那天放學後，我撞見有同學在學校後樓梯敦倫: 6 - 決定

在一個星期一的小息，我看到隔壁班的「兇手」梁書豪在樓層欄桿中俯伏著，而我的朋友阿方也在欄杆處，並似乎跟書豪談論着甚麼。

「咸濕仔！」

「死淫蟲！」

「摸到女神屎忽正唔正呀？」

我走過正在謾罵的人群，來找我的好朋友阿方聊天。





「阿方，傾緊d咩啊？」

「書豪話，校園電視台台長請佢上去講關於件事。佢而家喺度考慮緊去唔去，未做到決定。」

「上咗去先啦。」

「其實我最主要覺得我上星期都俾人記咗缺點，上節目改變唔到啲咩，同埋我講個真相出嚟有邊個信。」

「我同國鋒會㗎，同埋你都未講出嚟，你點知人哋信唔信？呢度啲人係咁喺度叫囂，不如我哋落去小食部一齊講？」





「書豪你食咗早餐未呀？」

「未啊。」

「咁行啦。」

因為遲了到小食部，我們只剩下撈麵可以買。

正如我所料，阿方在購買撈麵後，立即拿起櫃檯的茄汁樽。





「你條友又整茄汁豉油撈麵？」

「獨有配方嚟㗎嘛。」

「咁樣食法因住虧呀。」

「收皮啦，係都你虧先。」

「坐嗰度好唔好呀。」

「坐邊都得啦書豪，而家呢度咁少人。係喎，就算改變唔到啲咩，你真係唔打算講出嚟？」

「如果你哋係我，你哋會點決定？」

「上去講出嚟先囉，其他人信唔信係佢哋嘅事？」





「如果我見到其他人比人蓄意誤導而唔知道個真相，起碼我講出嚟會舒服啲，而人哋嘅目光你根本唔使理，係咪先？所以因為咁你一直以嚟唔澄清？如果人哋本身有偏見，你講咩都冇用啦。」

「咁我去囉。佢個台之前宣傳嗰陣時仲賴神秘咁話今日訪談節目有神秘嘉賓，原來就係我。」

「笑死，今日我哋一唔一齊上去現場聽節目呀，啊方。」

「冇問題，我想食花生。就快打鐘啦，返上去先啦，陣間撚yeung堂。」

放學後我們一起到了多媒體室。

「各位現場聽眾同埋youtube睇緊直播嘅老師、同學，大家好，我係校園電視台嘅台長梁逸軒。歡迎收睇我哋一個禮拜一次嘅訪談節目。今日我哋嘅環節比較豐富，因為我哋有兩位神秘嘉賓。我哋有請第一位嘉賓出場，二乙班嘅蘇家祺！」

「吓？？？？？？？？？？？？？？」






Ig: marx_ice_
https://instagram.com/marx_ice_?utm_medium=copy_link