那天放學後，我撞見有同學在學校後樓梯敦倫: 66 - 餐廳

我追了家祺一段路，直到她在商場門口停下。

「呼...呼...跑咁快做咩，追死我喇。」

「追死你？係嘅，我係幾難追到嘅。」

一語雙關。

「你估我好想追妳咩，唔好咁自戀啦，見係妳請食飯咋。」





「我真係咁差咩，我都唔係好樣衰姐。」

「冇話妳差。」

「咁我靚唔靚女？」

「啊...靚啊。」

「多謝你讚我靚女。」





我認為現在這個情況應該要趕快轉移話題。畢竟女人「好撚古惑」，我現在「轉數」夠快支撐得住，但不擔保未來幾分鐘內可以沒有瑕疵地回答。

「不如講返正題，我哋究竟食咩？」

「就食前面呢間意大利餐廳啦，唔使等位。」

「會唔會太貴？」

「貴都唔係你畀錢啦。」





這句實在是講得太好了，不用給錢完全就是我和她出現在這裏的原因。

我們落單後，我不禁問出這一到我想追問的問題。

「係喎，其實粟米湯呢樣嘢根本唔應該出現喺走廊，妳解釋下好喎。」

「乜你咁守法㗎？」

「我梗係唔係啦，我都有試過將粟米湯拎入班房。」

「班房？你都好有料。」

「唔止我啦，阿方都係。我記得係form2嗰一年，因為佢坐我隔離所以我記得成件事好清楚。佢喺上緊數學堂嘅時候舉手，問阿sir可唔可以飲啖水。跟住阿sir擰轉面寫黑板，佢就喺地下拎起個粟米湯大膽咁飲。」

「嘩，最有料係佢喇。」





「我覺得個數學老師有料啲。」

「吓，佢連阿方上堂偷飲野都唔知喎。」

「但係我記得有一次數學堂嗰陣時，有同學喺個位度飲提子汁。跟住阿sir望到之後即刻發火，然後個同學搞事話入面有水嘅成分。」

「wow，咁跟住呢？」

「跟住之後，阿sir答返佢：咁你淨係同我飲入面啲水！」

「哈哈哈，唔錯唔錯。係喎，你今次考成點。」

「一如既往，中規中矩。」





「唉，我真係覺得好煩，今次考試差少少就唔合格，而家又要搵補習。仲有呀，有個師兄係咁喺度纏住我。」

「邊個呀？」

「劉朗然。」

ig: marx_ice_