那天放學後，我撞見有同學在學校後樓梯敦倫: 72 - 曼聯果然係狗嚟

「你班契弟...係咪好想杯葛我！」

看著阿方假裝激動的樣子，我強忍笑意，把事情的來龍去脈娓娓道來。

「就咁嘅，首先群組管理員唔係我。班長好大意，所以就漏咗你。我察覺到你“唔嚟”嘅時候，我又冇諗過係班長冇加你入群組呢個選項。結果最後一兩日我哋吹水嗰陣時我先醒起，問你做咩唔嚟，事情先至水落石出。」

「算你啦，見你解釋得咁辛苦，我點會唔嚟呀，冇見黃金咁耐。」

「係呀，我去都係想聽下佢呢幾年點樣，同埋未來打算點發展。」





「係喎，如果今日蘇家祺喺度我就可以食花生喇。」

「你唔好咁衰啦，話唔定人哋而家都有女啦。」

「咩呀，咁當年真係好經典。」

「到喇。」

我們找到我們中一那一班的區域，首先出來搭話的是班長。





「對唔住呀阿方，真係冇心，完咗之後請你飲嘢啦。」

「咁要你破費都唔係太好嘅，不過完咗之後飲嘢我又唔拘喎。」

「咁我預你嚟㗎囉！」

「國鋒！」

「張子謙，點呀，琴晚曼聯又俾人炒四球，你有冇睇。」





「唔使睇都估到佢哋輸啦，對住利物浦喎。」

「係呀，不過估唔到迪基亞都甩手。成隊都冇曬狀態，曼聯果然係狗嚟，冇得救㗎喇。」

「祝曼聯重建唔使好似利物浦咁要30年。」

「承你貴言！係喎，主角呢？」

「話塞車喎。」

「條，主角遲到，咁我哋唔使嗌嘢住啦。」

「等多陣啦，而家咁早，你好肚餓咩？」

「唔係呀。喂，子芊！」





「我行開先啦，唔阻住你哋兩個，你哋慢慢。」

「啊，你條友仔...」

「子謙頭先講咩呀，太嘈聽唔到。」

「冇咩特別。」

「奇奇怪怪，都話我哋好快再見㗎啦。」

「我哋就梗係啦，不過如果係黃金凡嘅話就未必可以再見啦。」

「唔好咁講啦，好掃興，雖然理智話畀我聽唔會再見。」





「再見呢兩個字好玄妙，入面包含咗會再次相見嘅意思，有一種希望喺入面，好過bye bye。」

此時，班長打斷所有人的對話。

「主角到！」

ig: marx_ice_