好人卡太多 所以愛神憐憫我?: 9.2

「哈囉婆婆！我地黎啦！」
呀蚊每次見到婆婆，都會非常興奮。
不論外人抑或親人，見到佢地兩個咁和藹都會由心而發咁尊重佢地。
可想言之，婆婆對呀蚊係一個好重要既避難所，
令佢唔洗喺壓力之下崩潰。
 
然而，我冇太留意呀蚊同婆婆之間既溫情，
因為有三個人企左婆婆旁邊。
一邊係Miss Cheung，亦都係呀蚊媽咪；
另一邊就係呀Me同佢老豆。




佢地之間好似有種無形既隔膜，
但奇怪既係明明Miss Cheung同呀Me老豆已經離左婚，
但點解呀Me老豆仲會黎呢…
 
 
「乖孫，你地黎左啦…」婆婆既聲線比之前更加微小
 
「係呀！」我同呀蚊一齊講
 
「見你地咁有默契…婆婆就安心啦…記得好似呀女佢地兩個咁恩愛呀…」婆婆露出滿意既笑容




 
呀女?!
即係Miss Cheung啦…
但係重點係「記得好似呀女佢地兩個咁恩愛呀」…
離左婚仲可以有幾恩愛…
 
「恩愛？」我衝口而出
 
呀Me老豆同Miss Cheung見狀即刻做左個「殊」既手勢，
而且仲不停搖住個頭，




好似叫我唔好繼續問落去咁。
 
「係呀…佢地結左婚二十年啦…」婆婆答
 
大概…
呀Me老豆同Miss Cheung喺婆婆心目中依然一齊緊…
就好似我同呀蚊咁…
大家咁做應該都只係想婆婆老懷安慰姐…
 
「放心婆婆！我一定會同呀蚊白頭到老既！」依句係真心話
 
之後，婆婆就叫我推佢出去出面花園…
我同佢開心share完我同呀蚊各種既回憶之後，
婆婆個樣當然滿意…
 




「婆婆，依度係學校班房呀！」
「婆婆，依度係我同呀蚊第一次相遇既地方呀！」
「婆婆，依度係南生圍呀！」
「婆婆，依度係海洋公園呀！」
「婆婆，依度係水運會呀！」
原來…我同呀蚊…不知不覺間已經扮一齊左咁耐…
快樂既時間過得特別快…
但我仲係唔想咁快就byebye…
 
喺完成左婆婆依條「支線」之後，
我就可以focus番喺「搵呀Me幫手」依條主線，
同時喺我黎醫院既最終目的…
 
終於，皇天不負有心人。
呀Me佢睇黎要去廁所…




睇黎要行動啦…
 
「噠…」女廁度門開左
 
「嗨！呀Me，我有d事想單獨同你講…」我挨起女廁隔離條走廊
 
黎啦…幫幫我…
你係我唯一既希望。