起舞吧!愛與舞蹈的感覺: 3
3
「阿哥，唔好迫姐姐住啦，我諗佢都…」依旋係呢個時候發聲，之後就走左。
「樂盈，返屋企啦」芝詩係背後叫左我幾聲，之後就慢慢行返屋企，我個腦又忙起黎…，究竟答應定拒絕，唔係冇感覺，只係一直咁拖落去，我同佢只會…
個腦又轉左成晚，之後返到學校，係學校撞到依旋，傾左差唔多5分鐘影天…
「我阿哥會等你架啦阿嫂，唔洗擔心」依旋咁回應左我，之後就返左班房…
「樂盈，你有冇睇到訊息？」係我返到班房果陣，芝詩好緊張就咁講左呢句…
「聖誕表演時間…」呢個訊息之後一路落一路落，去到最後先見到我地個名…
「我地做最後一隊？」望住呢個訊息，我呆左咁望住芝詩同岩岩返到嘅樂愛。
「咩？」「咁齊人嘅」樂愛同易心兩個都走左過黎，明顯佢地未睇到個訊息。
「我地個設計唔夠勁喎…」芝詩拎返之前麗晴嘅設計一齊傾，達到呢個共識。
「麗晴，聽日有冇時間傾下？」鈴鈴鈴…，聽到個鐘聲唯有慢慢收返部電話…
呢幾堂都專心唔到，只可以將白板上面嘅野過濾完再寫落筆記度，消化唔到…
「高樂盈」老師突然叫左我個名，白板好似有幾題數係度，有同學係度做緊…
「樂盈，老師叫你做第4題」隔離位同學提左一下，但係筆記上面空白一片…
「嗯」輕輕回應左一下就行左出去，諗左半分鐘之後先諗到應該點做…
「我地睇下同學仔嘅答案…」老師繼續解題，我個腦一直都唔係位，鈴鈴鈴…
岩岩解完題就落堂，而跟住係小息，終於…終於可以放鬆下，同姊妹訴苦先…
「學霸竟然會唔聽書！」「岩岩個腦實哂，唔好講住啦，比啲意見我先啦」姊妹們不斷吐槽我唔聽書，但係跳舞嘅事，仲有最麻煩嘅戀愛事，你叫我點聽書…
「究竟最煩嘅係戀愛定跳舞先」芝詩一個奸笑樣望住我，Er，我自己都唔知…
「Er…Er」一直Er咁回應，好啦，我宣佈我高樂盈今日全面死機，唔好搵我…
「唔好玩樂盈住，咁我地個表演點好？」樂愛好快就幫我解圍，但我一啲都搭唔到嘴，直到背後傳黎依旋把聲，仲有佢兩位姊妹，一行七個人係度開大會。
「姐姐，有咩意見？」傾左差唔多五分鐘，我一句聲都冇出過，依旋就問我…
「Er…Er」一直處於hand機狀態嘅我冇比任何回應，直到打鐘就自己返埋位。
「姐姐，你冇事呀嘛？」「Er…，冇野嘅，今日跳完舞你返屋企先」本來今日係要同佢補習，但我個腦處於呢個狀態，唔好話幫手補習，我自己都溫唔到書…
一直hand機到放學，要跳舞嘅芝詩同依旋，好快就離開學校，而樂愛同易心…
「你真係冇事？」「嗯，我返屋企先啦」好快就同佢地講左再見，慢慢返屋企…
「324號」係台飲店買完本野飲，就返屋企對住一大堆功課同書搏鬥。
咔…，大門發出開鎮嘅聲，望左一眼個鐘先發現已經係七點，嘩，咁晏啦…
「阿女？」「媽咪你返黎啦」今日唔知做咩，好想嗲下自己屋企人，嗯嗯嗯…
「傻妹，做咩呀」我只係擰一擰頭就返左房，好，繼續溫書做功課。
「食得飯」過多個鐘就聽到媽咪叫，而爹地係呢個時候都返左黎，一家三口。
「阿女，聖誕你有冇地方想去？」望返月曆，仲有一個月多啲就係聖誕節……
「Er，冇諗過喎」係腦海入面浮現大約一個月前爹地嘅說話，但總係冇諗過…
「咁快啲諗，再遲啲機票會好貴」爹地講完就放低筷子入左房做野。
