起舞吧!愛與舞蹈的感覺: 2
「星期六三點葵涌廣場見」咦，我幾時約左佢地星期六去葵廣食野行街架…
「麗晴，我地幾時有約架？」「原來你真係冇記憶架」佢掩住半邊嘴笑住咁講。
「咩事啫，快啲講！」「你果日唔知做咩呆哂，我地一直傾一直傾，你都冇反應咪冇理你囉，你應該冇野做啦」回應左我之後，到左我屋企樓下，但點解我…
「喂…」麗晴唔等我回應就離開左我視線，咁我咪返屋企自己諗對策囉。
「不如一齊去囉？」諗返起岩岩係餐廳嘅對話，佢係唔係真係想同我去架？
十五十六左一段時間，就send左個訊息去個陌生嘅電話到，咦，佢在線啦喎。
「你想幾時？」「星期日？」下個禮拜，一個禮拜時間準備，應該可以嘅…
「就咁…」「不如我地星期日去睇戲囉？」姊妹群度傳黎呢個訊息，咁我應該…
「@您」呢個訊息彈左出黎，隻手又不受控制咁禁左落去，呼，一定要答添…
「我…我…我…」唔知點樣復先好，所以就咁樣打左出群組，而佢已經……
鈴鈴…，電話傳黎左一陣又一陣嘅鈴聲，芝詩一個電話打左過黎，今次真係…
「喂…」「做咩呀」一句野打入我個心，究竟同唔同佢地講好，但係又想……
「盈盈！」隔左唔知幾多秒，芝詩又轟炸我個腦，唉，真係講又死唔講又死。
過左唔知幾耐，我個人開始冇力，電話不斷傳黎芝詩嘅聲音，直到第二朝……
「十分嘈…」又係同一樣嘅鈴聲，同一個空間，唔同嘅係電話得番50%電。
「呀，琴晚冇叉電」個心納悶左一陣，即刻快充換衫食早餐，Orz，十個訊息！
「有異性冇人性呀盈盈」其中一句係我個心度原地爆炸，佢地點會知我約左…
半個鐘後手機叉滿電，個人都叉滿電就慢慢行番學杖，諗緊點復佢地四個好…
「前面嘅高樂盈小姐，麻煩企係度！」落到樓下，背後即刻傅黎芝詩嘅聲音。
「易心同樂愛都係度，咁早嘅…」「唔好講左第二樣，星期日究竟得唔得閒呀」一路行返學，一路比佢地審問，但係我都未準備好，究竟講唔講比佢地知好。
「嘩！」行到去學校門口，一大堆人堆左係門口，好似睇緊啲好爆嘅消息咁。
「做咩」芝詩一馬當先殺左入去人群，之後就大叫左一聲，唔通有咩事發生？
「盈盈」一臉奸笑咁望住我，搞到我都想知究竟發生咩事，嘩，差唔多遲到！
入到課室，大家都有講有笑，但係點解總係覺得有人望住我黎笑，原來係佢…
「今日去到呢度，落堂…」好快就到左小息，芝詩三個就過左黎我個位度。
「今朝咁多人，究竟咩事？」「聖言中學樂團會過黎交流，仲唔大件事？」芝詩一句講左，成個班房即時起閧，聖言中學嘅樂團真係咁勁，成班都仲意佢地？
「唔講呢筆啦，點啫，星期六約葵廣，星期日去邊？」樂愛好快就講左重點…
「加埋麗晴都係得四個炸，唔駛理佢」芝詩一眼望左過黎，我好似變左罪人…
「樂盈你唔去？」易心好似發現新大陸咁，一時間反應唔切，咦，有新訊息？
「星期日邊度等？」返學時間用電話係常識吧，所以諗緊點復呢個約會好……
「做咩？」見我冇反應，易心就望下我部電話，呼，好彩收得快，如果唔係…
「搶到啦」芝詩拎住我部手機大叫，再將成條訊息讀左出黎，對方有頭像添…
「咦，呢個男仔」芝詩好快就記起果個男仔，之後五人群組，就多左個訊息。
「放學天使咖啡店開大會(怒)」好快就到左放學，五個人齊集天使咖啡店。
