起舞吧!愛與舞蹈的感覺: 2
「係呀，今日放假咪送佢返學，行囉？」影天好快拖住依旋，我就跟住後面…
「阿哥你唔洗陪我，去陪下姐姐」「言心」依旋好快就叫左眼前嘅女仔一下。
「樂盈，一陣放學你係唔係都會跳舞？」一路上佢問住唔關事嘅問題，但就…
「嗯，跳完舞見啦」好快就行到返學校，之後嘅時間，我都集中唔到聽書…
鈴鈴…，好快就到左午膳，而姊妹都行左過黎，問住今朝見到我同影天嘅事。
「唔係呀，咁都比你地撞到」「唔好講左第二度，做咩咁好接你返學呀」芝詩兜返去呢個問題，其實…我都唔知佢做咩會黎接我返學，只係咁岩經過…應該？
「唉，唔迫你啦，不過睇好你地架」大家都食哂飯，但係總係唔記得左啲野…
「呀，要還書」記起左要做咩就拎住本書快步行去圖書館，點知撞到依旋。
「姐姐你睇完啦，覺得點呀？」佢問起左呢句，就將睇到嘅野同佢分享，好快就過左成個午息，再到放學練舞時間，其實今朝已經覺得對腳有唔妥，不過…
「呀…」好似又扭親，但係唔想大家擔心唯有坐埋一邊，愎慢自己按下隻腳…
「樂盈冇事呀嘛？」「冇，應該係扭親，你地去練舞」差唔多休息完，但係隻腳仲係有啲痛，就坐係旁邊睇住佢地練，而影天亦係呢個時間到左前台等依旋。
「樂盈，坐係度嘅」唔知點解佢會行左入黎排舞室附近，比佢見到我扭親添…
「哈，岩岩扭親所以咪…」「你扭親，冇事呀嘛？」佢突然好緊張咁望住我，又想除低我對鞋同襪，手上面唔知幾時多左枝跌打酒，好彩依個時候排練完畢。
「嘩，洗唔洗咁細心」「樂盈，你男朋友？」姊妹又係度笑我，連其他團員都心心眼咁望住影天，而依旋到依家都未練完，仲係排舞室中間接受老師嘅指導。
「唔…唔係」怕怕羞羞咁回應左佢地嘅提問就係芝詩同麗晴扶住咁入更衣室。
「喂，岩岩做咩咁細心幫你嘅」換緊衫嘅芝詩八八掛掛咁問，其實我都想知…
「我點知佢啫」其實我係唔係要好好咁諗下點樣拒絕佢，但係我又唔忍心…
諗左唔知幾耐，連依旋入左黎都唔知，而佢阿哥…當然係門口等緊，之後就…
「樂盈，你傷左就唔好勉強行返去，等埋依旋再送你返去」佢呢一句比麗晴聽到就奸笑咁望住我，而芝詩好識做咁拉佢走，喂，你地兩個掟低我一個呀？
「阿哥我行得啦」「咦姐姐仲係度嘅？」對住影天，依旋唔會講阿嫂呢個稱呼。
「你姐姐佢整親呀，一齊陪佢返去好唔好？」「嗯」佢地兩兄妹傾完之後就由影天扶住我一步一步咁行返屋企，好彩都係十分鐘路程，所以好快就可以解脫。
「有咩就打比我啦，24小時on call」「你…你又唔係我男朋友，唔洗對我咁好」好想同佢講清楚，但係比佢一句拒絕左，因為「你係我仲意嘅人，24小時on call係我對你嘅承諾」，喂，劉影天，你係唔係真係要咁打動我個心？
比佢一句震攝左，就係群組度求救，亦都質問返麗晴同芝詩，點解唔救我。
「救咩啫，比你地兩個sweet一陣」呢個係芝詩係回復，而麗晴係笑而不語。
係呢個時間肯定冇人可以救到我，而我就回想起同佢嘅時光，係有啲心動嘅。
係第二日係落唔到床，唯有叫媽咪幫我請假，仲有就係係群組度叫芝詩幫手…
「你咁渣架」「咦，姐姐你係邊？」依旋唔知點解會知我冇返，又走黎搵我…
「琴日傷左今日行唔到☹️」咁樣復左佢之後就訓低繼續休息，不過我個腦…
