好人卡太多 所以愛神憐憫我?: 1.4

 
「呀蚊，去到醫院個陣應該點？」我問
 
「係喎…我諗我地要扮得親密d…同埋呢…如果佢地問起我地開始左幾耐的話…應該點好吖…? 」
 
「一星期又好似太短，兩三個月應該差唔多既，都算入左穩定期，你婆婆聽到都應該放心…」我諗左一陣就答
 
「又好~ 同埋呢…如果我地咁樣互相稱呼對方會唔會好奇怪?... 」
 
「我覺得依家都ok既…只要close d應該冇問題。」


 
「嗯…好啦…因為我對愛情冇乜經驗…所以麻煩你啦…」
 
「初戀？！」我衝口而出
 
「嘻，如果我地唔係假男女朋友的話，應該就係啦…」呀蚊講得有d羞澀
 
哇…
原來我面前依位小姐係咁pure…
初戀呀…


我點頂得順呢…
 
「不如我地拖住手入去？！你知啦…咁樣好似sweet d嘛…」我大膽咁問
 
「下…都好既…」呀蚊先先有d呆左，但經過佢一番思考之後就應承左我
 
呀蚊隻手又白又滑，
不過講真，我咁大個人除左媽咪之外真係冇拖過其他女仔既手…
原來女仔隻手咁細隻，
嫩得黎又好揸手…


好彩依隻係手姐…
如果係其他地方的話我仲點控制自己？
 
我的處男幻想技術又再浮現…
 
「好啦，準備好未呀呀明，希望你可以一了婆婆既心願。」呀蚊笑住同我講
 
呀蚊既笑容，開心得黎但係又夾雜住一絲既失意。
我明白，佢雖然想一了佢婆婆既心願，但始終事實上我地只係一對假情人…
對住一個就黎上天家既親人…仲要對住佢講大話…
可能，呀蚊都曾經想搵過個真既男朋友…
都想經歷幸福歲月…
可以同男朋友扼住手同婆婆講聲: 「我終於搵到幸福，婆婆可以唔洗再擔心我…」
此時此際，我做唔到任何野…
醫院，係一個好矛盾既地方。


醫院，係最多人第一個見到既地方。
醫院，同時係最多人最後一次見到既地方…
 
我望住呀蚊，心中突然有團火湧上黎。
呀蚊，我要你得到真正既幸福！
我會真真正正還你婆婆一個心願。