好人卡太多 所以愛神憐憫我?: 4.2

「勁啦呀明，終於唔洗再攞好人卡啦。」David邊食住佢個茄豬邊講
 
「咪係囉，出晒位啦依家。」Tommy食緊佢個大雞脾
 
「依家差你未有女喳肥仔。」Chris講
Chris係我地學校好出名既有錢仔，每次要捐錢都捐5、6位數字，
所以有班港女就好似蜜蜂咁係度嬲住晒。
 
如果話Chris係用錢黎吸引d囡，
咁David就應該係用佢個口黎氹班囡。




所以以前我成日諗既然David正常樣但係有把口就可以溝女，
咁我都唔會差得去邊掛…
結果…就唔好提啦…
 
「食啦…我女神話同緊佢男朋友分緊手嫁啦！」Tommy明顯地唔「鋸」
 
「係分緊…不過唔知分幾耐姐…」David笑笑口咁講
 
「唉算啦唔好再講，今日放學準時見啦，我番去先。」肥仔唔想再諗落去
 




「好，到時見啦！」

「其實呢…我依幾日都黎唔到happy hour…遲d我補番數…」我尷尷尬尬
 
「明啦兄弟，初戀係咁嫁啦…」
 
「記得到時分享下你地之間d事啦！」
 
「總之記得補數啦！好啦！我走先！」
 




兄弟依家野，真係唔好得一想二。
不過既然我有咁多個老死既，都應該係三生有幸啦。
成日聽人講兄弟之間唔好講太多野，都係吹下水講下波講下女渡日，
不過其實事實上佢地喺你有心事難過既日子，一定會好有你心。
幾夜都好，你叫得佢地出黎輕鬆下一定仆出黎。
 
不過唔好意思啦兄弟，暫時黎講呀蚊都係重要d…
希望你地可以做我後盾啦。
 
我番到學校，順便落去樓下canteen買包檸茶比呀蚊…
之後一個月都會係咁。
 
我貼左張memo紙上去包檸茶度，跟住就放上呀蚊張台。
上面寫住 : 「放學快d番屋企換衫先，五點半大圍火車站見。加油！」
仲有個笑哈哈既圖案…