要愛情，定要麵包?: 9. 手術非常成功

「陳生…陳生…你聽到我叫你嘛?」
 
主診醫生將我從夢中帶回來，那麼…剛剛的是夢?夢中的婚禮?
 
我開始感到胸口下有點痛楚，不過心更痛
 
「係…醫生…」
 
「手術非常成功，你同凌小姐冇任何意外發生」
 




「思思…呀…凌小姐而家…」
 
「佢係ICU休息，如無意外，佢兩日後會轉加護病房」
 
「佢趕到返澳洲行婚禮?」
 
「呢個我地唔會容許佢搭飛機，佢需要留港觀察大約三個月」
 
「咁我幾時可以返藥房?人手非常緊張…」
 




「你先要休息，藥劑部而家人手唔算緊張，有藥劑intern幫手，仲有其他SP落場，大家都想你休息耐D，如果你係rush hour有事，大家會仲麻煩」
 
「唔該哂醫生…」
 
「應該係我地同你地講唔該先係，冇左你地藥劑部，我地唔可以放心醫病人」
 
「醫生你過獎啦…」
 
醫生轉身想離開時，又轉身返黎我身邊
 




「你…想唔想見凌小姐?」
 
我擰擰頭地苦笑
 
「大家都需要休息下，我唔需要見佢啦」
 
「屋企人?」
 
「佢地就更加唔好啦，我想靜靜地休息…唔…除左凌小姐嘅中學同學，何小姐之外，唔好俾其他人黎啦」
 
「冇問題，有冇野要係office幫你拎過黎?」
 
「唔…我檯面應該有本小說未睇完，麻煩叫同事拎俾我」
 
「冇問題」




 
呢個時間，我真係唔想見任何人，除左Jacqueline之外
 
晚上食飯果時，Jacqueline來到探我
 
「痛唔痛呀?」
 
「話唔痛一定呃妳，Jessie佢…」
 
「佢都醒左啦，佢一家人都探緊佢，你唔去見下佢?」
 
「唔去啦，愛人結婚了，新郎不是我……」
 
「一日都未簽紙，佢一日都未係人地老婆，而且佢要留係香港三個月，你仲有機會」
 




「唔通要我做衰人去拆散人家咩」
 
「不如你話我知丫，你麻醉左果時，發左個咩夢?」
 
「發夢呀…」
 
我一五一十咁將個夢境講哂俾Jacqueline知道，佢聽完之後靜左
 
「你個潛意識話左俾你知道，你心中埋藏左d咩係到，你會唔會好好把握?」
 
「呢層……」
 
「呢個係最後機會，你要諗清楚，你下次俾個答案我啦」
 
「下次?」




 
「我仲會代表我地班黎探你嘛，不過我有樣野想知」
 
「妳問啦」
 
「我有冇係你夢中出現?」
 
「哦…當然有啦…仲好恐怖添」
 
「點呀?」
 
「我未推門出醫院之前…俾妳地成班追住，想除我褲」
 
Jacqueline雙眼充滿期待，同埋奸笑
 




「我地會令佢成真架，嘿嘿嘿嘿…」
 
Jacqueline真係我嘅剋星黎……
 
就係Jacqueline第二次黎探我果時，我將個答案俾左佢
 
「我地一定會幫你」
 
一星期後，醫生批准我出院，期間凌Sir同Jessie未婚夫想探我，我都拒絕左。雖然我名義上係出院，但係我打算留係宿舍內留宿，以防傷口有事之類，另一方面，我係想更加接近思思，可以俾我偷偷地睇下佢
 
不過，當我離開病房果時，屋企全體連同Candy家人都黎哂，佢地應該係問我張支票到手未，佢地真係圍住我問我拎支票