「芝詩，call埋我黎做咩」麗晴望一望我就向芝詩問左呢一句話，我究竟…
「有人暪住姊妹拍拖」一個眼神好似想殺死我咁，我…我…我都未開始拍拖。
「拍咩拖呀，我同佢都未開始」好快就辯解左，但大家都好似唔放過我咁。
「仲唔認，手機呢」樂愛係度搵返條訊息，放係張枱嘅正中間，等候發落…
叮，好快就收到另一個訊息，原來係教室傳黎，話下個禮拜開始排下場表演。
「又表演」麗晴睇完就抱怨，但眼前三個好似食左火藥嘅姊妹，想殺死我。
「哼，唔好理佢，我地星期日去邊？」「不如去呢間咖啡店？」麗晴好快就搵到個IG出黎，咦，呢個…咪係星期日我同佢果間，咁咪…一定撞到。
「喂四位，你地可唔可以…」「可咩呀，哼，仲未原諒你架」芝詩一句打埋黎，好似有幅無形嘅牆咁，將我同四個好姊妹隔絕，真係要同佢地好好講清楚。
「好啦，星期日就去呢度」佢地好快就決定好，即係我地一定會撞到啦。
「咁聽日見」麗晴係傾完之後就走左，而其餘三個，好快就望著我奸笑…
「咩…咩事」望住芝詩呢個樣，根據八年嘅經驗，一定冇好事發生，果然…
「你要貫衫？」「要買果個係你」一臉無辜嘅我望住三個好姊妹，只可以苦笑。
「呢件好似幾岩」「呢件岩啲」三個不停將啲衫同裙係度度身，之後就塞左…
「就呢幾件，去試身啦」好似做左佢地嘅試身公仔咁，試左差唔多半個鐘……
「就呢幾件，比完錢再去買化妝品！」好似大家姐咁帶住我行黎行去，點知…
「買咩化妝品？」咩都唔知嘅我就比佢地帶左去試，試完就買，直到八點。
「收獲豐富，食飯」去左平民食店，之後就講左佢地嘅大計，戀愛大作戰？
叮，麗晴已將跳舞五姊妹已改名為樂盈戀愛大作戰，嘩，你地黎真架？
「十二點樂盈屋企？」突然彈左一句我咩都唔知，但係關我事嘅說話出黎。
「好！」芝詩答左呢句之後，呢個禮拜都比佢地煩住，直到星期六去街果陣…
「聽日拍拖你諗住點？，AA制定咩？」拍咩拖，同朋友去下街炸嘛，唉…
「我都未知，咩都冇諗到」其實係約左去試咖啡店，真係冇其他野架。
同佢地四個一路行一路講野，唔經唔覺就去到葵廣，當然係食我地嘅最愛。
「半個鐘返黎拎」慧食貓一直都係咁多人，半個鐘…，去左三樓食其他野先。
「不如…」「咦…」一把男聲係耳邊經過，再望到眼前嘅男仔，咪就係佢黎？
「hi，咁都撞到嘅」「係…」「影天，終於有女朋友啦？」係佢身邊嘅兄弟，都講住差唔多嘅說話，果四隻好姊妹，當然講緊「咁都撞到，去拍拖啦」
「Er…，不如…」我正想提議一齊去食野，點知佢地四個同影天嘅朋友就…
「咁…去食野？」佢終於冇咩食螺絲，可以好似平常咁傾計，可能真係緊張？
「你黎呢度係食野定行街？」其實自己仲有啲餓，但冇理由要佢黎就我架…
「食野先啦，一陣再諗」同佢兩個係葵廣食左差唔多半個鐘，終於撞返佢地。
「死芝士」係佢背後一野打落去，麗晴咁岩望住我呢個動作，一臉奸笑咁…
「真係死啦，咦，你地拍完拖啦」「咩…咩…咩呀」手上面仲拎住8粒小太子。
「不如去食埋佢先」本來想兩份分嘅我地，就行左去座位度一邊傾計一邊食。
「聽日係唔係一點，我仲未訂位」係喎…，好似都冇確認過聽日我地約幾點。
「不如…」「兩點，訂6位呀」芝詩又行左詔黎，突然爆左呢句說話出黎......