知，呢兩年佢向幾多男同學SAY NO，咪就係因為你。
JOE：應該仲有更多男同學係因為你所以唔追佢囉。


勤：阿貓你肯定佢唔會拒絕我？佢可能話要專心會考先。
貓：你聽日表明佢唔會拒絕你。過左聽日我就唔知啦。佢都唔只一次喺我面前怨過你冇膽同佢講。
勤：好啦我諗下。唔好俾咁多壓力我。我今晚諗下。
 
雖然JOE和貓都不斷游說，勤還是舉棋不定。這個晚上，勤也沒有甚麼心機溫書。洗澡後他就躺在牀上思考到底明天是否真的要表白。他想起了由中二起他和琪琪的回憶。沒有男女朋友的名份，但在別人眼中，兩人早已是一對。勤也在想自己為甚麼這幾年沒有勇氣表白。是因為琪琪太美、成績又好所以自覺高攀不起？是否總覺得會有一個更好的男生搶走了琪琪？想到這裡，勤記起黃昏時阿貓的一句：”呢兩年佢向幾多男同學SAY NO，咪就係因為你。”
 
貓是琪琪的閨蜜，又是JOE的女友，她不會騙勤。但勤還是覺得要下決心很難。就在這時，勤的妹妹穎走進了房間。
穎：阿哥，阿貓問我你諗成點？
勤：乜野諗成點？
穎：同琪琪姐表白呀。


勤：喂細聲啲。唔係daddy mummy聽到。
穎：聽到都冇所謂呀。佢地都識琪琪姐呀。係你冇鬼用啫嘛。
勤：連你都來逼我呀？好啦，聽日講囉。
穎：咁我話返俾阿貓聽先。
翌日，勤回到課室時，已見到JOE在門外等他。
勤：做乜企喺度？
JOE：我奉命監察你。
勤：得架啦，得架啦。總之今日搵個適當時機。
說罷，勤走進課室，見到琪琪己在場，並和班上的其他女同學在合照留念。看到這場景，勤突然緊張得不知所措。他想走近琪琪，但又缺乏膽量。於是他離開教室在校園徘徊，打算到鐘聲響起始回去。
同時，琪琪見到勤出現，也沒有如平時那樣跟他打招呼。因為她等得太久了。如果這一天勤還是沒有表示，琪琪知道自己很可能不會再等下去。始終就算兩人一起升回原校，下次再見也可能是幾個月後的事。而這幾個月會發生甚麼事？沒有人知道。


小息的時候，與勤不同班的JOE又走來找勤。勤走到課室外跟JOE說：”又來監察我？”
JOE：係呀。講左未？
勤：未有機會埋到身喎。
JOE：你點都要搵個機會扯佢去一邊架啦。陣間食晏我地咁多人，食完行返來時你就做野啦。
勤：好，試下試下。
 
既然是最後一天上學，本身要好的同學就相約在午膳時間一起用膳。勤和琪琪身處的這個”集團”有十多人，當中包括了JOE和貓。和平時一樣，勤坐在琪琪身邊。但兩人今天都明顯心不在焉。因為勤等待著一個勇氣來臨的關口。而琪琪就等待著勤的行動。
 
回校的路程上，JOE和貓留意著勤和琪琪的情況。但在路上，琪琪和其他女同學邊走邊聊。勤則獨個兒走著。一直回到校園，都是這樣。於是貓對JOE說：”咁唔掂喎。陣間我地要再做啲野啦。”