那天放學後，我撞見有同學在學校後樓梯敦倫: 73 - 第一日返學就...

「嘩！好有型啊！」

我和阿方預先夾定台詞，在黃金凡出來的時候，模仿周星馳在<逃學威龍>中看見吳孟達威風凜凜時的樣子。

黃金凡亦都難掩興奮的心情：「Hello大家好！！！」

本來只差一人就開飯的我們馬上起動，子芊帶頭高呼：

「飲杯！」





我們叫了很多食物，除了大量壽司以外，還有一些不常叫的食物，包括龍躉、蛇羹。

雖然大家好像覺得龍躉麻麻地，但總體來說這間舖頭十分有質素。

在當晚，我們閒論了很多話題，其中包括回憶不堪回首的往事。

「國鋒，點解你一入嚟就做班長？」

「我填落去申請㗎嘛，想畀啲挑戰自己。係喎，你哋仲記唔記得當年嘅女班長？」





「你唔講我都記得啦，咁經典，不過佢今日冇嚟到。」

「佢應該唔會嚟㗎啦，佢覺得自己比人恰呀嘛。不過開學嗰一日，佢真係嚇親我。」

「佢搞咩？」

「第一日返學嗰日我哋收暑期功課，跟住我哋要拎上去教員室。行到去樓梯嘅時候，佢無啦啦捉住我隻手，然後問我可唔可以同佢做朋友。」

「Wow，跟住呢？」





「跟住佢就拖住我隻手，行咗兩層。」

「What the，咁大件事做咩唔同我講啊。」

「啱啊子芊，呢條友冇同我提過。」

「阿方都唔知？講！跟住你哋兩個之後點樣。」

「唔使咁激動嘅，然後我哋就沒有然後了，基本上交流都唔多。」

同時，黃金凡也分享了他在新學校的遭遇和趣事，他也展示了他現任女朋友的照片。

「嘩，你條女真係好索，仲正過蘇家祺啦。」

「唔好咁衰啦喂，跟住陣間燒埋你嗰疊呀黃逸軒。」





「喂，sor，對唔住大佬。」

黃金凡也同一時間提到了以前在我們學校讀書時遇到的情況，其中有一段讓我聽得炯炯有神。

「大佬，我參加咗幾次選拔都入唔到籃球隊呀。」

「阿方，除非你真係好鍾意籃球，如果唔係可能唔係壞事嚟㗎。」

「點解咁講呢？」

「你哋學校籃球隊有成績嘅背後好辛酸，大家付出嘅汗水好多，唔係個個都捱得到地獄式訓練。仲有，入面嘅文化都唔係幾好。」

「每個地方都有害群之馬，但係應該唔係影響到好多人？」





「梗係唔係啦，劣幣驅逐良幣呀。你哋知唔知邊個係劉朗然？」

ig: marx_ice_