那天放學後，我撞見有同學在學校後樓梯敦倫: 13 - 拖簿事件(2)

「大鑊飯出版有限公司，地址：大窩口人民公社道59號紅旗樓711室。」

「唔該子謙，既然學生會對我哋好唔友善，我哋就自己去出版社問啦。」

「我哋定幾時去？」

「星期六下晝？台長得唔得閒？」

「冇問題，國鋒呢？」





「我Ok！」

「你唔使約女出街咩？」

「邊有咁多女呀？我話畀你聽OK就得㗎啦。」

「嘩，你條友致敬前港鐵主席馬時亨嘅金句喎。係喎想問下你哋兩個願唔願意入嚟多媒體學會，咁你哋就可以喺呢件事上面有校園電視台記者呢個身份。」

「冇問題。」





「Okokok!」

xxxxxxxxxxxxxxxxxxxxxxxxxxxxxx

「你好呀，你哋邊位呀？」

「我哋係嚟自汕頭工商總會中學嘅校園電視台，想追查吓印簿進度。」

「你哋係咪嚟玩嘢呀？」





「吓？」

「你哋學校啲同學仔呀，成日都畀少咗錢，我哋追數學校又唔理我哋。」

「有啲咁嘅事？」

「死咗佢啦你哋班畜牲，幾年都畀少咗錢，我而家唔叉使做生意呀，真係契弟，你俾幾多錢咪有幾多本囉。」

「唔該曬你哋先。」

「唔乜鬼嘢該啫，阻Q住我做生意，食屎啦」

xxxxxxxxxxxxxxxxxxxxxxxxxxxxxx

「唔使咁燥底呀？」





「你代入佢哋嘅角度諗下，有啲人幾年嚟都畀唔齊條數，你畀著係我做，我都會燥啦。」

「有冇搞錯呀，究竟係邊個整衰我哋學校個名。」

「學生會同校務處同樣態度惡劣，唔回應問題，就算我哋有呢啲真係我哋又可以點做？」

「佢哋態度咁差，我哋校園電視台嘅“汕頭透視”整番一集勁嘅去招呼佢囉。」

「台長，咁樣會唔會太明顯呀？」

「國鋒，呢個我反而唔驚，因為校園電視台一向係開放個網站畀大家留言去決定透視啲咩問題，如果夠多人留言嘅話，學校都唔會阻止到我哋整呢一集。」

「子謙真係聰明，係喎咁子謙你介唔介意去呼籲你哋班嘅同學上去校園電視台個網度打“2A班拖簿”。」





「好。」

「咁我都叫返當年我嗰班啲老友先。」

短短兩日內，竟然有一百一十八人入去網站留言呼籲講述這一次事件。即使是不同年級的同學也議論紛紛討論這次事件，其中討論的最甚的自然是我們級。

「今日早會有一則宣佈，係嚟自學生會嘅。宣佈如下：
“我是學生會主席莊文龍。我方就這一問題已表明立場：我們奉勸有心人士不要一意孤行，否則我們必將予以堅決反制，由此產生的一切後果必須由有心人士承擔。我們奉勸某些同學別再無事生非。這樣的有心人士，能和日夜辛勤服務同學的學生會相提並論嗎！還是我們經常說的那句話，請有心人士不要高估自己的造謠能力，也不要低估別人的判斷能力。謊言重複一千遍，依然還是謊言。

對於有心人士的錯誤做法，我方必將採取有力的措施堅決予以反制，堅定地維護自身名聲。如果有心人士一意孤行，我方必將採取有力措施予以堅決反制。有心人士攻擊抹黑學生會，他們的拙劣表演充分暴露出其不可告人的險惡用心和企圖。學生會自從上任以來一直促進學校發展，堅守道義，努力服務同學。

我們正告有心人士認清形勢，懸崖勒馬，立即停止抹黑學生會，以免引火燒身、自食苦果。全體學生會內閣堅決反對有心人士故意污衊學生會拖2A簿的行為，我方就此提出嚴正交涉和強烈抗議。希望有心人士能以客觀公正的態度對待學生會，不要無中生有。

我方強烈敦促有心人士不得故意抹黑學生會拖2A簿，有心人士罔顧事實、混淆是非、違反公理，我方對此表示強烈譴責和堅決反對。





我們希望有心人士認真對待我方的嚴正交涉和嚴正立場，立即停止不負責任的言行，停止學生妹。有心人士如果一意孤行，堅持故意抹黑學生會拖2A簿，最終必將搬起石頭砸自己的腳。有心人士的拙劣表演充分暴露出其不可告人的險惡用心和企圖。」

Ig: marx_ice_
https://instagram.com/marx_ice_?utm_medium=copy_link