起舞吧!愛與舞蹈的感覺: 6
「係你準備架？」「係…係呀」突然聽到佢又變到怕怕羞羞咁，唔通佢仍然係…
「阿哥，做咩？」「阿媽叫你食糖水呀，樂盈你都黎啦」影天拋下呢句就走左。
「姐姐，我練到呢度夠啦」依旋好快就換返自己衫，一蹦一跳就走左去大廳。
望住依旋嘅動作，我諗緊聖誕節嘅表演，係唔係可以同依旋配合得到？
「姐姐，阿媽話呢碗係你架喎」依旋扁嘴咁同我講，點解個碗好似大啲嘅？
「我唔食咁多啦，嘩，十點架啦…」鈴鈴…，電話上顯示住媽咪呢個字。
「喂媽咪，我同朋友做緊功課，差唔多返黎架啦」一直回應媽咪，之後就…
「樂盈係唔係比屋企人催？」「係呀，我返去啦，聽日見啦依旋」「等等，拎返去食啦」佢地媽咪又拎左個樽比我，望一望入面都係今日嘅糖水，會唔會…
「好啦，真係夜，影天你食完可唔可以送樂盈返去？」「等我一陣」影天好快就換好蚜，再係大門口同我一齊出去，送我返近海之戀嘅大廈，一路上都好靜…
「唔該哂你」「樂盈…」正想轉身走果陣，影天就係背後叫住我，唔通佢又…
「我…我」「知啦，我要休息啦」好快就打斷左佢準備左嘅表白，轉身入大堂。
「呼…呼…」「差啲嚇死我，點解又要同我表白，同佢阿妹fd，但我真係…」「阿女，依家先返嘅？」係背後突然傳黎熟悉嘅聲音，原來係爹地返黎。
「同朋友做功課，所以咪咁遲返」「5，我地返上去」同爸爸好快就返到屋企。
「兩父女一齊返嘅？」「岩岩係樓下撞到」「媽咪，岩岩朋友比左糖水我，你同爹地分左佢啦，我仲好飽」拋低左係飯枱度，之後就跑左入房，要冷靜一下。
「阿女，快啲沖涼」「知啦，有啲野要同朋友傾完先」好快就開左姊妹群嘅頁面，打左今日發生嘅事，又係張床度冷靜左十五分鐘，再去沖涼洗走污垢。
鈴鈴鈴…，係洗手間出黎果陣，電話就響起左，芝詩，打過黎有咩事呢？
「芝士，做咩呀？」「岩岩見到你個訊息，想知道發生左咩事」又同芝詩傾左差唔多半個鐘，再問左佢想唔想玩聖誕節個表演，點知佢話…好，咁我同依旋…
「好呀，同樂愛、易心傾下先」「5，你問下依旋點啦」傾完電話都十一點啦…
「依旋，想問你想唔想玩聖誕節個表演？」「吓，姐姐都參加？」同佢傾左差唔多十五分鐘，之後又開左群組，加埋易心同樂愛入群，之後依旋都加左兩個…
「樂盈姐姐呀」群組唔到兩秒就彈左呢個訊息，嘩，點解咁多人識我嘅好似…
「六個人表演，大家有冇咩頭緒？」好似大家姐嘅芝詩即刻問問題。
「跳舞？」依旋唔到兩秒就答左，其實要練舞嘅話的確係幾方便，只不過過…
「我可以」呢兩個訊息好快就彈左出黎，冇set名，即係係依旋嘅兩個朋友。
「咁就得，依旋嘅兩位朋友，你地識跳咩舞？」「現代芭蕾」「jazz」兩個唔同嘅答案，令到我地呢場表演有啲唔同嘅風格，但點樣可以溶入芭蕾舞入面呢…
「麗晴救命」芝詩姊妹群入面求救，目標就係麗晴呢個小小嘅編舞家。
叮，晴晴加入群組…，唔到兩秒鐘嘅時間，芝詩已經將麗晴加左入黎表演群。
「有請編舞組嘅麗晴👏🏻👏🏻」芝詩歡迎完之後再係度傾編舞嘅野，直到……
「時間夠，請停筆」最後一科嘅測驗都完左，再黎嘅就係舞蹈班，而今日…
「依旋話你地要黎傾野，所以」「唔該哂人地阿哥」影天係舞蹈室門口接我地…
