好人卡太多 所以愛神憐憫我?: 9.3

「嗨！呀Me，我有d事想單獨同你講…」
 
「嗯…? 呀明…? 好呀…」呀Me若有所思
 
跟住，我地落左去醫院既canteen。
 
「呀蚊，我有d事要做…我走先啦…」我whatsapp呀蚊
 
「嗯，再見。」呀蚊以九秒九既速度覆我
 




「所以，有咩事呢？」呀Me坐左我對面
 
「我有樣野想你幫手…」我單刀直入
 
「呵呵！幫你唔係問題，但咩事先？」呀Me問
 
「我想你幫我叫你爸爸唔好拆散我同呀蚊…」
 
「哦？可唔可以聽下你既理由？」
 




「我好愛呀蚊…而且聽Auntie講得你先幫到我勸你爸爸收手…」
 
「幫你唔係問題。」呀Me爽快地回答
 
「真係？」咁順灘？
 
「係，不過有代價。」呀Me奸笑
 
「咩？」
 




「同本小姐做一對假情人，本小姐要你幫我應酬d人。」
 
「What the fuck? 」我莫名奇妙
 
又假情人？
真係當我係乜…
而且我已經有呀蚊…
仲要我一腳踏兩船？
當然，事實上我係一腳踏零船…
 
「互惠互利嫁姐…咁岩本小姐要個男人用。」呀Me笑笑
 
「小姐…我唔會背叛呀蚊…」我拒絕
 
「放心喎…本小姐要你個人，唔係你個心。況且，你仲有得揀咩？」




 
「…」我豫疑
 
「你仲有一秒鐘考慮，本小姐想得到既野一定要得到，你都唔係例外。」
 
好一個有錢女…
咁q大口氣都得…
如果唔係為左呀蚊…
算…為左呀蚊…唯有委屈d…
因為呀Me係我唯一希望…
 
「好！仲有，依件事唔可以同呀蚊講。」我首肯
 
「本小姐正有此意。」呀Me既笑容帶住半點邪惡
 




「咁幾時要幫你應酬？」我問
 
「放心，到時本小姐會聯絡你。」呀Me坐上嗰架唔知乜名牌既私家車隨風而去
 
聯絡我…
咪住…
佢連我電話都冇仲點聯繫我…
算…有錢人自有方法。