那天放學後，我撞見有同學在學校後樓梯敦倫: 40 - 學校無視關注組
這個暑假，最引起大家注目的是兩件事。
第一就是汕頭論壇中有很多擁護政府的發言，而大部分的貼文下面都爆發罵戰。
第二就是有心同學成立了「汕頭工商總會中學反修例關注組」，並且在網上呼籲同學聯署，並且宣揚他們的理念。
可是，沒有人能想到事情後來的發展。
xxxxxxxxxxxxxxxxxxxxxxxxxxxxxx
汕頭工商總會中學反修例關注組 @shantou_aeb
我們反修例關注組的負責人在這一兩個月內一直嘗試聯絡校方，並且希望與校方溝通和協調同學在開學後所有表達自己意見的方式。但是，學校方面的回覆態度惡劣，除了十分強硬地拒絕了所有我們以及同學提出的意見，更加恐嚇如果校內有任何情況發生，將會嚴厲處罰負責反修例關注組的同學。我們對於校方的回應極為不滿，我們將會持續地關注事件以及嘗試與學校溝通。
xxxxxxxxxxxxxxxxxxxxxxxxxxxxxx
「阿方，你真係冇得試升？」
「係呀，一定要留喺中三多一年。」
「咁你咪正囉，暑期功課可以抄返舊年。」
「正你個頭咩，而家好鬼死煩呀，學校逼我暑假要去嗰個唔知乜鬼嘢camp，所有試升或者留班嘅同學都要去，類似“再教育營”咁嘅嘢。」
「你舊年都算破紀錄，一個學期欠交一百三十幾份功課。」
「咁你都仲記得？」
「點會唔記得呀，我做班長負責寫低邊個欠交功課㗎嘛。成日都有你份，仲要唔止一份。」
「笑死，不過我應該爭咗老師一啲功課未交，但係佢出年已經唔喺度教，所以即係我唔使交啦，yeah。」
「正契弟嚟㗎，人哋英文老師唔喺度教，走去做教育局，可能都係因為你。」
「最好關我事啦。」
「你條友，一定唔係淨係得舊年啲功課功課未交啦。舊年嗰個中文老師規定默書唔合格就要背一首詩，你爭佢十幾首。」
「你吹呀而家，佢出年都唔喺度教啦。」
「真係差。咦，手機冇訊號喇喎。」
「即係維園塞爆人啦，好野！」
「係喎阿方，出年記得玩少啲Terraria。」
「死啦你，我今年聖誕節曬得太多時間玩Terraria，基本上冇乜溫過書。」
「我仲好記得中一嗰一年，你上堂成日唔留心，功課又交唔齊，跟住嗰年教你數學嘅肥尹話你一定唔會合格。」
「跟住我學期尾嗰個考試派卷嗰陣時我合格！我合格！我即刻圍住個課室跑一個圈。跟住肥尹話“咁你都有得合格”。」
「阿方，嗰度有路攝出去。」
「行啦咁。」
xxxxxxxxxxxxxxxxxxxxxxxxxxxxxx
Ig: marx_ice_
https://instagram.com/marx_ice_?utm_medium=copy_link