起舞吧!愛與舞蹈的感覺: 3
「芝詩」一陣尷尬係我腦海之中路過，一秒之後就知道有咩唔妥，即時反駁。
「哈哈哈…，你地做咩咁怕羞，唔理你兩個，星期一見啦」好快芝詩就帶住三個離開我嘅視線，好似將我拋左比呢個識左唔夠兩個鐘嘅男仔咁。
「不如兩點？，係荃灣站等」尷尬左一兩分鐘，我即刻復番佢之前嘅問題。
「嗯，我走先啦，荃灣站見」不到三十秒，佢就好快咁跑走左，剩低我一個。
叮…，係戀愛大作戰群組度，芝詩又傳黎幾個唔同訊息，其中一個係試身相…
「你地係邊？」一個問題打上去，唔到兩秒鐘就收到麗晴嘅電話。
「你地散左啦？」「過黎無印」散左？，同佢開始都未開始就散左，唉…
個腦一直都唔太正常，係佢地四個面前，總係覺得唔知咖啡店之旅會變成點。
「好啦，我地嘅小公主，聽日諗住點呀？」嗯，依家係…，咁快係小巴上面？
「我地去緊邊？」「行緊屋企啦，盈盈一定係傻左」芝詩又話我，我真係傻左…
「咁聽日十二點見」好快就到左海之戀商場，而我同麗晴就慢慢咁行返屋企。
「不如我地傾下」「嗯」係唔到十分鐘嘅路程，真係唔可以再比自己煩住自己。
「盈盈你」「我都唔知自己想點」由見到張海報果日開始到今日嘅心情，一一都同麗閒講哂，個心就舒服左少少，但一分鐘嘅靜音時間，好似過左三十分鐘…
「咁聽日你同佢相處下先，畢竟你地都係相處左唔夠兩個鐘，同埋我地中三啦…」突然變左做阿媽一樣嘅麗晴，係度講緊如果我依家開始拍拖有咩壞處。
「嗯，我諗我知點做，聽日…」「得啦，聽日我幫你拖住芝士佢地」同麗晴將好左之後，我就快快返屋企，準備聽日咖啡店之旅嘅準備，不外乎係襯衫……
一直襯衫襯到唔知時間，直到開門聲響起我先發覺，原來已經差唔多十二點。
「樂盈，你仲未訓嘅」「Er…，同芝詩佢地出街出到8點，返到黎見有時間咪開始…溫書囉」岩岩打開本書嘅我，係度扮乖乖女，希望可以暪到阿媽嘅法眼。
「咁唔好溫咁夜，聽晚有冇約人？」聽日…，聽日應該最多去到6點，應該…
「應該可以嘅，做咩？」「聽晚你阿婆叫我地去食飯，所以咪叫埋你去」「好吖」聽到去阿婆度，就可以食到最好味嘅餸，有個阿婆像個寶呢句係真架。
叮叮…，唔知點解突然聽到呢兩下提示聲，嗯？，已經係朝早嘅十點？
「盈盈，開門」唔係話約十二點架咩，做咩你十點就黎左我屋企，想點……
「死芝士，你咁早過黎我屋企…」「幫你執好個人呀」芝詩好快入左黎我屋企。
「嘩…，你搞咩，咩都未搞，快啲去刷牙洗面…」好快就比人推左去洗手間…
「做咩咁緊張，吼…」係洗手間入面打左大嘅喊露，梳洗左差唔多十五分鐘…
「你搞咩搞咁耐…」咔…，講緊呢句果陣，屋企嘅大門唔知點解被打開……
「媽咪？」明明返緊工嘅媽咪，唔知點解依家會係屋企出現，咁我咪…
「唔駛理我，我返黎拎返啲野，不過阿女你…」「冇野架伯母，一陣我約左盈盈出街，不過早起身咪上黎搵佢食早餐」芝詩好快就為我解圍，叮…，手機上…
「一陣見(心心」後面果個…，唔通佢對我都有啲意思，定係咁岩加左上去？
叮噹叮噹…，大門又響起左門鈴聲，米愛同易心兩個已經盛裝咁企係門口……
「你兩個又...」「快啲去裝身」佢地三個好快就推左我返房，慢慢咁為我襯衫。