去到佢地屋企，已經見到兩個陌生面孔，但三個一齊叫左聲樂盈姐姐，即係…
「呢位係麗晴，我地嘅編舞」互相介紹完，大家都開始默默針默默針，不過…
「阿哥你做咩係咁望住我地？」「Er，你地飲唔飲野」佢係問左問題，但佢對眼一直望住我，我feel到佢已經望左成五分鐘，究竟佢係唔係想表白，定係佢…
「我要橙汁」大家講左飲咩，最後好似剩低我一個未講，佢就問「樂盈呢？」
「我…我唔駛住啦」唔知想飲咩就回應左一句咁嘅說話，希望佢冇唔開心啦。
「你地想要咩風格，都係芭蕾定點？」麗晴開始進入核心問題，而我地都轉左去舞蹈室，而影天好似咩都唔使做咁跟住我地，十足十一個監場咁睇到實。
「阿哥，你係唔係想搵樂盈姐姐呀，做咩一直跟住我地？」「Er…，想睇下你地做咩炸嘛，冇咩嘅我返去先」佢同個妹嘅對答一直都好順利，但係對住我就…
「人地擺明對你有意思，做咩對人咁冷淡呀」芝詩係中間突然黎一句咁嘅野。
「咩…咩喎，佢仲意我就一定要仲意佢架咩，你都錯嘅」話就話咁講，但係…
「呢度…」麗晴開始對我地嘅舞蹈有睇法，所以一路叫言心一路思考舞步。
「好，之後到婉瑛」依旋嘅兩位朋友表演完之後就到我地四位姊妹花出場。
「你地四個，幾時排到咁夾架」麗晴睇完之後就笑笑口同我地講，好恐怖呀！
「冇排過呀」「我諗到啦，大家埋黎」麗晴好似有諗法，就叫我地埋佢度……
「大家食飯啦」唔知過左幾耐，大廳傳黎影天嘅聲音，咦，已經七點啦？
「阿女，今晚我同你媽咪有野做，可能星期日晚先返，你照顧自己」係呢個時候先記得同媽咪講聲，點知就收到爸爸嘅訊息，佢同媽咪唔知係唔係又出差。
「岩岩測完驗應該冇野做啦何，不如聽日去玩？」大家都七嘴八舌咁討論…
「長洲」「大澳」大家不停提議一個地點，但冇人搞投票，直到芝詩問我意見…
「冇所謂，大家決定」個腦已經開始爆炸嘅我真係冇咩諗法，直到依旋一句…
「阿哥你係唔係都想黎？」呢一句之後大家靜左，突然多一個男仔黎會唔會…
「唔黎啦，你地成班女仔玩得開始啲」比個妹睇穿左嘅影天，開口都窒一窒。
「咁聽朝九點中環站等」芝詩唔知係幾時幫我地落左決定，地點係長洲！
「聽日見」係門口同依旋講左再見之後，就一行七個行返去荃灣西站。
叮…，電話唔知係幾時收到個訊息，望清楚先發現，係影天傳黎嘅訊息。
「阿妹就麻煩你，你自己都要小心啲」依旋駛咩我擔心，但最後果句好似…
係姊妹面前睇完個訊息，塊臉開始熱熱地，唔通我真係對佢動左真情？
「盈盈」「樂盈」不停聽到我個名，但個腦仲不停咁諗住影天傳黎嘅訊息。
直到麗晴嘅一拍，我先反應過黎，原來大家一直都望住我，究竟咩事？
「阿嫂，你同阿哥究竟點架？」依旋係群組入面打左呢句，阿嫂？
「吓…，依旋你講咩？」大家一路上都將岩岩見到嘅野重新復述一次…
「嗯，嗯，冇野嘅咁聽日見」係我屋企附近停低，而我亦都跑左返屋企。
「嘩，大家今日做咩…」沖完涼就見到大家傾到好興奮咁，而我都一樣…
「十分嘈」照平時返學set左同一個鬧鐘，而今日嘅早餐就係茶餐廳解決。
「下一站中環…」係地鐵入面聽住歌，直到中環就諗住行去集合地點…
「影天？」迎接我嘅唔只依旋一個，仲有係影天都係度，佢唔係唔黎架咩