要愛情，定要麵包?: 15. 多年沒變的頸巾

「仲係呢條頸巾呀?」
 
「嗯…妳織架嘛」
 
思思摸住頸巾邊笑邊流出眼淚
 
「果時真係織得好肉酸…」
 
「呢條係我收過最靚嘅頸巾」
 




「即係你收過其他女仔織俾你嘅頸巾?!」
 
「冇呀公主殿下，只有妳織過俾我」
 
思思再一次露出甜美笑容「算你啦」
 
那一天，我地兩個就好似10年前一樣，手拖住手行返思思屋企
 
「呀…我畢業之後都冇咩點返黎」
 




「我聽爸爸講，你每科都差唔多滿分畢業」
 
「唔好睇小IVE，想拎高分都要認真讀」
 
「你果時有冇諗過一畢業就黎澳洲搵我?」
 
「有架，working holiday又好，讀書又好，我都想過去搵妳。不過我又唔係有錢人…」
 
「所以你就趁每年馬拉松過黎搵我，跑足6年」
 




「Jacqueline話哂俾妳知?」
 
「嗯」
 
係我地行到思思樓下大門果時…有一把聲音叫住我地兩個
 
係凌Sir
 
「家姐妳返上去先，我同Clarence有野傾」
 
「爸爸你唔係追佢功課呀?」
 
「點會呢，佢好乖咁每入功課咁同我抄足，佢未試過欠功課」
 
思思好唔捨得咁樣返左屋企，凌Sir將我帶返canteen




 
「點呀?咁多年冇返過黎，有冇掛住呢到呀?」
 
「少少總有嘅，阿sir你搵我做咩?真係要我交功課?」
 
「阿翹…我想問你一個問題，希望你老實答我」
 
「冇問題呀」
 
「你係咪為左我個女而黎呢到讀書?一開始你已經想娶我個女」
 
「凌Sir…做咩無啦啦」
 
「係定唔係?」
 




「係…」
 
「你知…佢就快嫁俾佢大學同學」
 
「我知…」
 
「咁你仲捐個肝俾佢?而且你為左阿女，連自己婚禮都擱置埋，真係值得?」
 
「阿sir……我應承過Jessie…會保護佢照顧佢一世」
 
「果時你地17歲咋喎」
 
「咁就可以話俾人地知，10年前嘅我地，已經唔係細佬仔玩泥沙」
 
「我個女返左澳洲之後你會點?自己一個人生活?」




 
「其實…醫院想推薦我去外國大學讀藥劑，去英國或者澳洲….畢業後返唔返黎考試，就由我自己決定」
 
「你想呢?讀埋藥劑，做藥劑師?」
 
「呢個當然好啦..可惜都係錢嘅問題」
 
凌Sir聽完後，再一次拎出支票簿，我亦再一次阻止佢
 
「阿sir，我救Jessie唔係為左錢」
 
「我個勺蠻女…由細俾我寵到大，我都估唔到有男仔會為佢付出咁多」
 
「佢地…幾時行禮?」
 




「我都唔知，返左澳洲再決定」
 
「明白…」
 
「Clarence，阿女返黎通知親友準備結婚之時就發生咁嘅事，你就第一個出黎救佢，呢d唔知算唔算命運嘅安排…」
 
「有可能係嘅…」
 
「呢幾個月，你就同阿女好好相處，可能會改變d野都唔定」
 
「我唔想做衰人」
 
「男未娶女未嫁叫咩衰人」
 
莫非凌Sir今次開綠燈?