那天放學後，我撞見有同學在學校後樓梯敦倫: 14 - 拖簿事件(3)

「停止學生妹，邊個寫份稿㗎，笑死。台長，佢哋態度咁強硬我哋下一步係咪做節目。」

「呢個學生會係少數比CCTVB更加是是旦旦嘅機構，佢哋完全唔肯認錯，咁我哋唯有邀請佢哋自己認錯。而家我希望再查多一樣嘢，就係學生會嘅財務報告。」

第二天，我們來到學生會門口。他們面對我們希望查閱學生會諮詢報告的態度極其惡劣，令台長更加下定決心要在「汕頭透視」中“招呼”學生會。

xxxxxxxxxxxxxxxxxxxxxxxxxxxxxx

「歡迎收睇今集嘅“汕頭透視”，我係主持人梁逸軒。根據廣大嘅老師同同學喺我哋官方網站投票嘅結果之後，我哋今日將會調查2A拖簿事件。喺我哋調查開始之先，我哋訪問咗幾位2A同學對於今次事件嘅睇法。」





「冇簿都冇計㗎，咪攞住舊年淨咗嗰啲呢頂住當先囉，唔通唔抄筆記、唔交功課咩。我阿媽話冇頭十嘅話就趕我出屋企。」

「事不關己，己不勞心。又唔係我冇簿，關我咩事啫，重點係我有咪得囉。」

「因乜事搞咁耐都印唔到呀，間廠效率咁低嘅。」

「2A同學等咗簿咁耐，透過採訪得知，喺全班都交齊簿費嘅情況之下，有人認為印刷商做嘢慢，搞咗就嚟兩個幾三個月都未印到出嚟。因此，我哋校園電視台嘅幾位記者喺上星期去咗印刷廠度詢問相關印刷嘅情況。」

然後台長便把當日我們的採訪片段播出。





「經過採訪之後，我哋終於大概了解到個情況。印刷商做嘢慢，搞咗就嚟兩個幾三個月都未印到出嚟。

個問題“一定係”喺個印刷商度啦，而我相信印刷商心中有更加多嘅問題想問，就係點解過咗就嚟兩個幾三個月，學生會或者學校處理相關買簿事務嘅人都冇畀到錢。責任“肯定”在於印刷商啦，佢哋一定要喺校方未比夠錢嘅時候就印夠簿畀大家啦。

另一方面，學生會一定會覺得我哋提供得唔夠證據，畢竟我哋去埋原廠問，肯定“好冇說服力”。佢哋啲公開聲明比起我哋實地走訪更加有說服力，係唔係？今次一定又要強烈譴責同堅決反對喇。

我哋“汕頭透視”每一次喺完結之前都會提出解決方法，今次亦都唔例外。雖然根據學生會所講，責任喺曬啲“造謠生事”嘅人度，但係而家最大嘅受害者就係冇簿用嘅2A同學。無論係學生會定係學校其他處理呢方面事務嘅人，一定要畀返2A同學一個答覆。

不過究竟佢哋會唔會畀出一個回覆呢？我有質疑，而我覺得嘢合理嘅，因為我哋喺希望查詢學生會財務報告嗰陣時遇到一個情況。」





片段在學生會門外開始。

「你好，我哋係校園電......」

「熄cam！即刻熄cam！」

「我哋係記者......」

「記你老母啊！」

「我哋希望查詢學生會嘅財務報告。」

「We are not a background ar, we are working ar, we are not playing ar, we are not a background for you to take a photo!」

隨著“砰”的一聲，學生會室的門口關上了。





「學生會果然係盡心盡力咁服務我哋同學。我哋普通同學係有權去查詢學生會嘅財務報告嘅，喺片段中我哋都可以睇到學生會係“冇拒絕”我哋嘅要求，並且態度“和藹可親”。我哋個腦入面當然仲會冒出無數嘅問題，就係點解連續幾年都有拖數嘅情況出現呢？要記住係唔止一次喎。

我哋下一集再見。」

節目播出後，回饋極大。全校議論紛紛，並且要求學生會回應以及公開財務報告。

但是，接下來的一件事令到事件瞬間沸騰，惹怒了很多同學。


Ig: marx_ice_
https://instagram.com/marx_ice_?utm_medium=copy_link