那天放學後，我撞見有同學在學校後樓梯敦倫: 41 - 行動組

我從港鐵金鐘站A出口走出，走入海富中心。

這已經不是我今年第一次走入金鐘，我從來沒有試過像這兩個月一般不斷到金鐘去。

但是，這一次我並不是來參加什麼示威活動，而是來見一個人。

此時我看到了正在等候我、西裝筆挺的學生會主席梁逸軒。

「著到咁靚，去飲呀？」





「係呀，今晚有親戚結婚，不過是但啦，距離夜晚仲有好多時間。我哋去pacific coffee再傾？」

「Starbucks唔係近啲咩？你睇下，前面就係。」

「你知道作為一個本土派，我一直都最憎人用黃藍嚟講政治。但係啲戰友打得咁辛苦，大家又呼籲杯葛中資背景嘅Starbucks，咁我又點好意思呀行入去starbucks買野。我哋去力寶中心嗰邊。」

在買完咖啡後，台長開始娓娓道來今天找我出來的原因。

台長表示，在學校完全無視關注組和恐嚇關注組的負責同學後，事態開始一發不可收拾。很多和他同屆以及畀他小的高中同學十分憤怒，並且認為關注組做的工作不夠多，不能有效回應和抵抗學校的施壓。





「好多中四中五嘅同學要求成立一個冇底線、能以任何手段對抗學校橫蠻無理嘅組織。佢哋想成立呢個組織，然後搵我做公開嘅負責人去同學校做談判嗰個。」

「其實呢個係一個幾好嘅建議。唔止高中，好多初中嘅同學都覺得學校黐咗線。我最近同佢哋傾計既時候，佢哋除咗大大力小學校之外，亦都覺得關注組做得唔夠多。我同意學校唔肯談判，咁就做啲嘢迫到佢哋談判。」

「但係我覺得自己唔適合去出任呢一個負責人嘅角色。我宜家嘅角色係學生會會長，喺開學一個月之後就會換屆。學生會唔再係一個大問題，我已經喺任內堵塞咗好多漏洞，並且將學生會變得公開透明，大家可以隨時質詢學生會。我唔擔心學生會之後嘅運作，始終我而家都係學生會會長，一個學校體制內嘅人。

我覺得我嘅身份唔適合去出任呢個組織嘅負責人。所以我想搵你去出任呢個位置。」

「我？點解係我？況且仲有好多喺學校讀得更加長時間嘅師兄師姐。佢哋唔會更加有威望或者更加勝任呢份工作咩？」





「威望嘅話你就唔需要擔心，你喺主持校園電視台嘅汕頭透視做得好好，每一份稿嘅論點都好清晰，每一個提出嘅質疑都好尖銳，好多同學其實好鍾意睇你呢一個節目。」

「但係點解係我？」

「我同其他同一屆嘅同學好快就會畢業。對抗學校嚟緊好多潛在嘅一連串嘅衝突同埋無恥行徑，我哋需要一個領袖，而呢個領袖非你莫屬。你有足夠嘅能力去勝任呢一份工作，我希望有能者居之。唔好再推呀，接受佢呀！有咩事需要幫手我實幫你。

同埋身邊有人提議將個組織命名為“汕頭工商總會中學反修例行動組”，你同唔同意？」

「同意，咁我哋開始傾下行動組嘅工作？」

「好，我攞條熱飲飲管先。」


Ig: marx_ice_
https://instagram.com/marx_ice_?utm_medium=copy_link