「夠啦，唔好再諗佢」用說話制止個腦嘅行動，之後唯有用Ipad去解悶。
叮噹…，唔知過左幾耐，門鈴聲就傳到我耳邊，而來者係四姊妹加一個依旋…
「依旋？」「姐姐你要救我呀」一踏入門口，依旋又向我求救，今次係數學…
「係…係」好快復左依旋，之後就聽住今日嘅工作與溫習範圍，嘩，玩咁大？
「應付到？」「有冇咩重點…」冇返到一日學損失真係好大，唯有一陣自己溫…
聽完芝詩同易心講嘅重點，再處理依旋嘅問題，三個鐘好快就過去，跟住係…
「影天？」「阿哥，你做咩？」「見依旋黎左咪接埋你返屋企」見到影天仲係一身校服嘅裝扮，明顯係岩岩係學校出黎，而我行動不便，唯有坐低唔招呼佢…
「仲未補完習呀，等多陣」依旋回應左佢阿哥之後就繼續溫書，而我同班姊妹就繼續講解今日上1堂嘅重點，嘩，呢科會唔會深左啲，聽極都仲有盲點咁…
芝詩一直講住重點，但一直都講唔明我，唯有放棄，但影天就走埋黎睇筆記…
「呢度唔係咁」聽到呢一句，三位姊妹都望住影天，而麗晴都不解地望住佢。
見佢拎起枝筆係張白紙上面寫條公式，之後再係度做做做，兩分鐘就做完…
「嘩，點解我諗唔到架」「因為芝詩你豬囉」「樂盈，有咩數學唔識都可以搵我架」佢一個笑容就將其他野Bruh哂，好似呢個世界之中只係得番我同佢兩個…
「盈盈盈盈…高樂盈」一直聽到有人叫我個名，而叫完全名之後我就番左黎…
「嗯，冇事」「姐姐，呢度點做？」依旋再問問題，之後解決後已經到左七點…
「阿媽今晚有野做我地要自己食」依旋執緊野果陣，影天好快就講左呢句…
「樂盈你行唔行到？」叮…，我係度諗緊今晚應該點算好，媽咪一個訊息就…
「我同你阿爸今晚好夜先返，自己搞掂啦」咁樣…，係有啲辛苦，不過應該…
「可以，不過你地要行晚啲」麗晴同易愛就比人召左返屋企，所以我地五個…
「聽日洗唔洗請假？」「係喎，聽日仲有舞堂，咁唔該芝詩你啦」好快就決定左聽日繼續請假，到左食飯地方就叫我地嘅必叫之選，再到就係影天兩兄妹…
「就咁多，唔該」佢叫嘅份量差唔多夠食飽我地，明明我地都已經叫左野食…
「影天你…」「唔緊要，我地一陣仲有人黎」下…，你阿媽？，定係邊個黎…
食左差唔多一個鐘，枱上面嘅野仲有三分一，而呢個時候，一個陌生嘅身影…
「君君姐姐」依旋見到果個身影就叫左佢過，佢係影天隔離個位坐低左。
「紫君你終於黎啦」「岩岩收工遲左少少，咦，你咪…」呢位叫紫君嘅女仔，就係之前走過黎搵我果個，究竟影天約埋佢有冇企圖，係唔係向佢渲洩主權……
「點解佢會係度？」佢好簡單就問左一句，而影天都冇出聲坐左係度。
「劉影天！」「紫君你坐低先，我想講…」聽到呢句之後，芝詩同樂愛驚訝得掩住口，而依旋就望住我叫左聲「阿嫂…」，劉影天你係唔係傻左，又黎表白…
「劉影天，我係你身邊幾多年，佢係你身邊幾耐，點解我比唔上佢？，有咩理由？」佢講完之後就一枝箭咁走左，而影天就轉返個頭望住，有一剎那係…
「劉影天，岩岩係咩意思？」唔知點解次次見到佢都係表白狀態，雖然之前…
「高樂盈，我表白左咁多次，希望你可以感受到我嘅心意，同我一齊啦好唔好？」佢嘅呢個問題，有啲打通我嘅思路，但係呢個時間，讀書同跳舞，我…
「你仲要考慮咩？，讀書、跳舞？」佢嘅問題，咁岩同我嘅諗法完全一樣…