「媽咪，聖誕假果陣我有個表演，但日期未知，可唔可以遲啲先」「咁樣…我同你爹地都係得一個禮拜假，你要早啲同我地講先得」媽咪講完就開始執枱…
食完飯就返左房溫書，再黎就係同姊妹傾下聖誕個表演，叮…，群組有訊息…
「我地個表演會係聖誕節前果個周末…」睇到呢個訊息就知道係放假之前搞。
「我聖誕想同屋企去旅行，大家有冇咩提議」望完個訊息就咁問左姊妹…
「日本」「X2」一直咁樣乘落去，日本，東京？，定大阪好呢，但好凍喎。
「阿嫂」呢個訊息突然彈左出黎，依旋？，咦，點解佢會知我聖誕去旅行？
「呀，我係八人群send左呢個訊息出去…」原本我大頭蝦得濟比依旋知道…
「岩啦，我同屋企人都傾緊去邊，不如一齊遊東京？」收到個咁嘅呢個訊息…
「Er…，我都係同屋企人去，唔係太好喎」好快就推左依旋嘅意見，之後就…
「不如我地31號出黎倒數囉？」依旋係群組入面咁樣，然後大家都一致通過。
「媽咪爹地，不如聖誕去日本旅行」用左差唔多一個鐘去傾個旅行方案，咁岩可以係22號前出發，避開左高峰期，我地係29號返黎，趕得切同大家倒數。
「我22到29號去左旅行」係群組度咁樣通知大家，佢地好傷心咁講「再見」
傾完一大輪又到左星期六…，嗯，因為腳傷未好所以冇去到排練，而星期六…
「阿女，我同你爹地呢兩日都要OT…」又係一啲例排對白，即係呢兩日…
「姐姐，得唔得閒教我做功課？」又有呢種訊息，而姊妹們又忙緊，唯有…
叮噹，唔到十分鐘門鈴就響起，而依旋都好精神咁企左係門口，會唔會太快？
「打搞哂」「樂盈麻煩你」「？」點解會多左把男聲？，咦，影天都係度嘅？
「今日冇野做所以陪左依旋過黎，順便係度溫書，唔駛理我」佢好快就坐低左，拎左自己嘅書出黎溫，而依旋都開始做功課，咁我都，唉吔，專心唔到…
係呢個尷尬嘅氣氛之下溫左差唔多兩個鐘書，雖然唔係太入腦，不過都得掛。
叮…，手機收到黎自芝詩嘅訊息，咦，佢同麗晴兩個傾緊跳舞野，不如我都…
「依旋，不如依家傾下我地個表演，反正都溫左差唔多三個鐘」提議完影天都點點頭，執埋自己野就離開左我間屋，呼，終於可以鬆一鬆，好緊張架嘛…
叮噹…，十分鐘之後兩姊妹就黎到我屋企，咦，原來易心同樂愛兩個都係度。
「咁齊人嘅」「岩岩補完習想搵芝士食下午茶，佢話有野傾咪黎囉，依旋你都係度呀」「hi心心姐姐」大家打完招呼就坐低，一路食住芝士買黎嘅蛋糕一路傾。
「依旋駛唔駛問埋你兩位姊妹嘅意見？」「要呀，不過佢地今日唔得閒，我地設計完星期一食晏再問佢地都得」就咁傾左差唔多兩個幾鐘，話咁快就到晚飯…
「麗晴你唔駛返去食飯咩？」「今日我約左芝士食飯，所以今晚冇煮飯」麗晴咁樣講完就大家望住大家，即係今日我地五個人可以一齊食，呀，仲有依旋喎！
「我打返去叫佢自己食」依旋明白我地對望嘅意思咁樣，然後我地六個人…
「知啦知啦，我食完飯就返」就咁講左成五分鐘，明顯係佢阿哥太長氣！
「好，各位想食咩？」芝詩一個問題釣哂大家想食嘅野出黎，再做一個投票…
最後大家決定行返出路德圍食飯，而依旋一面尷尬咁望住我，好似有野想講…
「姐姐你一陣可唔可以帶我返黎，我驚唔駛行」「噗，我一陣都要返屋企架傻妹」咁樣講完之後我地就一路行一路打罵，希望呢份友誼會一直長存落去。