那天放學後，我撞見有同學在學校後樓梯敦倫: 53 - 談判(1)

「校友？係畢咗業嘅同學定其他退休老師？」

「我哋個團隊聽到嘅就係畢咗業嘅同學。」

「鐘國鋒同學，我哋校方對於校友不嬲十分友善，只不過係由於最近幾星期比較敏感，我哋唔希望校友俾影響學校秩序嘅同學騷擾，所以我哋建議校友直接喺會議室同老師會面。」

「校長，恕我直言，我哋學生會收到嘅校友都係反映校方對佢哋欠缺專重，包括完全抗拒校友接觸同學，以前從未有咁嘅情況出現。我哋過去幾星期亦都有去信校方反映校方如果係希望表達出對校友嘅尊重同友善，喺呢方面校友嘅不滿會唔會有咩回應或者改善措施。」

「梁逸軒同學，我哋校方亦都著手處理緊你哋學生會方面來信所講嘅情況。我哋校方嘅立場就係希望喺多方面發生緊嘅情況作出一定程度嘅讓步。首先喺校友嗰個情況，訓導主任吳sir已經制定咗新嘅政策方向，有請吳sir。」





「唔該校長。我哋校方會建議校友喺嚟到學校探訪老師之前用訊息通知老師。不過，校友嚟到學校之後只需要做番簡單嘅登記手續。校友之後可以自行去教員室搵老師。我哋亦建議校友喺小息、食飯同放學時間先去搵老師。」

「明白，我哋喺自己嘅社交網站交代番校方嘅最新安排，免得校友唔知道。」

「我哋會同學生會主席做嘅一樣，等校友清楚返。同一時間，校方喺派文宣方面諸多刁難，包括唔俾我哋遞俾同學。我哋曾經去信學校提出方案，希望好似各大學咁樣開放一面牆，然後供各唔同諗法嘅同學寫或貼上自己嘅諗法，培養同學嘅批判性思考從而達到校方所指希望可以達到中立同有教育作用。但係，校方喺呢幾個星期一直以敷衍嘅態度應對，今日我哋嘅行動係因為我哋認為已經失去同校方討論嘅意義。」

「我哋校方一直釋出善意，希望以談判嘅方式解決問題。」

此時，阿方在座位上發言。





「但係，我哋一直以嚟都感受唔到校方有幾想釋出善意，包括打電話俾抗議嘅同學，喺啱啱食飯嘅時候，我更加用呢部相機影低咗校工同埋經濟科彭老師等等撕毀文宣嘅相。」

突然，彭老師衝向阿方的方向，並且企圖作出搶奪相機的行為。

「保護相機！」

聽到黃德勤的大聲呼喊後，我們一同走向阿方的方向，作出保護的行為。

在眾行動組同學齊心協力地保護相機下，彭老師放棄了搶奪相機的行為。





此時行動組的同學與彭老師爆發罵戰。

「做乜搶嘢呀？」

「我幾時有搶嘢呀。」

「咁你伸手出嚟，再跑過去部相機度做乜嘢？」

「而家點啫宜家？」

「作為老師明目張膽咁搶同學嘅財產，而家失敗咗之後你又咩表示都冇？」

「你點樣為人師表呀？」

此時，剛才離開了校長室一會的梁副校長趕到。





「要叫訓導組做嘢呀，你哋咁唔尊重老師。」

在梁副校長以挑釁和惡劣的語氣向我們同學發言後，很多同學情緒激動，並且直接引發新一輪的罵戰。

「而家老師做錯嘢都可以惡曬㗎咩？好大既官威呀。」

「而家係你哋唔尊重老師。」

「而家你係咪包庇彭老師嘅行為先！」

此時，Geog科何sir、中史科黃sir等等很多老師發言，希望調停衝突。

何sir:「大家冷靜啲先，情緒咁激動大家溝通唔到。」





黃sir:「有咩坐低慢慢講，搞清楚件事先。」

我們紛紛回到座位，繼續激烈辯論。

「彭老師，點解你頭先要作出搶奪相機嘅行為？」

「喺聽到同學嘅講話內容之後，我希望叫停同學，並且睇下相機入面嘅內容。」

「你邊有叫停我哋喎！」

「如果頭先我嘅行為引起同學誤會，我希望喺度講聲對唔住。」

「對唔住大曬？」

此時，校長開口了。





「各位，各位......」

ig: marx_ice_