「好肚餓呀」「襯埋衫先去食早餐啦！」三位姊妹一路為我襯衫一路傾計。
過左差唔多一個鐘，我地就去左樓下茶餐廳食野，之後就傾左差唔多一個鐘。
叮叮…，到左差唔多兩點鐘，就收到影天的訊息，原來佢差唔多到左荃灣站。
「hi…」又開始口窒窒，佢係唔係每次見到我都咁緊張，好似每次都係咁？
「差唔多夠鐘啦」慢慢行過去，途中一粒聲都冇出過，好似一對陌路人咁…
「先生幾位？」「兩位，訂左兩點，姓劉」佢好快就復左侍應，但…點解咁順？
「你想食咩？」去到呢個位，我仲未諗到食咩好，但呢間咖啡店有咩好食？
「我食呢個，飲凍Mocha」都唔知食咩好，但係點解我地兩個都好似咁生外？
「真係要搵啲野傾，究竟傾咩好」「其實雙簧管難唔難架」音樂呢個話題幾好。
「其實唔難」講起呢個話題，佢好似開籠雀咁講左十分鐘，我好尷尬咁點頭。
「不如你試下？」講到呢度，我都有啲想試下，但係去佢屋企度，有啲危險。
「Er…，今日唔係好得閒，不如搵日再約？」叮叮…，電話響起有訊息鈴聲。
「做咩咁尷尬？」芝詩嘅訊息，令我突然記得，佢地三個依家就坐左係附近。
「不如我地行街…」食左差唔多一個鐘，覺得冇咩好傾，所以就去左海之戀…
「你有冇咩想睇？」「不如周圍行下先…」我提議完就沉默咁行左成個鐘……
「靜」叮叮，係呢個時候，電話突然傳黎一陣響聲，佢地四個又係後面跟住…
痴線架佢地，轉個頭就見到佢地，係度不停叫我拖住佢，傾下計，究竟點做…
不停行不停行，係度行左兩個鐘，呼…呼…，好似係緊張情況下，就五點…
「阿媽叫我去阿婆度食飯，要返屋企先，之後再約」同佢行左三個鐘，試左好多件衫同裙，仲有行琴行、Donki，一路行只係一路傾睇到嘅野，氣氛幾好嘅。
「阿女去到邊？」「係樓下啦」鈴鈴鈴…，準備搭升降機，班八妹又打過黎……
「點解八芝」「咩八芝，係呢係呢，點呀」返到屋企果陣仲係度傾緊呢單野。
「阿女，你換返件衫先」換完衫就比兩老帶左返祖屋，係群組仲係度傾緊…
「公公婆婆」好快就返到祖屋，公公婆婆兩個差唔多煮好飯，已經八點？
「阿女唔好睇電話住，同公公婆婆傾下計啦」「係…」放低左電話之後，我仲諗緊點解釋我呢個奇怪行為，呼，我真係唔知係唔係想拍拖，想同朋友傾下計…
「樂盈你讀書讀成點？」婆婆一邊夾左舊生炒骨比我一邊問我呢個問題……
「可以啦…」一邊答問題一邊諗緊岩岩嘅問題，都唔知點樣先可以傾到計…
叮叮…，群組入面又傳左幾個訊息出黎，佢地可唔可以比到實質嘅意見我？
鈴鈴，餐飯食到一半，就同佢地傾左成個鐘，爸媽兩個就望住我奸笑…
「做…做」「媽咪做咩咁嘅樣望住…」「冇，見你冇咩點食飯，食唔食甜品？」仲諗緊點樣回應媽咪，只可以笑住咁回應，之後再諗下點樣回復我班姊妹。
「下次點樣約佢好」拍拖新手係度求救，但係成個群組都冇拍過拖，咁…
「阿女好夜啦，早啲訓」再睇一睇時間，已經十二點，聽日…返學再諗…
「嘩，呢兩個背影好襯」芝詩係班房度，一邊睇住電話一邊讚歎，佢睇緊咩？
「芝士，你睇緊咩？」佢比我嚇一嚇，電話都差唔多跌落地，依張相好似係…
「喂，你幾時影架張相？」都差唔多上堂時間，成個班房嘅同學都望哂過黎。
「琴日跟住你果陣囉」佢係度慢慢睇其他相，仲有幾十張相，咁麗晴佢地咪