那天放學後，我撞見有同學在學校後樓梯敦倫: 32 - 就職

「我謹此宣誓，本人就任汕頭工商總會中學學生會，定當盡忠職守、以服務同學為本。」

在訓導主任吳sir先讀一句，十位內閣同學再舉起右手讀同一句的情況下，宣誓儀式結束，內閣“覺醒”正式就任本屆學生會。

「陳校長，各位老師、各位同學早晨，我係學生會主席梁逸軒。

經過兩輪嘅點票，終於確認到選舉結果，今次嘅選舉結果承載著廣泛同學對我哋嘅期待。我哋啱啱結束咗對於學生會預算報告嘅醜聞、益力多過期事件、疑似選舉舞弊、同埋令人傷心嘅衝擊副校長室事件。

過去一年喺我哋學校發生咗好多不幸嘅事，我哋內閣建立嘅目的就係希望同學可以覺醒，睇清一切嘅情況，並且同我哋一齊撥亂反正。





撥亂反正嘅第一步就係徹底披露同埋結束過去大家對於學生會嘅質疑，由其是係財務報告方面。我哋將會徹底披露相關嘅資訊，希望藉此可以完全釋除同學對於學生會嘅疑慮，並且修補學生會同同學之間嘅關係。

我哋嘅學生會內閣代表著廣大同學嘅利益，而過去嘅學生會做唔到呢一點。為咗確保可以做到呢一點，我哋歡迎同學向我哋提出意見。我哋會喺學生會室門口整一個箱，隔離會有意見報表可以拎。歡迎同學提出佢哋嘅想法，就算係好簡短都可以。同時亦都歡迎喺我哋學生會嘅社交媒體上面寫出你希望我哋改進嘅地方，我哋一定會盡力做到最好。

另外，撥亂反正意味著汕頭工商總會中學重新團結。過去，前副校長蘇sir做出咗好多過份嘅事，令到同學們都好憤慨。因為咁樣，我哋令到學校入面產生咗好多仇恨，包括對於蘇sir個女嘅騷擾同埋辱罵。前副校長固然有責任，我哋喺對抗不義嘅時候亦都難免散播仇恨嘅種子。

隨著蘇sir離開教學職位，我認為我哋學生會內閣亦都有責任，為到學校入面嘅仇恨情況而道歉。我希望喺度以個人身份向三丁班嘅蘇家祺同學道歉。

我希望同學停止批鬥佢，以達到修補撕裂嘅目標。透過咁樣，我哋先至可以達到我哋內閣“覺醒：最初參選嘅初衷。





最後，我都懇請同學努力監督我哋，喺我哋犯錯嘅時候大力批評我哋，甚至喺嚴重事情發生嘅時候使用彈劾選項。

完成撥亂反正需要你哋嘅幫手，等我哋一齊改變學校嘅現狀。多謝大家。」

xxxxxxxxxxxxxxxxxxxxxxxxxxxxxx

「講得好，呢份演講稿可以載入史冊，可唔可以拎佢份稿。」

「你問佢啦，我變唔到份稿畀你。」





「你準備唱歌唱成點？」

「聽日就唱，希望大家手下留情。」

「放心，我一定恥笑你。」

「好差呀你條友。」

突然，地下一層有很多人在起哄，有些人甚至在尖叫。

「咩事？」

「去睇下。」






Ig: marx_ice_
https://instagram.com/marx_ice_?utm_medium=copy_link