要愛情，定要麵包?: 8. 夢中所見的場景

「同事，你知唔知即將做咩手術?」
 
「我將會將肝臟70%捐出，移植俾凌慧思小姐」
 
「好，冇問題」
 
臨入電梯之時，Jacqueline俾左個like我
 
入到手術室，醫生再問我最後一次。係唔係決定捐出肝臟，是否自願，而我嘅答案仍然係果個字
 




「係」
 
麻醉師俾我吸一口氣後，我就已經瞓著左
 
當時，我發左個夢。夢入邊全部都係我同思思兩個人之間嘅回憶；我地兩個第一次一齊過生日，第一次過情人節，第一次鬧交，第一次食同一杯雪糕，第一次發生關係……到佢離開香港果日，所有回憶一一係我腦中浮現，曾經有人話過，經常夢見嘅人同埋事，就係自己埋藏係心中嘅事，而我心中最深處埋藏嘅就係佢，凌慧思
 
我將佢放係心中10年，就連Candy都唔知有呢個人嘅存在。佢去左澳洲之後，我每日就望住佢屋企，寄望佢會返黎。到我畢業，我一有時間就返去佢屋企、佢學校等佢，雖然我知道無論我等幾耐都好，佢都唔會出現，但我依然係到等，我打算一直等落去，直到我有一日夢醒為止，我呢個夢，到今日仍然未醒。
 
我打開雙眼，身處係手術室之中，但係手術室冇任何人。當我離開手術台時，我唔係著住病人衫，而係著起我自己嘅便服。難道…呢D就叫靈魂出竅?我on the table?即係術中死
 




我行向手術室大門，用力一推，望見的，係一條長長走廊，感覺上，就好似biohazard一樣，難道我去左raccoon city?
 
「有冇人呀?!」
 
傳來一片死寂
 
「有冇人仲未死呀?anybody still alive?」
 
我自己一個人係冇人嘅醫院中四處行，好怕突然間有喪屍撲出黎咬我。係角落位一轉，仍然係一條長長死寂嘅走廊，我開始覺得我自己已經到左生命大限，準備接受審判
 




走廊的盡頭，有少許光線透過門上的玻璃窗傳入我眼中。我加快腳步，用許文強式推門方法推開大門，一片大海景色跑進我的眼底，我認得呢個地方，係我同思思當年經常散步的地方，杏花村的海邊。
 
我雙腳不由自主地開始行，點到那個熟悉的地方，有一個熟悉的女孩背影坐在石駁之上。
 
那個女孩扎住一對麻花辮，穿上淺藍色旗袍長衫校服，同時佢係到望住大海。
 
我一步一步行上石駁上，坐到10年前我坐的位置上，然後…
 
「你返黎啦?」女孩的聲音非常熟悉
 
「思思…妳…」
 
冇錯，那個女孩正是我10年來朝思暮想的女孩，Jessie Ling，凌慧思
 
思思將佢個頭挨到我膊頭上，然後雙手撓實我的左手




 
從思思口中，再一次聽到那一首耳熟能詳的歌曲旋律，一首佢唱得非常好聽的歌
 
「約定」
 
我電話中播放次數最多的歌曲，正正是「約定」
 
我地一齊望住大海，佢離開香港多年，我期盼左今日有多少年?為佢流過多少眼淚?心痛過多少次?如今，我地係夢中相聚了嗎?是現實?定係夢?
 
「多謝你…捐出自己嘅肝臟俾我。可以令我繼續係世上存活，如果冇你，我唔可以著住婚紗行紅地氈」
 
那時景色變為一個婚禮場地，思思將佢右手撓實那一個人，凌sir；Jessie的爸爸，我的IVE yr1電腦科老師，慢慢地離我而去，將思思交到佢夫婚夫手中
 
「思思!!!!唔好嫁俾佢可以嗎!!!!」
 




不論我如何大聲地叫，其他人都聽唔到我嘅叫聲，而且冇人發現我嘅存在，我就似一個靈魂一樣，手腳開始變得淺色。思思甜蜜的笑容之下，我開始慢慢消失，直到的流淚中的雙眼，慢慢地….慢慢地變成透明
 
「唔好…我想再一次…捉緊……再一次….再一次…」
 
可惜，婚禮上的妖精並沒有出現
 
「哈利路亞，chance」呢句對白並沒有出現
 
然後…然後…